បែកធ្លាយវីដេអូ នាយករដ្ឋមន្ត្រីហ្វាំងឡង់ធ្វើរឿងយ៉ាងភ្ញាក់ផ្អើលនៅពិធីជប់លៀង (វីដេអូ)
ហ្វាំងឡង់ ៖ នាយករដ្ឋមន្ត្រីហ្វាំងឡង់ លោកស្រី Sanna Marin កាលពីថ្ងៃព្រហស្បតិ៍ ទី ១៨ សីហា
ហ្វាំងឡង់ ៖ នាយករដ្ឋមន្ត្រីហ្វាំងឡង់ លោកស្រី Sanna Marin កាលពីថ្ងៃព្រហស្បតិ៍ ទី ១៨ សីហា
ហ្វាំងឡង់ ៖ នាយករដ្ឋមន្ត្រីហ្វាំងឡង់ លោកស្រី Sanna Marin កាលពីថ្ងៃព្រហស្បតិ៍ ទី ១៨ សីហា ម្សិលមិញនេះបាននិយាយថា លោកស្រីមានការខកចិត្តយ៉ាងខ្លាំងដែលវីដេអូនៃការរាំរបស់គាត់នៅឯពិធីជប់លៀងឯកជនត្រូវបានផ្សព្វផ្សាយតាមអ៊ីនធឺណេត ដោយសារមានបំណងឱ្យតែមិត្តភក្តិឃើញប៉ុណ្ណោះ។
លោកស្រី Sanna Marin វ័យ ៣៦ឆ្នាំ បានសម្តែងពីការខកចិត្ត បន្ទាប់ពីវីដេអូរយៈពេល ២នាទីដែលបង្ហាញពីការច្រៀង និងរាំរបស់គាត់ជាមួយនឹងអ្នកមានឥទ្ធិពល និងសិល្បៈករល្បីៗ បែកធ្លាយលើបណ្តាញសង្គម និងប្រព័ន្ធផ្សព្វផ្សាយរបស់ហ្វាំងឡង់កាលពីថ្ងៃពុធ ទី ១៧ សីហាកន្លងទៅនេះ។
វីដេអូនោះដំបូងឡើយបង្ហោះចូលក្នុងគណនេយ្យឯកជនរបស់ Instagram។ លោកស្រីថ្លែងថា គាត់បានដឹងថាគាត់កំពុងត្រូវបានថត ប៉ុន្តែមិនដែលគិតថាវីដេអូនោះនឹងបង្ហាញជាសាធារណៈបែបនោះទេ។
លោកស្រីថ្លែងប្រាប់អ្នកសារព័ត៌មានដូច្នេះថា «វីដេអូទាំងនេះមានលក្ខណៈឯកជន និងថតនៅកន្លែងឯកជន។ ខ្ញុំតូចចិត្តដែលវាត្រូវគេមើលឃើញជាសាធារណៈ»។
ស្ត្រីវ័យក្មេងរូបនេះមិនដឹងថានរណាជាអ្នកធ្វើឲ្យវាបែកធ្លាយនោះទេ។
ប្រជាជនហ្វាំងឡ់ងជាច្រើនសម្តែងការគាំទ្រចំពោះលោកស្រី Sanna Marin សម្រាប់ការលាយឡំជីវិតឯកជនរបស់គាត់ជាមួយនឹងអាជីព។ ប៉ុន្តែកាសែត Helsingin Sanomat ចុះផ្សាយថា វីដេអូនោះបានចោទជាសំណួរអំពីការវិនិច្ឆ័យរបស់នាង។
កាសែតនោះបានសរសេរនៅក្នុងអត្ថបទវិចារណកថាថា «Marin ប្រហែលជាបានប្រព្រឹត្តដោយសុច្ចរិត ប៉ុន្តែនាងមិនគួរធ្វើបែបនេះទេ»។
នាយករដ្ឋមន្ត្រីវ័យក្មេងរូបនេះបាននិយាយថា វីដេអូនោះថតពីឱកាសពីរផ្សេងគ្នាកាលពីប៉ុន្មានសប្តាហ៍មុន។ គាត់និយាយថា អ្នកចូលរួមបានប្រើប្រាស់គ្រឿងស្រវឹង ប៉ុន្តែគ្មាននរណាម្នាក់ប្រើថ្នាំញៀ.នឱ្យគាត់ដឹងឡើយ។
លោកស្រីថ្លែងថា «ខ្ញុំគ្រាន់តែជប់លៀង។ ខ្ញុំរាំ ខ្ញុំច្រៀង»។
សូមរម្លឹកថា Sanna Marin បានក្លាយជានាយករដ្ឋមន្ត្រីវ័យក្មេងបំផុតក្នុងលោក នៅពេលគាត់ឡើងកាន់តំណែងនៅខែធ្នូ ឆ្នាំ ២០១៩៕ (យោងតាមប្រភព៖ Reuters)
ចែករំលែកព័តមាននេះ