ទីភ្នាក់ងារព័ត៌មានស៊ីនហួផ្សាយកាលពីពេលថ្មីៗកន្លងមកថា ពិធីបុណ្យចូលឆ្នាំចិនក្នុងឆ្នាំ២០១៧នេះត្រូវថ្ងៃទី២៨ មករា ជនជាតិចិនទាំងឡាយរមែងទិញរបស់របរតុបតែងលំអផ្ទះ បង្កើនសិរីមង្គលសួស្តីដល់ក្រុមគ្រួសារ ។
ទីភ្នាក់ងារព័ត៌មានស៊ីនហួផ្សាយកាលពីពេលថ្មីៗកន្លងមកថា ពិធីបុណ្យចូលឆ្នាំចិនក្នុងឆ្នាំ២០១៧នេះត្រូវថ្ងៃទី២៨ មករា ជនជាតិចិនទាំងឡាយរមែងទិញរបស់របរតុបតែងលំអផ្ទះ បង្កើនសិរីមង្គលសួស្តីដល់ក្រុមគ្រួសារ ។
តាមទំនៀមទម្លាប់មួយរបស់ចិន នៅពេលចូលឆ្នាំរមែងផ្តល់រង្វាន់ជាកាដូ ឬពាក្យចិនហៅថា «តិអៀ» ដល់កូនចៅ និងក្រុមគ្រួសារ ដើម្បីសុំសិរីសួស្តីដល់ពួកគេ ហើយកាដូដែលផ្តល់មានលក្ខណៈខុសប្លែកគ្នា ។ ស្របពេលជាមួយគ្នានេះមានបម្រាមដែលមិនគួរផ្តល់ក្នុងថ្ងៃចូលឆ្នាំ ព្រោះជាវត្ថុអពមង្គលរួមមាន ៖
១-ហាមផ្តល់ «នាឡិកា» ដល់ចាស់ទុំ
នាឡិកាដៃ ឬនាឡិកាព្យួរនឹងជញ្ជាំង តាមប្រពៃណីវប្បធម៌ចិន គឺមានលក្ខណៈប្រកាន់យ៉ាងខ្លាំង ដោយក្នុងភាសាចិន នាឡិកាហៅថា «ជុង» និងមានពាក្យ «ជុង» ដែរ ប្រែថា «ស្លាប់» ។ ដូច្នេះនាឡិកាគឺជាវត្ថុអពមង្គលមិនគួរផ្តល់ជូនដល់ចាស់ទុំទេ ។
២-ហាមផ្តល់ «ឆត្រ» ដល់គូស្នេហ៍
ពាក្យថា «ឆត្រ» ភាសាចិនមានសូរសៀង «សាន» សំដៅលើការ «បែកបាក់» និង «ខាតបង់» ។ ដូច្នេះគួរកុំផ្តល់កាដូជាឆត្រដល់គូស្នេហ៍ក្នុងពេលចូលឆ្នាំ ប៉ុន្តែប្រសិនបើផ្តល់ឆត្រឱ្យនរណាម្នាក់នៅពេលភ្លៀង គឺជារឿងមួយមិនរាប់បញ្ចូលក្នុងន័យនោះទេ ។
៣-ហាមផ្តល់មួកពណ៌ «បៃតង» ដល់បុរស
មួកមិនមែនជាជម្រើសល្អក្នុងវប្បធម៌ចិនទេ ព្រោះចិនពីសម័យមុនមានជំនឿលើប្រផ្នូលអាក្រក់ទាក់ទងនឹងមួក ។ ឧបមាថា ប្រសិនបើមានអ្នកស្លាប់ កូនចៅនឹងពាក់មួកឱ្យសពដើម្បីបង្ហាញពីភាពកតញ្ញូ ប្រសិនបើបុរសណា «ពាក់មួយបៃតង» ភាសាចិនហៅថា «តៃលីម៉ាវជឺ» ប្រើសម្រាប់ហៅបុរសដែលគេ «ពាក់ស្នែង» ឬ «ពាក់កាឡូស» ។ តាមការចារឹកនៅក្នុងសម័យរាជវង្សយួន ក្នុងអំឡុងពីឆ្នាំ១៨១៤ដល់ឆ្នាំ១៩១១ រមែងបង្ខំឱ្យនារីរកស៊ីផ្លូវភេទពាក់មួកបៃតង ។ តាមជំនឿរបស់ចិនរមែងយល់ថា បើបុរសណាពាក់មួកបៃតងរមែងត្រូវប្រពន្ធជាអ្នកដឹកក្រឡូស ឬប្រពន្ធជាអ្នកចិញ្ចឹម ។
៤-ហាមផ្តល់ «ឱសថ» ធ្វើជាកាដូ
ប្រសិនបើអ្នកផ្តល់ «ឱសថ» ជាកាដូ ទោះបីជាមានចេតនាល្អក៏ដោយ ប៉ុន្តែជនជាតិចិនដែលទទួលបានអាចយល់ថា កាដូនេះជា «ប្រផ្នូលចង់ឱ្យមានជំងឺ» ។
៥-ហាមផ្តល់ «ស្បែកជើង» ដល់មនុស្សនៅក្រៅក្រុមគ្រួសារ
«ស្បែកជើង» ចិនហៅថា «សៀ» មានន័យថា «ខ្មោចព្រាយបិសាច» ជាវត្ថុដ៏អាក្រក់ខ្មៅងងឹត ធ្វើឱ្យឈឺថ្កាត់ ឬជួបវិបត្តិ។
ដូច្នេះជនជាតិចិនមិននិយមផ្តល់ស្បែកជើងធ្វើជាកាដូទេ ប្រសិនបើមានផ្តល់ស្បែកជើង«ចង្អៀត» ឬ «តូច» សម្រាប់អ្នកពាក់ មានន័យ ថា «រឿងស្មុគស្មាញកំពុងនឹងកើតឡើង» លើជីវិតរបស់គេ ។
៦-ហាមផ្តល់ប្រអប់ជាកាដូពណ៌ស-ខៅ
វប្បធម៌ចិន «ខ្មៅ-ស» ជាពណ៌ទាក់ទិននឹងបុណ្យសព គ្រោះអាក្រក់ និងជាពណ៌អពមង្គល ដូច្នេះលោកអ្នកគួរចៀសវាងកាដូដែលមានពណ៌នេះ ហើយងាកទៅប្រើពណ៌ក្រហម ឬពណ៌ឆើតឆាយនឹងផ្តល់ភាពកក់ក្តៅ បង្កប់ដោយភាពសុខសាន្ត ។
* ការផ្តល់ «ប្រាក់» ឬ «អាំងប៉ាវ» ផ្តល់សិរីសួស្តីដល់ក្រុមគ្រួសារ
ក្រៅពីបម្រាមទាំងនោះ លោកអ្នកគួរផ្តល់ «ប្រាក់» ជារឿងល្អបំផុត ។ បញ្ហានេះមិនទាក់ទងនឹងការបែងចែកវណ្ណៈ ឬយសសក្តិទេ គឺជារឿងមួយបង្ហាញពីក្តីស្រឡាញ់ និងការជូនពរក្នុងពិធីបុណ្យចូលឆ្នាំចិន ដោយដាក់លុយនៅក្នុងស្រោមសំបុត្រពណ៌ក្រហម ហៅថា «អាំងប៉ាវ» ទោះជាមានចំនួនតិច ឬច្រើនក្តី ស្របតាមសទ្ធា។
ជាទូទៅជនជាតិចិនភាគច្រើនផ្តល់ជាលេខគូ ពិសេសលេខ «៨» ភាសាចិនហៅថា «ប៉ា» ឬ «ហ្វា» សំដៅលើ «ភាពចម្រុងចម្រើនមានទ្រព្យស្តុកស្តម្ភ» ព្រោះជនជាតិចិនចាត់ទុកលេខ៨ជាលេខ «មង្គលសួស្តី» ៕
ចែករំលែកព័តមាននេះ