រាជធានីភ្នំពេញ ៖ អាគារខ្ពស់៤២ជាន់«Golden Tower 42th» នឹងដំណើរការក្នុងពេលឆាប់ៗនេះ ក្រោយផ្អាកការសាងសង់ជាបណ្តោះអាសន្នដោយសារវិបត្តិសេដ្ឋកិច្ចកាលពីឆ្នាំ២០០៨ ដែលបណ្តាលឲ្យវិស័យសំណង់នៅក្នុងប្រទេសក៏ដូចជានៅក្រៅប្រទេសជួបប្រទះនឹងស្ថានភាពជាប់គាំងមិនដំណើរការ។
រាជធានីភ្នំពេញ ៖ អាគារខ្ពស់៤២ជាន់«Golden Tower 42th» នឹងដំណើរការក្នុងពេលឆាប់ៗនេះ ក្រោយផ្អាកការសាងសង់ជាបណ្តោះអាសន្នដោយសារវិបត្តិសេដ្ឋកិច្ចកាលពីឆ្នាំ២០០៨ ដែលបណ្តាលឲ្យវិស័យសំណង់នៅក្នុងប្រទេសក៏ដូចជានៅក្រៅប្រទេសជួបប្រទះនឹងស្ថានភាពជាប់គាំងមិនដំណើរការ។
សំណង់អាគារខ្ពស់ទី១នេះ ត្រូវបានផ្អាកដំណើរការសាងសង់របស់ខ្លួនទាំងស្រុងបន្ទាប់ពីទទួលរងនូវវិបត្តិហិរញ្ញវត្ថុសកលឆ្នាំ២០០៨ ថ្វីត្បិតតែវិបត្តិហិរញ្ញវត្ថុសកលលោកបានអូសបន្លាយអស់រយៈពេលជាច្រើនឆ្នាំក៏ដោយ ក៏ក្រុមហ៊ុន Yon Woo (Cambodia) Co., Ltd មិនបានចាកចេញពីរិស័យសំណង់នេះឡើយ។ ដោយក្រុមហ៊ុននៅតែមានក្តីជឿជាក់យ៉ាងមុតមាំថា វិស័យសំណង់ក្នុងប្រទេសកម្ពុជានឹងមានសន្ទុះងើបឡើងវិញ ក្រោមការដឹកនាំប្រទេសរបស់សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃកម្ពុជា ។
ក្រុមហ៊ុន Yon Woo (Cambodia) Co., Ltd នៅតែបន្តខិតខំស្វែងរកគ្រប់មធ្យោបាយដោះស្រាយរាល់បញ្ហាប្រឈមមុខទាំងអស់ដើម្បីអាចសម្រេតាមបំណងប្រាថ្នាក៏ដូចជាពាក្យសន្យាដែលខ្លួនបានសន្យាជាមួយនឹងរាជរដ្ឋាភិបាលកម្ពុជានាពេលកន្លងមក។ សំណង់អាគារខ្ពស់ទី១នេះ មានទីតាំងស្ថិតនៅតាមបណ្តោយមហាវិថីព្រះសីហនុកែងនឹងមហាវិថីព្រះមុនីវង្ស ស្ថិតក្នុងសង្កាត់បឹងកេងកង១ ខណ្ឌចំការមន ។ ម្ចាស់ក្រុមហ៊ុន Yon Woo ក៏បានស្នើសុំឲ្យប្រជាពលរដ្ឋកម្ពុជាទាំងអស់មេត្តាអធ្យាស្រ័យនិងផ្តល់ឱកាសឲ្យក្រុមហ៊ុនក្នុងការបន្តការសាងសង់ ដើម្បីសម្រេចបានតាមបំណងប្រាថ្នាក៏ដូចជាពាក្យសន្យារបស់ខ្លួនឡើងវិញម្តងទៀត៕
ចែករំលែកព័តមាននេះ