អធិការស្រុកបុរីអូរស្វាយ លោក ហៀក សុខសេរី ជាបុគ្គលអភិជនម្នាក់ ដែលមានមុខរបរធំ ប្រាក់ចំណូលរាប់ពាន់ដុល្លារក្នុងមួយថ្ងៃៗ ជាមួយសម្ភារៈនិយមប្រណីត និងល្អៗ លោកក៏មានរថយន្តស៊េរីទំនើបសម្រាប់ជិះផ្ទាល់ខ្លួន គឺម៉ាក
ខេត្តស្ទឹងត្រែង ៖ អធិការស្រុកបុរីអូរស្វាយ លោក ហៀក សុខសេរី ជាបុគ្គលអភិជនម្នាក់ ដែលមានមុខរបរធំ ប្រាក់ចំណូលរាប់ពាន់ដុល្លារក្នុងមួយថ្ងៃៗ ជាមួយសម្ភារៈនិយមប្រណីត និងល្អៗ លោកក៏មានរថយន្តស៊េរីទំនើបសម្រាប់ជិះផ្ទាល់ខ្លួន គឺម៉ាកធុនត្រា ពណ៌ស ផលិតនៅឆ្នាំ២០១៤ផងដែរ។ រថយន្តនោះលោកជិះម្តងម្កាល តែរថយន្តដែលលោកប្រើប្រាស់ផ្ទាល់ខ្លួនជាប្រចាំថ្ងៃ គឺរថយន្តអំណោយរបស់ក្រសួងមហាផ្ទៃ ចែកជូនអធិការដ្ឋាន ដើម្បីបម្រើការងាររួម។ ទោះជាយ៉ាងណា លោកពុំដែលផ្ទេរសិទ្ធិដល់មន្ត្រីក្រោមឱវាទបានប្រើប្រាស់ក្នុងការងារអង្គភាពឡើយនេះ បើតាមប្រភពព័តមានពីមន្ត្រីអធិការដ្ឋានសុំមិនបញ្ចេញឈ្មោះ។
កាលពីពេលថ្មីៗកន្លងទៅនេះ កោះសន្តិភាពបានផ្សាយអំពីសកម្មភាពដែលមន្ត្រីអធិការដ្ឋាននគរបាលស្រុកបុរីអូរស្វាយ ដឹកជនល្មើសពាក់ព័ន្ធករណីជួញដូរគ្រឿងញៀ.នតាមម៉ូតូក្នុងចម្ងាយផ្លូវជាង៦០គីឡូម៉ែត្រ ដោយជនល្មើសជិះពីក្រោយ នគរបាលជាអ្នកបើកបរម៉ូតូ ។ ដោយមន្ត្រីនគរបាលទាំងនោះ មានការព្រួយបារម្ភអំពីសុវត្ថិភាពតាមផ្លូវ ខណៈពេលបញ្ជូនពីអធិការស្រុក រហូតដល់ស្នងការដ្ឋាននគរបាលខេត្ត ដែលមានចម្ងាយជាង៦០គីឡូម៉ែត្រនេះ។
ក្រោយពីមានការចេញផ្សាញរបស់សារព័ត៌មានកោះសន្តិភាព លោកអធិការស្រុកបុរីអូរស្វាយ ហៀក សុខសេរី បានស្តីបន្ទោសខ្លាំងៗអោយមន្ត្រីរបស់ខ្លួនដែលបានថតរូបបង្ហោះតាមប្រព័ន្ធទំនាក់ទំនងសង្គមហ្វេសប៊ុក អំពីការដឹកជនល្មើសតាមម៉ូតូ។
ប្រភពពីមន្ត្រីនគរបាលក្នុងអធិការដ្ឋានដោយសុំមិនបញ្ចេញឈ្មោះ បន្តបង្ហើបឱ្យដឹងថា ក្រោយការចេញផ្សាយរបស់សារព័ត៌មាននានា លោកបានកោះប្រជុំដោយស្តីបន្ទោសខ្លាំងគ្មានអំណោយទានដល់មន្ត្រីរបស់ខ្លួន និងដាក់គំនាបជាច្រើនទៀត។
ប្រពភដដែលបន្តថា មន្ត្រីនៅអធិការដ្ឋានស្ទើរ៩០ភាគរយដែលមិនពេញចិត្តក្នុងការដឹកនាំ របស់អ្នកមាន លោកអធិការ ហៀក សុខសេរី ហើយក្រៅពីស្តីបន្ទោស គឺគ្មានការលើកទឹកចិត្តដល់មន្ត្រីក្រោមឱវាទនោះទេ ។ ចំណែកការងារនៅក្នុងអង្គភាព មន្ត្រីត្រូវស្តីបន្ទោស ឯលុយគេប្រឹងក្រសោបវេចយកស្រស់ៗ អត់មានបែងចែកកូនចៅ កូនចោរឡើយ។
ប្រភពដដែលនោះបន្តទៀតថា បន្ទាប់មានការប្រជុំស្តីបន្ទោស និងដាក់គំនាបដល់កូនចៅ លោកអធិការអ្នកមានវ័យក្មេងដឹកនាំគ្មានសីលធម៌រូបនេះ បាននិយាយបើកបំហរថា លោកមិនស្កៀប លោកមិនព្រឺទេ គ្រាន់តែសារព័ត៌មានផ្សាយប៉ុណ្ណឹងគ្មានអីអស្ចារ្យទេ កាលពីមុនអ្នកនៅដុងក្រឡ ថតប៉ូលិសដឹកជនល្មើសដែលយកទៅបង្ហោះហ្វេសប៊ុកគេចូលមើលរាប់ខេ នៅលោកមិនខ្វល់ មកព្រឺស្អីត្រឹមផ្សាយប៉ុណ្ណឹង។
ទាក់ទិននឹងការមិនពេញចិត្តរវាងមន្ត្រីនៅអធិការដ្ឋាននគរបាលស្រុកបុរីអូរស្វាយសែនជ័យ និងលោកអធិការ ក៏ធ្លាប់មានករណីដែលមន្ត្រីជាច្រើនរូបផ្តិតមេដៃ និងធ្វើញាត្តិប្រុងដាក់ជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តែត្រូវគេទប់ស្កាត់ទាន់ និងដុតឯកសារនោះចោលវិញ ដោយគិតថាមិនចង់កម្មចង់ពារ តែលោកអធិការនៅតែជាន់ឈ្លីមន្ត្រីរបស់ខ្លួនដដែលជាដដែល ។ ហើយបច្ចុប្បន្ន ការទំនាក់ទំនងរវាងកូនចៅ និងមេ គឺស្ថិតក្រោមការមិនពេញចិត្តស្ទើរគ្រប់គ្នា រហូតមានមន្ត្រីខ្លះទ្រាំការរស់នៅមិនបានក៏ត្រៀមស្នើសុំផ្ទេរចេញជាបណ្តើរៗផងដែរ។
ប្រភពដដែលបន្ថែមថា លោក ហៀក សុខសេរី ពុំចេះអ្វីទាំងអស់ គឺសេរ៉ូតែម្តង មិនចេះកិច្ចការរដ្ឋបាល មិនចេះការគ្រប់គ្រងលើជំនាញនីតិវិធីនីមួយៗ មិនចេះការដឹកនាំទៅរកភាពរីកចម្រើនក្នុងរចនាសម្ព័ន្ធ ក្នុងអង្គភាពទាល់តែសោះ មានតែការស្តីបន្ទោស និងដាក់គំនាប ដែលគេនិយាយថា ឡើងធ្វើអធិការតាមជើងខោ… ហេ! ហេ!
ចែករំលែកព័តមាននេះ