រាជធានីភ្នំពេញ ៖ សមាជិកក្រុមជនសង្ស័យប្លន់ប្រដាប់អាវុធនៅស្រុកស្ទោង ខេត្ដកំពង់ធំម្នាក់ កាលពីថ្ងៃទី២៥ មិថុនា ត្រូវនគរបាលនាយកដ្ឋានព្រហ្មទណ្ឌក្រសួង មហាផ្ទៃ ឃាត់ខ្លួនតាមដីកាបង្គាប់ឱ្យចាប់ខ្លួន របស់សាលាដំបូងខេត្ដកំពង់ធំ ពីបទប្លន់ និង ប្រើប្រាស់អាវុធខុសច្បាប់ ។ជនសង្ស័យម្នាក់នេះឈ្មោះឌឿន ស្រុន ហៅបុល ភេទប្រុស អាយុ៣១ឆ្នាំ មានទី លំនៅក្នុងភូមិស្ពានគ្រង ឃុំចំណារក្រោម ស្រុកស្ទោង ខេត្ដកំពង់ធំ បច្ចុប្បន្នជាអ្នក បើករថយន្ដឱ្យលោកឧកញ៉ាម្នាក់នៅសង្កាត់ ច្បារអំពៅ ។ លោកឧត្ដមសេនីយ៍ត្រី ឡឹក វណ្ណៈ អនុ ប្រធាននាយកដ្ឋាននគរបាលព្រហ្មទណ្ឌ ក្រសួងមហាផ្ទៃឱ្យដឹងថា បន្ទាប់ពីការស្រាវ ជ្រាវ សមត្ថកិច្ចរបស់លោកបានឃាត់ខ្លួនសមា ជិកក្រុមចោរប្លន់ម្នាក់នេះនៅច្បារអំពៅ ខណៈរូបគេគេចខ្លួនទៅស្នាក់នៅផ្ទះលោក ឧកញ៉ាម្នាក់ធ្វើជាអ្នកបើកបររថយន្ដ។
លោកឧត្ដមសេនីយ៍ត្រីឱ្យដឹងទៀតថា ក្រោយពីចាប់ខ្លួន ជនសង្ស័យបានសារភាពថា កាលពីថ្ងៃទី១៧ មិថុនា ២០០៩ វេលាម៉ោង ប្រហែល២រំលងអធ្រាត្រ រូបគេនិងបក្សពួក ៥នាក់ទៀតបានចូលផ្ទះប្រជាពលរដ្ឋនៅភូមិសាន់គរ ឃុំសាន់គរ ស្រុកកំពង់ស្វាយ ប្រដាប់ ដោយកាំភ្លើងអាកាស្វាយបត់១ដើម មាន គ្រាប់២០គ្រាប់ ប្លន់យកម៉ូតូ២គ្រឿង និង ប្រាក់២លាន៥សែនរៀល ។ លើកទី២ ក្រុម គេដដែលមានបក្សពួក៤នាក់ ចូលប្លន់ផ្ទះអ្នក ស្រុកនៅភូមិសណ្ដាន់ ឃុំចំណារក្រោម ស្រុក ស្ទោង យកបានគោយន្ដ១គ្រឿង រួចយកទៅ លក់យកប្រាក់ចែកគ្នា ។
ចំលើយសារភាពឱ្យដឹងទៀតថា ក្រោយ ពីប្លន់លើកទី២នោះមកសមត្ថកិច្ចចាប់ខ្លួន បក្សពួកគេបាន៣នាក់ យកទៅដាក់ពន្ធនាគារ ខេត្ដកំពង់ធំ ចំណែករូបគេបានមកភ្នំពេញ ប្រកបមុខរបររត់ម៉ូតូឌុប ស្នាក់នៅផ្ទះជួលជិត ផ្សារទួលសង្កែខណ្ឌឫស្សីកែវ លុះក្រោយមក បានទៅបើករថយន្ដឱ្យលោកឧកញ៉ាម្នាក់នៅច្បារអំពៅ ។ ជនសង្ស័យជាចោរប្លន់ម្នាក់នោះត្រូវសមត្ថកិច្ចក្រសួងមហាផ្ទៃរៀបចំឯកសារបញ្ជូន ទៅកាន់ខេត្ដកំពង់ធំ ដើម្បីចាត់ការតាមផ្លូវ ច្បាប់ ព្រោះគេបានធ្វើសកម្មភាពនៅខេត្ដ នោះ ហើយការចាប់ខ្លួនក៏ធ្វើឡើងតាមដីកា របស់សាលាដំបូងខេត្ដកំពង់ធំដែរ ៕
ចែករំលែកព័តមាននេះ