ខេត្តស្ទឹងត្រែង ៖ ម៉ូតូចំនួន៣គ្រឿងរងការដុតកម្ទេច និង១គ្រឿងទៀតរងការកាប់បំបែកបំណែកៗ ដោយសារក្រុមអ្នកលេងបងធំប្រចាំតំបន់ជាង១០នាក់នៅសង្កាត់សាមគ្គី ក្រុងស្ទឹងត្រែង ។ ក្នុងចំណោមបក្សពួកជាង១០នាក់ ត្រូវបានកម្លាំងនគរបាលព្រហ្មទណ្ឌខេត្ត សហការជាមួយកម្លាំងអធិការដ្ឋាននគរបាលក្រុងឃាត់ខ្លួន២នាក់…
ខេត្តស្ទឹងត្រែង ៖ ម៉ូតូចំនួន៣គ្រឿងរងការដុតកម្ទេច និង១គ្រឿងទៀតរងការកាប់បំបែកបំណែកៗ ដោយសារក្រុមអ្នកលេងបងធំប្រចាំតំបន់ជាង១០នាក់នៅសង្កាត់សាមគ្គី ក្រុងស្ទឹងត្រែង ។ ក្នុងចំណោមបក្សពួកជាង១០នាក់ ត្រូវបានកម្លាំងនគរបាលព្រហ្មទណ្ឌខេត្ត សហការជាមួយកម្លាំងអធិការដ្ឋាននគរបាលក្រុងឃាត់ខ្លួន២នាក់ ដែលនឹងត្រូវបញ្ជូនទៅសាលាដំបូង។
ចំណែកបក្សពួកផ្សេងទៀតស្ថិតក្រោមការស្រាវជ្រាវឃាត់ខ្លួនពាក់ព័ន្ធករណីបំផ្លិចបំផ្លាញទ្រព្យសម្បត្តិប្រជាពលរដ្ឋដោយព្រួតគ្នាស្ទាក់អ្នកធ្វើដំណើរតាមផ្លូវនៅពេលយប់កាប់និងដុតម៉ូតូយ៉ាងព្រៃផ្សៃ កាលពីថ្ងៃទី១៥ សីហា ២០២២ ស្ថិតនៅចំណុចជិតស្ពានឈើបណ្តោយផ្លូវគ្រោះក្រហមទៅកាន់ភូមិខាំផាន់ សង្កាត់សាមគ្គី ក្រុងស្ទឹងត្រែង។
មន្ត្រីនគរបាលប៉ុស្តិ៍រដ្ឋបាលសង្កាត់សាមគ្កីបានអោយដឹងនៅថ្ងៃទី១៨ សីហា នេះ ថា លោកបានទទួលពាក្យបណ្តឹងពីប្រជាពលរដ្ឋចំនួន៤នាក់ រស់នៅភូមិស្តៅ ឃុំស្តៅស្រុកសេសាន លើករណី បំផ្លាញទ្រព្យសម្បត្តិអ្នកដទៃ អោយជួយអន្តរាគមន៍សុំរកយុត្តិធម៌ ។
ប្រភពពីជនរងគ្រោះម្នាក់ក្នុងចំណោម៤នាក់ ឈ្មោះតុលា (ហៅឡី) រស់នៅភូមិស្តៅឃុំស្តៅបានអោយដឹងថា ពីដំបូង ពួកគេបានឃើញមនុស្សពីរបីនាក់ជិះម៉ូតូទៅ វ៉ៃ អំពូល និងកៅអីជ័រ របស់អ្នកដទៃ បណ្តាលអោយបាក់បែកនៅចំណុចកំពង់ដរឃុំស្តៅ រួចហើយក៏ជិះម៉ូតូចេញទៅ បន្ទាប់មកម្ចាស់របស់របរបាននាំគ្នា៣នាក់ជិះម៉ូតូទៅតាម ស្រាប់តែដល់កន្លែងកើតហេតុខាងលើ ក្រុមជនល្មើសបានធ្វើសកម្មភាពដេញកាប់ជនរងគ្រោះ ដោយភ័យស្លន់ស្លោជនរងគ្រោះបានទុកម៉ូតូចោលរត់យករួចខ្លួន តែដោយសារបាន់មនុស្សមិនបានពួកគេកាប់ម៉ូតូខ្ទេចខ្ទី ជាបំណែកៗ ។
ភ្លាមៗនោះ ជនរងគ្រោះបានទូរស័ព្ទទៅបងប្អូនជិះម៉ូតូទៅជួយ ប៉ុន្តែជាអកុសលបងប្អូនដែលទៅជួយនោះបានជិះម៉ូតូចំនួន៣គ្រឿងទៅរកម៉ូតូ តែរកមិនឃើញដោយសារប្រជាការពារម្នាក់នៅក្នុងភូមិយកលាក់ទុក និងមិនរាយការណ៍ជូនប៉ុស្តិ៍រដ្ឋបាលនគរបាលឡើយ នៅពេលរកម៉ូតូមិនទាន់ឃើញបងប្អូនជនរងគ្រោះក៏បានបន្តដំណើរទៅមុខទៀត ស្រាប់តែជនល្មើសមានបក្សពួកប្រមាណជាង១០នាក់បានចេញក្បែរកន្លែងកើតហេតុប្រដាប់កាំបិតនិងដាវ ដេញកាប់បងប្អូនដែលទៅជួយម្តងទៀ ដោយស្ថានភាពមិនអាចទប់ទល់បាន ក៍ទុកម៉ូតូទាំង៣គ្រឿងនោះចោលទៀត ហើយជនល្មើសបាននាំគ្នាយកសាំងចាក់ដុតម៉ូតូទាំង៣គ្រឿងនោះចោលតែម្តង។
មន្ត្រីនគរបាលប៉ុស្តិ៍បានបញ្ជាក់ថា ក្រោយទទួលបានពាក្យបណ្តឹងពីជនរងគ្រោះកម្លាំងនគរបាលប៉ុស្តិ៍បានឈានទៅនាំខ្លួនជនសង្ស័យ២នាក់មកសួរនាំនៅប៉ុស្តិ៍រដ្ឋបាលនគរបាលសង្កាត់សាមគ្គីនិងបានបញ្ជូនទៅកាន់អធិការនគរបាលក្រុងស្ទឹងត្រែងដើម្បីស្រាវជ្រាវរកបក្សពួកបន្ថែមទៀតនិងកសាងសំណុំបញ្ចូនទៅតុលាការចាត់ការបន្តនិតិវិធីច្បាប់។
ចែករំលែកព័តមាននេះ