មានទម្លាប់មួយចំនួនដែលយើងតែងតែធ្វើជាប្រចាំថ្ងៃ ហើយវាអាចធ្វើឱ្យយើងរលាកពោះវៀន និងហើមពោះទល់លាមក រាគរូស ។ នៅក្នុងអត្ថបទនេះ នឹងប្រាប់អ្នកអំពីទម្លាប់មួយចំនួនដែលប៉ះពាល់ដល់សុខភាពពោះវៀន
មានទម្លាប់មួយចំនួនដែលយើងតែងតែធ្វើជាប្រចាំថ្ងៃ ហើយវាអាចធ្វើឱ្យយើងរលាកពោះវៀន និងហើមពោះទល់លាមក រាគរូស ។ នៅក្នុងអត្ថបទនេះ នឹងប្រាប់អ្នកអំពីទម្លាប់មួយចំនួនដែលប៉ះពាល់ដល់សុខភាពពោះវៀនរបស់អ្នក ។
១-បរិភោគច្រើនហួសហេតុពេក ៖ ប្រសិនបើអ្នកបរិភោគច្រើនពេក អ្នកកំពុងតែបំផ្លាញសុខភាពពោះវៀនរបស់អ្នកហើយ ។ អ្នកគួរតែបរិភោគឱ្យសមស្របទៅនឹងសមត្ថភាពពោះវៀនរបស់អ្នក។ នៅពេលដែលអ្នកបរិភោគច្រើនហួសហេតុពេក ពោះវៀនរបស់អ្នកមានការលំបាកក្នុងការរំលាយអាហារឱ្យបានត្រឹមត្រូវ ហើយអ្នកនឹងមានបញ្ហារំលាយអាហារ ដូចជាហើមពោះជាដើម ។
២-គេងមិនបានគ្រប់គ្រាន់ ៖ ប្រសិនបើអ្នកតែងតែគេងមិនគ្រប់គ្រាន់ អ្នកប្រាកដជាមានបញ្ហាពោះវៀន ។ នៅពេលដែលអ្នកគេងមិនគ្រប់គ្រាន់ រាងកាយរបស់អ្នកគ្មានពេលវេលាគ្រប់គ្រាន់ក្នុងការជួសជុលរាងកាយ ហើយភាពតានតឹង នឹងកើនឡើងក្នុងរាងកាយរបស់អ្នក។ វាបណ្តាលឱ្យមានការបញ្ចេញអ័រម៉ូនបង្កភាពតានតឹងកាន់តែច្រើន នឹងធ្វើឱ្យពោះវៀនរបស់អ្នកធ្វើការមិនប្រក្រតី ។
៣-ភាពតានតឹង ៖ ប្រសិនបើអ្នកមានភាពតានតឹង វាអាចប៉ះពាល់ដល់សុខភាពពោះវៀនរបស់អ្នក ។ ភាពតានតឹងរារាំងការបញ្ចេញអ័រម៉ូនមួយចំនួនដែលជួយពង្រឹងប្រព័ន្ធភាពស៊ាំនៃរាងកាយ ហើយវាអាចប៉ះពាល់ដល់ពោះវៀនរបស់អ្នក និងបន្ថយដំណើរការប្រព័ន្ធរំលាយអាហាររបស់អ្នក ។
៤-ថ្នាំផ្សះ ៖ ប្រសិនបើអ្នកប្រើប្រាស់ថ្នាំផ្សះ អ្នកត្រូវតែដឹងថាវាអាចសម្លាប់បាក់តេរីល្អក្នុងពោះវៀន ហើយអាចបង្កឱ្យមានបញ្ហារំលាយអាហារ និងថែមទាំងអាចធ្វើឱ្យពោះវៀនដំណើរការមិនប្រក្រតីផងដែរ ។ ដូច្នេះប្រសិនបើអ្នកចាំបាច់ត្រូវប្រើប្រាស់ថ្នាំផ្សះ សូមព្យាយាមបំពេញពោះវៀនរបស់អ្នកមកវិញជាមួយនឹងបាក់តេរីល្អ ដោយការបរិភោគអាហារប្រូបៃអូតិចដូចជាយ៉ាអួរ ៕
ចែករំលែកព័តមាននេះ