ប៉ះអ្នកប្រដាល់ចាយសម្រស់ជប៉ុន! ប៊ូខាវ ជឿថា ខ្លួននឹងរងការស្តីបន្ទោសពីនារីៗ ព្រោះរឿងមួយ
ថៃ ៖ កំពូលអ្នកប្រដាល់សេរី និងជាម្ចាស់ជើងឯក Muay Thai របស់ថៃ Buakaw Banchamek (ប៊ូខាវ)
ថៃ ៖ កំពូលអ្នកប្រដាល់សេរី និងជាម្ចាស់ជើងឯក Muay Thai របស់ថៃ Buakaw Banchamek (ប៊ូខាវ)
ថៃ ៖ កំពូលអ្នកប្រដាល់សេរី និងជាម្ចាស់ជើងឯក Muay Thai របស់ថៃ Buakaw Banchamek (ប៊ូខាវ) និងអ្នកគុនចម្រុះ (MMA) ចាយសម្រស់របស់ជប៉ុន Kota Miura សុទ្ធតែបញ្ជាក់ថា ត្រៀមខ្លួនរួចជាស្រេចសម្រាប់ការប្រកួតរវាងពួកគេនៅកីឡដ្ឋាន Rajadamnern ក្នុងរាជធានីបាងកក ដែលនឹងប្រព្រឹត្តទៅនៅថ្ងៃទី១៩ ខែសីហា នេះតែម្តង។ បន្ទាប់ពីជោគជ័យការថ្លឹងទម្ងន់ជាផ្លូវការ កាលពីម្សិលមិញ។
ការប្រកួតលក្ខណៈមិត្តភាព (មិនមែនផ្លូវការ) រវាងប៊ូខាវ និង Miura នឹងផ្តោតសំខាន់លើការបង្ហាញភាពខុសគ្នារវាង Muay Thai និង Kickboxing ដោយជំនួបនេះ នឹងធ្វើឡើងតែ៣ទឹកប៉ុណ្ណោះ។ ហើយជាមួយគ្នានោះ ការប្រកួត៨គូផ្សេងទៀត ក៏នឹងត្រូវធ្វើឡើងជាមួយគ្នាផងដែរ។ ដែលកម្មវិធីនៃការប្រកួតនឹងចាប់ផ្តើមពីម៉ោង ៧:០០នាទីយប់តទៅ។
ប៊ូខាវបានប្រាប់កាសែត The Nation Thailand ថាខ្លួនរីករាយដែលបានវិលត្រឡប់ឡើងសង្វៀននៅកីឡដ្ឋាន Rajadamnern ជាថ្មីម្តងទៀត។ បន្ទាប់ពីខកខានអស់ពេល១៨ឆ្នាំ ៖ «ខ្ញុំបានមកទីនេះ នៅពេលមានអាយុ២០ឆ្នាំ វាពិតជារីករាយខ្លាំងណាស់ ដើម្បីបង្ហាញក្បាច់គុន Muay Thai ម្តងទៀតនៅទីនេះ»។
ជាមួយគ្នាអ្នកប្រដាល់ស្បែកស្វិតវ័យ៤០ឆ្នាំរូបនេះ បានប្តេជ្ញាចិត្តថានឹងធ្វើឱ្យអស់ពីសមត្ថភាព អំឡុងតតាំងជាមួយអ្នកប្រដាល់រូបសង្ហាដ៏ល្បីល្បាញរបស់ជប៉ុន។ ត្រង់ចំណុចនេះ ប៊ូខាវនិយាយលេងសើចថា «វាសាមញ្ញណាស់ ប៉ុន្តែខ្ញុំមានអារម្មណ៍រៀងចម្លែក តើខ្ញុំគួរធ្វើបែបណាប្រសិនខ្ញុំវាយ Miura ឱ្យឈឺចាប់ ហើយត្រូវបានអ្នកគាំទ្ររបស់គេស្តីបន្ទោស»។
បញ្ជាក់ជូនថា Kota Miura វ័យ២០ឆ្នាំ បានចាប់ផ្តើមអាជីពនៅចុងឆ្នាំ២០២១ ដោយឆ្លងកាត់ការប្រកួត១ដង និងផ្តួលគូប្រកួត Yushi Sakura នៅកម្មវិធី Rizin FF – Rizin 33។ ចាប់តាំងពីពេលនោះមក រូបគេទទួលបានការចាប់អារម្មណ៍ និងបន្តល្បីល្បាញខ្លាំង ដោយឆក់យកបេះដូងនារីៗជាច្រើន ជាពិសេសនៅអាស៊ី តាមរយៈរូបសម្រស់ស្រស់សង្ហារបស់គេ។ ចំណែក ប៊ូខាវដែលត្រូវបានចារឈ្មោះជាកំពូលកីឡាករប្រដាល់ថៃ បានឆ្លងកាត់ការប្រកួត ២៧៦ដង ឈ្នះ ២៤០ដង ចាញ់ ២៤ដង និងស្មើ ១២ដង ជាមួយការផ្តួលគូប្រកួតឱ្យសន្លប់ចំនួន ៧៣ដង។
គួរឱ្យដឹងថា Kota Miura គឺជាកូនប្រុសរបស់កំពូលកីឡាបាល់ទាត់ជើងចាស់របស់ជប៉ុន Kazuyoshi Miura ដែលបច្ចុប្បន្នកំពុងប្រកបអាជីពជាមួយក្លិប Suzuka Point Getters ទោះលោកមានអាយុ ៥៥ឆ្នាំយ៉ាងណាក៏ដោយ៕ (ប្រភពពី The Nation Thailand)
ចែករំលែកព័តមាននេះ