ជាបេក្ខជនមួយរូប នៃកម្មវិធីប្រឡងចម្រៀងលំដាប់ថ្នាក់ពិភពលោក ដែលមានទឹកដមសម្លេងពីរោះរណ្តំ តែយុវជន ឡាច ណុច បែរជាត្រូវធ្លាក់ពីកម្មវិធី
រាជធានីភ្នំពេញ ៖ ជាបេក្ខជនមួយរូប នៃកម្មវិធីប្រឡងចម្រៀងលំដាប់ថ្នាក់ពិភពលោក ដែលមានទឹកដមសម្លេងពីរោះរណ្តំ តែយុវជន ឡាច ណុច បែរជាត្រូវធ្លាក់ពីកម្មវិធី Cambodian Idol រដូវកាលទី៤ ក្នុងវគ្គ Live Show សប្ដាហ៍ទី៥ កន្លងទៅថ្មីៗនេះ ដោយសារតែទទួលបានសម្លេងឆ្នោតពីមហាជនតិចជាងបេក្ខជនផ្សេងៗទៀតនៅក្នុងការប្រកួត។
ប្រាកដណាស់ រាល់ការប្រកួតប្រជែងតែងតែមានអ្នកជាប់ និងអ្នកធ្លាក់ តែមិនប្រាកដថា ការបរាជ័យមួយនាពេលនេះ គឺជាទីបញ្ចប់នៃវិញ្ញាសារជីវិតនោះទេ។ បងប្អូន អ្នកប្រើប្រាស់បណ្តាញសង្គមមួយចំនួនបានបង្ហាញការខកចិត្ត និងធ្វើការប្រៀបធៀបថា ម៉េចក៏បេក្ខជន ឡាច ណុច ត្រូវធ្លាក់ចេញពីកម្មវិធី ខណៈបេក្ខជនផ្សេងទៀតដែលជាប់ គឺមានសម្លេងមិនល្អដូចលោកជាដើម។
ចំណុចសំខាន់ ការប្រកួតគឺទាមទារឱ្យមានទាំងទឹកដមសម្លេង និងប្រជាប្រិយភាព ព្រមទាំងការគាំទ្រពីអ្នកបោះឆ្នោតផងដែរ។ ដូច្នេះបើសិនជាស្រលាញ់ទឹកដមសម្លេង គួរតែនាំគ្នាបោះឆ្នោតគាំទ្រ ជាជាងបោះឆ្នោតឱ្យបេក្ខជនណាម្នាក់ ដោយសារតែភាពល្បាញល្បីនៃរូបសម្រស់។
ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី៤ ក្នុងវគ្គ Live Show សប្ដាហ៍ទី៥នេះដែរ ត្រូវបានកម្មវិធីតម្រូវអោយជម្រុះបេក្ខជចំនួន ៣ រូប ក្នុងចំណោមបេក្ខជ ៩ នាក់ ដោយតម្រូវអោយទស្សនិជនបោះឆ្នោតអោយបេក្ខជនរូបណាដែលជាអាយដលរបស់ខ្លួន ដើម្បីឡើងទៅកាន់វគ្គបន្ត ដោយនេះមិនមែនជាការសម្រេចចិត្តរបស់គណៈកម្មការទាំង៤រូប ឬកម្មវិធីឡើយ ពោលគឺជាសារសំឡេងបោះឆ្នោតពីមហាជនទៅកាន់អាយដលរៀងៗខ្លួន។
យ៉ាងណាមិញ ក្នុងកម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី ៤ ក្នុងវគ្គ Live Show សប្ដាហ៍ទី ៥ ដែលមានបេក្ខជន ៩ រូបឡើងទៅបង្ហាញសមត្ថភាពមុខគណៈកម្មការ និងទស្សនិជនលើកញ្ចក់ទូរទស្សន៍ និងនៅទីនោះផ្ទាល់ ហើយក្នុងការប្រកួតប្រជែងមានបេក្ខជនត្រឹមតែ ៦ នាក់ប៉ុណ្ណោះ ដែលអាចឡើងទៅវគ្គបន្តបាន រីឯបេក្ខជន៣នាក់ទៀត តម្រូវអោយចាកចេញពីកម្មវិធី ក្នុងនោះគឺមាន ៖ បេក្ខជន ឡាច ណុច។
ក្រោយមិនអាចឡើងទៅវគ្គបន្តទៀតបាន បេក្ខជនតូចល្អិត ឡាច ណុច បានត្រឹមទម្លាយពីប្រវត្តិរបស់ខ្លួនដែលបានតស៊ូពីមុនមកថា «បែកបាក់ បាត់បង់ ឯកា និងបរាជ័យ» ។ ឡាច ណុច បានពោលបន្តគួរឱ្យអាណិតទៀតថា «កើតមកភ្លាមៗ ម៉ាក់ប៉ាចែកផ្លូវគ្នា ខ្លួនត្រូវលោកតាយកមកចិញ្ចឹមតាំងពីកើត រស់នៅដាក់ឈ្មោះត្រកូលលោកតា ដែលមានឈ្មោះ (ឡាច) ដែលជាឪរបស់អ៊ំស្រី ។ អ៊ំស្រីធ្វើការរកស៊ីជួយមួយគ្រួសារ តាឈឺជំងឺប្រចាំកាយ អ៊ំស្រីរាប់រងមួយគ្រួសារ ខ្ញុំបានឈប់រៀនជួយលក់ទឹកនៅផ្ទះអ៊ំស្រី រស់នៅដោយគ្មានជំនាញ ចេះតែស្រែកច្រៀងលេង ជាសំណាងល្អ ខ្ញុំបាទបានប្រឡងមក្មវិធី Cambodia Idol រដូវកាលទី៤ តាមក្ដីស្រមៃរបស់ខ្លួនឯង តែពេលនេះខ្ញុំបានបរាជ័យទាំងទឹកភ្នែក បានឱ្យពិភពលោកឃើញថា ខ្ញុំរស់នៅបែបឯកាទៀតហើយ»។
ក្រោយដឹងពីប្រវត្តិបេក្ខជន ឡាច ណុច ភ្លាម មហាជនជាច្រើនបានសម្ដែងការអាណិតអាសូរដល់បេក្ខជនរូបនេះជាខ្លាំង ដោយអ្នកគាំទ្រជាច្រើនបានចូលទៅខមិនលើទឹកចិត្តស្រដៀងៗគ្នាថា «រឹងមាំឡើង ក្តីស្រមៃរបស់បងនឹងក្លាយជាការពិតនៅថ្ងៃណាមួយមិនខានឡើយ សូមកុំចុះចាញ់ត្រូវតែតស៊ូបនន្តទៀតណា» «ស៊ូៗអូន ទោះអូនធ្លាក់ក៏មានមនុស្សជាច្រើនគេឃើញពីសមត្ថភាពអូនដែរ» ។ ចំណែកបងប្អូនអ្នកប្រើប្រាស់បណ្តាញសង្គមខ្លះក៏បានពោលដែរថា «កុំឱ្យប្អូនគិតច្រើនអី នៅមានឱកាសទៀត ដូច្នេះត្រូវតស៊ូឡើង រឿងខ្លះគ្រាន់តែត្រូវការពេលវេលាប៉ុណ្ណោះ» និងនៅមានមតិលើកទឹកចិត្តជាច្រើនទៀតដែលយើងមិនអាចរៀបរាប់អស់បានឡើយ។ តែយ៉ាងណាមិញ ដរាបណាជីវិតនៅតែមានដង្ហើម គឺត្រូវតែមានក្តីសង្ឃឹម តស៊ូដើរទៅមុខបន្តទៀត៕
ចែករំលែកព័តមាននេះ