បន្ទាន់ៗ! Man Utd ចាយលុយយ៉ាងសម្បើមនាំយក Casemiro ពី Real Madrid
អង់គ្លេស ៖ ក្លិបអធិរាជស Real Madrid បានបើកចំហលើការទទួលយកសំណើរបស់ក្លិបបិសាច
អង់គ្លេស ៖ ក្លិបអធិរាជស Real Madrid បានបើកចំហលើការទទួលយកសំណើរបស់ក្លិបបិសាច
អង់គ្លេស ៖ ក្លិបអធិរាជស Real Madrid បានបើកចំហលើការទទួលយកសំណើរបស់ក្លិបបិសាចក្រហម Manchester United សម្រាប់ការចង់បានខ្សែបម្រើការពារឆ្នើម Casemiro នៅក្នុងកិច្ចសន្យាដែលមានតម្លៃលើសពី៦០លានផោន។
ប្រភពពីជាច្រើននៅអង់គ្លេស និងអេស្ប៉ាញបានរាយការណ៍ថា កិច្ចពិភាក្សារវាងក្លិបទាំង២ កំពុងដំណើរយ៉ាងរលូន។ ត្បិត Man Utd ក្រោមការដឹកនាំរបស់លោក Erik ten Hag បង្ហាញការចង់បានខ្សែបម្រើឆ្នើមជម្រើសជាតិប្រេស៊ីលវ័យ៣០ឆ្នាំរូបនេះ មកបំពេញចន្លោះខ្វះខាតនៅតំបន់បម្រើ។ ក្រោយក្លិបបរាជ័យក្នុងនាំយកខ្សែបម្រើ Frenkie de Jong របស់ក្លិបអ្នកមានបុណ្យ Barcelona បន្ទាប់ពីតាមប្រមាញ់អស់ជាច្រើនខែកន្លងមក។ ខណៈដែល Casemiro ផ្ទាល់ក៏បានបង្ហាញការចាប់អារម្មណ៍លើការផ្ទេរនេះផងដែរ។
ប្រភពចុងក្រោយពីលោក Fabrizio Romano អ្នកកាសែតអ៊ីតាលីដែលច្បាស់ការបំផុតលើដំណើរការនៃទីផ្សារដោះដូរកីឡាករបានឱ្យដឹងថា Man Utd នឹងដាក់សំណើជាផ្លូវការសម្រាប់ Casemiro ដើម្បីបិទបញ្ចប់កិច្ចព្រមព្រៀងនៃការផ្ទេរនៅថ្ងៃទី១៩ ខែសីហា ឆ្នាំ២០២២ (ពេលវេលានៅអង់គ្លេស)។ ហើយការពិភាក្សាគឺស្ថិតនៅដំណាក់កាលចុងក្រោយ។
-Man Utd នឹងដាក់សំណើរតម្លៃ៦០លានអឺរ៉ូ (ជាង៦០លានដុល្លារ) បូកថែម១០លានអឺរ៉ូនៅពេលក្រោយ ខណៈ Real ត្រូវបានរំពឹងថានឹងទទួលយក។
-Man Utd បានផ្តល់ជូន Casemiro នូវកិច្ចសន្យារយៈពេលវែងមានសុពលភាពរហូតដល់ខែមិថុនា ឆ្នាំ២០២៦ បូករួមជម្រើសបន្ថែមនៅពេលក្រោយ ហើយកីឡាកររូបនេះត្រូវបានរំពឹងថានឹងទទួលយក។ ប្រភពជាច្រើននៅអង់គ្លេសបានរាយការណ៍ថា Casemiro នឹងទទួលបានប្រហែល១៥,២លានផោន (១៨លានដុល្លារ) ក្នុងមួយឆ្នាំ ដែលមាននៅក្នុងកិច្ចសន្យា។
-ដំណើរការនេះនឹងចំណាយពេលប្រហែល៤៨ម៉ោង ដើម្បីធ្វើតេស្តសុខភាព បន្ទាប់មករៀបចំឯកសារជាមួយ Real Madrid ដើម្បីចុះហត្ថលេខាតែម្តង។
គួរបញ្ជាក់ថា Casemiro បានផ្លាស់ពីក្លិប Sao Paulo មកចូលរួមជាមួយ Real Madrid នៅឆ្នាំ ២០១៣ ក្នុងតម្លៃត្រឹម៦លានអឺរ៉ូ។ អាជីពនៅទឹកដី Santiago Bernabeu ខ្សែបម្រើឆ្នើមរូបនេះ ស៊ុតបញ្ចូលទី៣១គ្រាប់ពីការបង្ហាញខ្លួន៣៣៦ប្រកួត និងឈ្នះពានរង្វាន់ជាច្រើនក្នុងនោះរួមទាំង La Liga ៣សម័យកាល និង UEFA Champions League ៥សម័យកាលផងដែរ៕
ចែករំលែកព័តមាននេះ