ប្រទេសអូស្ត្រាលី ៖ បុរសម្នាក់ អាយុ៤៧ឆ្នាំ មកពីតំបន់ដាច់ស្រយាលក្នុងសហគមន៍ Gunbalanya បានស្លាប់ដោយប៉ូលិសសង្ស័យថាសត្វក្រពើ ប្រវែង ៣,៥ម៉ែត្រ ខាំទាញអូសទៅក្នុងទឹក ខណៈពេលដែលបុរសរងគ្រោះដើរឆ្លងកាត់ទឹកទន្លេ Alligator ភាគខាងកើត ក្បែរឧទ្យានជាតិកាកាឌូ (Kakadu) ភាគខាងជើងប្រទេសអូស្ត្រាលី ។
មុនពេលកើតហេតុ កាលពីវេលាម៉ោង៤រសៀលម៉ោងក្នុងប្រទេសអូស្ត្រាលី ថ្ងៃទី១៩ មករា ២០១៧នោះ បុរសរងគ្រោះដែលប៉ូលិសមិនបង្ហើបពីអត្តសញ្ញាណ បានដើរជាមួយស្ត្រីពីរនាក់ផ្សេងទៀត ប៉ុន្តែស្ត្រីទាំងពីរនោះបានរួចពីការវាយប្រហារ បន្ទាប់ពីពួកគេបានព្យាយាមដើរឆ្លងកាត់ទឹកទន្លេ ។
សាកសពបុរសនោះ បានត្រូវគេប្រទះឃើញនៅយប់ថ្ងៃព្រហស្បតិ៍ម្សិលមិញដដែល គឺនៅប្រមាណ២គីឡូម៉ែត្រខាងក្រោមចរន្តទឹកទន្លេ ។ ចំណែកសត្វក្រពើនោះ ក៍ត្រូវបានប៉ូលិសបាញ់ងាប់ផងដែរ ។ យ៉ាងណាក៍ដោយ សាកសពបុរសរងគ្រោះក៍នឹងត្រូវបើកការស៊ើបអង្កេតផងដែរ ។
ប៉ូលិបាននិយាយថា បុរសរងគ្រោះជាមនុស្សភ្លើ ព្រោះតំបន់នេះ ត្រូវបានគេដាក់ស្លាកហាមមនុស្សដើរឆ្លងកាត់ទឹកទន្លេដែរ តែគាត់នៅតែបំពានទើបគ្រោះថ្នាក់ ៕
ចែករំលែកព័តមាននេះ