អាល្លឺម៉ង់ ៖ តាមប្រភពពី Oddity Central បានឲ្យដឹងថា ក្រុមហ៊ុនអាល្លឺម៉ង់មួយ ទើបតែនឹងចេញម៉ូដខោស្ត្រីប្រឆាំងនឹងការចាប់រំលោ.ភ ។ ខោនេះត្រូវបានគេដាក់ឈ្មោះថា «Safe Shorts» ឬ «ខោខ្លីសុវត្ថិភាព» ដែលមានសាច់ក្រណាត់ស្វិត មិនងាយរហែកនិងមានខ្សែចងចង្កេះខោ មិនងាយរបូត ពេលចង់ចាប់ស្រាត ។
អាល្លឺម៉ង់ ៖ តាមប្រភពពី Oddity Central បានឲ្យដឹងថា ក្រុមហ៊ុនអាល្លឺម៉ង់មួយ ទើបតែនឹងចេញម៉ូដខោស្ត្រីប្រឆាំងនឹងការចាប់រំលោភ ។ ខោនេះត្រូវបានគេដាក់ឈ្មោះថា «Safe Shorts» ឬ «ខោខ្លីសុវត្ថិភាព» ដែលមានសាច់ក្រណាត់ស្វិត មិនងាយរហែកនិងមានខ្សែចងចង្កេះខោ មិនងាយរបូត ពេលចង់ចាប់ស្រាត ។
មិនត្រឹមតែប៉ុណ្ណោះ វាក៏មានមកជាមួយនូវប្រព័ន្ធបន្លឺសម្លេងឱ្យអ្នកផងនៅជុំវិញខ្លួនដឹងទៀត នៅពេលដែលមានគេមកចាប់ទាញខោ ។ លោកស្រី Sandra Seilz ដែលជាអ្នកបង្កើតខោនេះ ឡើងនិយាយថា លោកស្រីចង់ផលិតខោនេះឡើង សម្រាប់នារីៗគ្រប់រូប ឱ្យចៀសផុតពីការចាប់រំលោភ។ លោកស្រីបង្ហើបឲ្យដឹងថា កាលពីមុនលោកស្រីក៏ត្រូវបានបុរសបីនាក់ព្យាយាមចាប់លោកស្រីរំលោភ ពេលកំពុងរត់ហាតប្រាណ។
ខោពិសេសខាងលើ មានចំណុចការពារបីកន្លែង ទី១-ខ្សែរបស់វាធ្វើឡើងពីសាច់ក្រណាត់ ដែលមិនងាយកាត់ដាច់ និងមិនងាយរហែកឡើយ រួមជាមួយនឹងសោរសម្រាប់ចាក់ជាប់ទៀតផង។ ទី២-ថ្នេរខោមានសភាពស្វិតមាំ ធ្វើឲ្យជនចាប់រំលោភ វេទនាក្នុងការចាប់ហែក និងទី៣-ចុងក្រោយ វាមានប្រព័ន្ធបន្លឺសម្លេងខ្លាំងៗ ពេលមានគេមកចាប់ទាញខោ។
ក្រុមហ៊ុនប្រាប់ថា ពួកគេមិនត្រឹមតែបានទទួលការបញ្ជាទិញពីជនជាតិអាល្លឺម៉ង់ក្នុងស្រុកទេ តែពួកគេក៏មាន អតិថិជនពីប្រទេសជប៉ុន ហ្វាំងឡង់ ស្វីស អ៊ីតាលី តៃវ៉ាន់ និង អាមេរិក ថែមទៀតផង។ តម្លៃរបស់វាមានពីរខ្នាត ចំពោះខោសម្រាប់រត់មានតម្លៃ១៦០ដុល្លារ ខណៈដែលខោសម្រាប់ស្លៀកធម្មតា មានតម្លៃ១០៧ដុល្លារ ។
ចែករំលែកព័តមាននេះ