រាជធានីភ្នំពេញ ៖ The Pizza Company ក្រោមការគ្រប់គ្រងរបស់ក្រុមហ៊ុន EFG បុត្រសម្ពន្ធ័របស់ក្រុមហ៊ុន អ អិម អេ ខេមបូឌា គ្រោងនឹងបើកសាខាបន្ថែមចំនួន៥សាខា នៅក្នុងប្រទេសកម្ពុជា ជាពិសេសនៅរាជធានីភ្នំពេញ ដើម្បីបង្កលក្ខណៈដល់ប្រជាពលរដ្ឋកម្ពុជា ក៏ដូចជារាជធានីភ្នំពេញងាយស្រួលរកនៅជិតផ្ទះ ។
លោកងន សាំង អគ្គនាយកក្រុមហ៊ុនអ អិម អេ ខេមឌា បានមានប្រសាសន៍ កាលពីថ្ងៃទី១៩ មករា ថា នៅឆ្នាំ២០១៧នេះ ក្រុមហ៊ុនមានគម្រោងបើកសាខាយ៉ាងតិចចំនួន៥ទៀតនៅក្នុងប្រទេសកម្ពុជា ហើយនៅពេលអនាគត ក្រុមហ៊ុនក៏មានចក្ខុវិស័យពង្រីកឱ្យបានគ្រប់ទីកន្លែងគ្រប់ខេត្ត-ក្រុងទូទាំងប្រទេសកម្ពុជា ។
លោកបន្តថា សាខាចំនួន៥បន្ថែមទៀត ដែលនឹងបើកនៅក្នុងប្រទេសកម្ពុជា មិនទាន់កំណត់ទីតាំងច្បាស់លាស់ឱ្យប្រាកដនៅឡើយទេ ដោយពេលនេះ ក្រុមហ៊ុនកំពុងសម្លឹងមើលពីសក្ដានុពលទីតាំង ណាដែលនឹងត្រូវជ្រើសរើស សម្រាប់ដាក់ទីតាំង ។
លោកថា «យើងកំពុងតែសិក្សាពីទីផ្សារ នៅតាមបណ្ដាខេត្តផងដែរ ដើម្បីបើកសាខារបស់ The Pizza Company ។ ការសម្រេចចិត្តបើកសាខាបន្តបន្ទាប់របស់យើងនៅក្នុងប្រទេសកម្ពុជា ជាពិសេសនៅរាជធានីភ្នំពេញ ដោយសារតែយើងបានមើលឃើញថា ប្រជាពលរដ្ឋនៅរាជធានីភ្នំពេញមួយចំនួន ចាប់ផ្ដើមមានកម្រិតជីវភាពធូធារ ហើយក៏មានការមមាញឹកជាមួយនឹងការងារ ដូចនេះហើយទើបពួកគាត់នាំសមាជិកក្រុមគ្រួសារមកទទួលអាហារនៅខាងក្រៅ ។
ចែករំលែកព័តមាននេះ