រាជធានីភ្នំពេញ ៖ ចាត់ទុកថានេះជារឿងថ្មីទៀត ពាក់ព័ន្ធរឿងលុយកាក់ ដែលបានកើតឡើងក្នុងសង្គមសិល្បៈក្នុងពេលពិធីករលោក សុខ រ៉ាស៊ី ត្រូវបាននារីម្នាក់ទូរស័ព្ទមក ដោយឲ្យលោកជួយចេញមុខដោះស្រាយរឿងបំណុលរបស់តារាមួយរូប ដែលជំពាក់មិនព្រមសង ទាំងលោកមិនបានដឹងខ្លួន។
ពិធីរករនៅស្ថានីយទូរទស្សន៍ហង្សមាសរូបនេះ បានសម្តែងការភ្ញាក់ផ្អើលយ៉ាងខ្លាំង ក្នុងពេលដែលរូបលោកមិនបានដឹងខ្លួនសូម្បីបន្តិច តែបែរជាគេយករូបលោកទៅពាក់ព័ន្ធរឿងលុយកាក់ដែលជំពាក់នេះវិញ។
បើយោងតាមវីដេអូបង្ហោះតាមហ្វេសប៊ុកដែលលោក សុខ រ៉ាស៊ី បានជជែកគ្នាជាមួយនារីម្នាក់ដែលមានគណនេយ្យហ្វេសប៊ុក «Chhey Lii» បានទូរស័ព្ទមកលោក ដោយស្នើអោយលោកចេញមុខជួយដោះស្រាយរឿងលុយដែលជំពាក់ពីតារាមួយរូប។
តាមរយៈកិច្ចសន្ទានានោះនារីខាងលើ បានឲ្យលោក សុខ រ៉ាស៊ី ជួយប្រាប់ និងដោះស្រាយជាមួយនឹងតារាសម្តែងនាង ឆើត ឆាយ ដែលបានខ្ចីខ្លួនប្រមាណជាង៣០០ដុល្លារ ហើយមិនព្រមសងមកខ្លួន។ យ៉ាងណានារីខាងលើ មិនបានទាមទារអោយលោកសងជំនួសឡើយ ប៉ុន្តែបានស្នើឲ្យលោកចូលរួមដោះស្រាយ ព្រោះហេតុផលឈ្មោះរបស់លោក ត្រូវបានគេដាក់ជាធានាក្នុងការខ្ចីលុយនោះ។
ឆ្លើយបតបការលើឡើងពីនារីខាងលើនេះ លោក សុខ រ៉ាស៊ី បានស្នើអោយនារីរូបនោះពិចារណាឡើងវិញ ព្រោះលោកមិនបានដឹងរឿងនេះឡើយ ហើយលោកក៏មិនបានទៅជាប់ពាក់ព័ន្ធនឹងការខ្ចីលុយពីអ្នកសិល្បៈម្នាក់ណានោះដែរ។ លោកថា បញ្ហាខ្ចីលុយដែលមានការប្រាក់នេះ បើអាចយកបុគ្គលណាមួយមកដោយគ្មានស្នាមផ្តិតមេដៃនោះឡើយ ហើយលោកក៏មិនបានចូលរួមខ្ចី ឬធានាឲ្យអ្នកណាម្នាក់ខ្ចីលុយនេះដែរ ហើយនេះគ្រាន់តែគេខ្ចីលុយ ហើយគេយកត្រឹមជាគណនេយ្យហ្វេសប៊ុក ម៉េចក៏ហ៊ានអោយគេខ្ចី។
លោកបញ្ជាក់ប្រាប់នារីរូបនោះថា ប្រសិនបើមនុស្សគ្រប់គ្នារាប់លាននាក់ ហើយយកឈ្មោះលោកទៅដើរខ្ចីគេគ្រប់គ្នានោះ លោកមិនត្រូវវណ្ឌ.កដោយសារបញ្ហានេះ ដូច្នេះមុននឹងអោយគេខ្ចីលុយ គឺត្រូវគិតពិចារណាឲ្យបានល្អិតល្អន់ជាមុនសិន។
យ៉ាងណាលោក សុខ រ៉ាស៊ី ក៏បានជម្រុញឲ្យនារីខាងលើ ដាក់ពាក្យបណ្តឹងទៅសមត្ថកិច្ច ប្រសិនបើករណីនេះជាការពិត ខណៈពេលដែលលោកក៏បានធ្វើរឿងដូចគ្នានេះដែរ ព្រោះលោកក៏ជួបគេជំពាក់លុយហើយមិនសងដែរ។
បើតាមលោក សុខ រ៉ាស៊ី ថា ការរកស៊ីចងការប្រាក់ពីនារីខាងលើនេះ គឺជាការខុសច្បាប់ ព្រោះមិនបានសុំច្បាប់ពីអាជ្ញាធរពាក់ព័ន្ធ ហើយបានប្រើប្រាស់គណនេយ្យហ្វេសប៊ុកដែលមិនពិតប្រាកដ និងច្បាស់លាស់។
យ៉ាងណា ក្រោយការបង្ហោះវីដេអូជុំវិញបញ្ហាខាងលើនេះពីលោក សុខ រ៉ាស៊ី មក គេឃើញមានមហាជន មិត្តភក្តិ ទាំងក្នុងសិល្បៈ និងក្រៅសិល្បៈបានចូលទៅធ្វើការខំមិនដោយបានចាត់ទុកគណនេយ្យហ្វេសប៊ុករបស់នារីនេះ ជាការបោ.កប្រាស់ ខណៈពេលគណនេយ្យនេះ ក៏ធ្លាប់បានខលទៅតារាមួយចំនួនទៀត ហើយធ្វើរឿងដូចគ្នានេះដែរ៕
ចែករំលែកព័តមាននេះ