រាជធានីភ្នំពេញ៖ សេចក្តីរាយការណ៍បានឱ្យដឹងថា ពលរដ្ឋជាអាជីវករលក់ផ្កាអង្គារសីល៍ នៅម្តុំផ្លូវជ្រោយចង្វារជាច្រើននាក់ កំពុងតែត្អូញត្អែរខ្លាំងពីការលក់ផ្ការបស់គាត់ ជាពិសេស គឺផ្កានោះវាពិបាកថែទាំ ដោយមិនចេញផ្កាល្អដូចឆ្នាំមុនៗ ។
រាជធានីភ្នំពេញ៖ សេចក្តីរាយការណ៍បានឱ្យដឹងថា ពលរដ្ឋជាអាជីវករលក់ផ្កាអង្គារសីល៍ នៅម្តុំផ្លូវជ្រោយចង្វារជាច្រើននាក់ កំពុងតែត្អូញត្អែរខ្លាំងពីការលក់ផ្ការបស់គាត់ ជាពិសេស គឺផ្កានោះវាពិបាកថែទាំ ដោយមិនចេញផ្កាល្អដូចឆ្នាំមុនៗ ។
ជួបជាមួយអ្នកយកព័ត៌មានកោះសន្តិភាព អាជីវករម្នាក់ឈ្មោះទូច អាយុ៣៦ឆ្នាំ បានឱ្យដឹងនាព្រឹកថ្ងៃទី២៣ មករា នេះថា គាត់ជួបការលំបាកច្រើន ខណៈដែលពិធីបុណ្យចូលឆ្នាំចិនឆ្នាំនេះ គឺស្ថិតក្នុងខែ០១ (លឿន) ខណៈអាកាសធាតុក៏ប្រែប្រួល មិនអំណោយផលល្អនោះទេ ធ្វើឱ្យដើមកាអង្គារសីល៍មិនបានចេញផ្កាល្អ ដោយដើមខ្លះអត់ចេញផ្កាក៏មានដែរ ។ ដើមផ្កាអង្គារសីល៍ ត្រូវគាត់យកពីភ្នំមួយនៅឯខេត្តក្រចេះ ដោយទិញក្នុង១រថយន្ត (ចងបាន១០០បាច់) គិតទាំងថ្លៃដើមនិងការចំណាយអស់ចំនួន២៥០០ដុល្លារ ហើយការលក់ទៅឱ្យអ្នកទិញវិញ គឺចំនួនមិនដូចឆ្នាំមុនៗទេការធ្លាក់ចុះច្រើន ។
ដោយឡែក អាជីវករម្នាក់ទៀត ឈ្មោះហាន សុខហេន អាយុ៣១ឆ្នាំ ក៏បានឱ្យដឹងដូចគ្នាដែរថា គាត់បានទិញដើមអង្គារសីល៍នេះ ពីខេត្តពោធិ៍សាត់ ដោយដើមទាំងនោះ គឺវាមិនបានចេញផ្កាល្អដែរ ធ្វើឱ្យពិបាកលក់ចេញណាស់ ។
ចែករំលែកព័តមាននេះ