អង្គការសិទ្ធិមនុស្សស៊ីរី OSDH មានប្រភពព័ត៌មានច្រើនក្នុងប្រទេស គូសបញ្ជាក់ថា ការប្រយុទ្ធគ្នាយ៉ាងសាហាវនៅជិតព្រលានយន្ដហោះយោធាមួយ នាភាគកណ្ដាលស៊ីរី កាលពីថ្ងៃទី១៩ មករា បណ្ដាលឱ្យពួកជីហាដ ស្លាប់១៨នាក់ ហើយយុទ្ធជនស្និទ្ធរបបស៊ីរី១២នាក់ ក៏ត្រូវស្លាប់ដែរ ។
ក្រុមរដ្ឋអ៊ិស្លាមប៉ុនប៉ងចាប់តាំងពីច្រើនសប្ដាហ៍មកហើយ វាយរុលទៅមុខសំដៅព្រលានយន្ដហោះយោធា TAYFUR ខេត្ដហូម ដើម្បីកាត់ផ្ដាច់ផ្លូវថ្នល់ភ្ជាប់ទីក្រុង PALMYRE និងក្រុងហូម មិនឱ្យរបបស៊ីរីប្រើប្រាស់បាន ។ យោងតាម OSDH ការប្រយុទ្ធគ្នាយ៉ាងខ្លាំងក្លា ផ្ទុះឡើងនាថ្ងៃទី១៩ មករា ក្នុងតំបន់នោះដែលរងការវាយប្រហារតាមអាកាសរបស់របបស៊ីរី និងសម្ព័ន្ធមិត្ដរុស្ស៊ី ។ យុទ្ធជនរបបស៊ីរី១២នាក់ត្រូវស្លាប់ ក្នុងនោះ៧នាក់ ក្នុងការវាយប្រហារអត្ដឃាតមួយ រួចពួកជីហាដ១៨នាក់ក៏ត្រូវស្លាប់ដែរ ក្នុងការប្រយុទ្ធគ្នា ៕
ចែករំលែកព័តមាននេះ