ប្រកាសចូលកាន់តំណែងអភិបាលខណ្ឌថ្មី ចំនួន០៨រូប នៅរាជធានីភ្នំពេញ
រាជធានីភ្នំពេញ ៖ រដ្ឋបាលរាជធានីភ្នំពេញ នារសៀលថ្ងៃទី១៩ ខែសីហា ឆ្នាំ២០២២នេះ បានរៀបចំពិធីប្រកាសចូលកាន់មុខតំណែងចំនួន០៨រូប ក្នុងនោះ ជាអភិបាល នៃគណៈអភិបាលខណ្ឌ…
រាជធានីភ្នំពេញ ៖ រដ្ឋបាលរាជធានីភ្នំពេញ នារសៀលថ្ងៃទី១៩ ខែសីហា ឆ្នាំ២០២២នេះ បានរៀបចំពិធីប្រកាសចូលកាន់មុខតំណែងចំនួន០៨រូប ក្នុងនោះ ជាអភិបាល នៃគណៈអភិបាលខណ្ឌ…
រាជធានីភ្នំពេញ ៖ រដ្ឋបាលរាជធានីភ្នំពេញ នារសៀលថ្ងៃទី១៩ ខែសីហា ឆ្នាំ២០២២នេះ បានរៀបចំពិធីប្រកាសចូលកាន់មុខតំណែងចំនួន០៨រូប ក្នុងនោះ ជាអភិបាល នៃគណៈអភិបាលខណ្ឌ ត្រូវបានតែងតាំងថ្មី ចំនួន០៣រូប និង០៥រូបទៀត ត្រូវបានផ្លាស់ប្តូរពីខណ្ឌមួយទៅខណ្ឌមួយ ដែលពិធីប្រកាសតែងតាំង និងផ្ទេរភារកិច្ចនេះ ធ្វើឡើងនៅសាលារដ្ឋបាលរាជធានីភ្នំពេញ ក្រោមអធិបតីភាពលោក ឃួង ស្រេង អភិបាល នៃគណៈអភិបាលរាជធានីភ្នំពេញ និងលោក ម៉ប់ សារិន ប្រធានក្រុមប្រឹក្សារាជធានីភ្នំពេញ ។
អភិបាល នៃគណៈអភិបាលខណ្ឌ ដែលបានចូលកាន់មុខតំណែងថ្មី រួមមាន ៖
-លោក ហែម ដារិទ្ធិ អភិបាល នៃគណៈអភិបាលខណ្ឌមានជ័យ
-លោក ធឹម សំអាន អភិបាល នៃគណៈអភិបាលខណ្ឌព្រែកព្នៅ
-លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង
-លោក លឹម សុភា អភិបាល នៃគណៈអភិបាលខណ្ឌជ្រោយចង្វារ
-លោក ថេង សុថុល អភិបាល នៃគណៈអភិបាលខណ្ឌ៧មករា
-លោក សក់ ចន្ទ័កញ្ញារិទ្ធិ អភិបាល នៃគណៈអភិបាលខណ្ឌពោធិ៍សែនជ័យ
-លោក កៀង ល័ក្ស អភិបាល នៃគណៈអភិបាលខណ្ឌចំការមន
-លោក ជា ខេមា អភិបាល នៃគណៈអភិបាលខណ្ឌដូនពេញ ។
លោក ឃួង ស្រេង អភិបាលរាជធានីភ្នំពេញ នៅក្នុងឱកាសនោះ ក៏បានសម្តែងនូវការកោតសរសើរចំពោះកិច្ចខិតខំប្រឹងប្រែងរបស់សមត្ថកិច្ចអាជ្ញាធរមន្ត្រីរាជការទាំងអស់ ដែលបានប្ដេជ្ញាចិត្តយ៉ាងមុតមាំ មានឆន្ទៈមុតស្រួច យកអស់កម្លាំងកាយចិត្តព្រមទាំងប្រាជ្ញាស្មារតីក្នុងការបំពេញតួនាទីភារកិច្ចការពារជាតិមាតុភូមិ រក្សាបាននូវសន្តិសុខ សុវត្ថិភាព ជូនសង្គមជាតិ និងសណ្តាប់ធ្នាប់របៀបរៀបរយសាធារណៈជាមួយនឹងការផ្ដល់នូវការអភិវឌ្ឍ ផ្ដល់សេវាសាធារណៈជូនប្រជាពលរដ្ឋក្នុងដែនសមត្ថកិច្ចរបស់ខ្លួនប្រកបដោយស្មារតីទទួលខុសត្រូវខ្ពស់ ៕
ចែករំលែកព័តមាននេះ