ពីរនាក់ប្តីប្រពន្ធសំណាងហើយ កុំអីអស់មួយកាបូបបាត់ !
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាព បើកទ្វាររថយន្តដឹកអង្ករមួយគ្រឿង លួចយកកាបូបលុយបានសម្រេច ប៉ុន្តែត្រូវបានម្ចាស់ម៉ូតូឃើញទាន់ស្រែកថាចោរៗ
រាជធានីភ្នំពេញ ៖ ជនសង្ស័យ២នាក់បានធ្វើសកម្មភាព បើកទ្វាររថយន្តដឹកអង្ករមួយគ្រឿង លួចយកកាបូបលុយបានសម្រេច ប៉ុន្តែត្រូវបានម្ចាស់ម៉ូតូឃើញទាន់ស្រែកថាចោរៗ បង្កឲ្យមានការភ្ញាក់ផ្អើលដល់ប្រជាការពារភូមិ និងសមត្ថកិច្ចនគរបាលប៉ុស្តិ៍ចោមចៅ ដេញតាមចាប់ខ្លួនដែលជាហេតុធ្វើឲ្យលោកចោរភ័យស្លន់ស្លោ បោះកាបូបចោលវិញ រួចជិះម៉ូតូរត់គេចខ្លួនទៅបាត់ស្រមោល។ ហេតុការណ៍នោះបានកើតឡើងកាលពីវេលាម៉ោង១០ព្រឹក ថ្ងៃទី២០ ខែមករា ឆ្នាំ២០១៧ នៅចំណុចម្ដុំរោងចក្រស្រាបៀរក្រោន ស្ថិតនៅតាមបណ្ដោយ ផ្លូវវេងស្រេង ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
ម្ចាស់រថយន្តមិនបានប្រាប់ឲ្យដឹងថា គាត់ឈ្មោះអ្វីមានទីលំនៅ នៅឯណានោះទេ ប៉ុន្តែគាត់និយាយថា នៅមុនពេលកើតហេតុគាត់ និងប្រពន្ធ បានជិះរថយន្ត១គ្រឿងម៉ាកហ៊ីយ៉ាន់ដាយ ពណ៌សពាក់ស្លាកលេខ កំពត 3A-0427 ដឹកអង្ករ ហើយពេលទៅដល់ត្រង់ចំណុចកើតហេតុខាងលើ បានឈប់ហូបអី ក៏ស្រាប់តែលេចមុខជនសង្ស័យ២នាក់ជិះម៉ូតូសេ១០០កូរ៉េពណ៌ក្រហម អត់ស្លាកលេខទៅឈប់នៅជិតនោះ។
បន្ទាប់មកបក្ខពួក ជនសង្ស័យម្នាក់បានចុះពីលើម៉ូតូ បើកទ្វារយកកាបូបលុយរួចជិះចេញ ក្នុងបំណងយកកាបូបនោះគេចខ្លួន ប៉ុន្តែគាត់ឃើញទាន់ក៏ស្រែកថាចោរៗ បង្កឲ្យមានការភ្ញាក់ផ្អើល ឆោឡោហើយប្រជាការពារភូមិ ដែលកំពុង ស្ថិតនៅជិតនោះនាំគ្នាជួយដេញតាម ធ្វើឲ្យជនសង្ស័យខាងលើភ័យស្លន់ស្លោរ បោះកាបូបលុយចោល រួចនាំគ្នាជិះម៉ូតូរត់គេចខ្លួនបាត់ស្រមោល។ នៅក្នុងកាបូបនោះ មានលុយចំនួន ៤៥ម៉ឺនរៀល ខ្សែក២ខ្សែ និងមានកាតគ្រីម៉ូតូ ព្រមទាំងសម្ភារមួយចំនួនទៀត៕
ចែករំលែកព័តមាននេះ