៥ គន្លឹះដើម្បីបង្រៀនកូនរបស់អ្នកអំពីលុយ និងសុភមង្គល
- ភ្នំពេញ
រាជធានីភ្នំពេញ ៖ ដើម្បីមានភាពសប្បាយរីករាយ និងឯករាជ្យ កុមារត្រូវដឹងរឿងមួយ ឬពីរអំពីលុយ ។ ខាងក្រោមនេះ គឺជាគន្លឹះ ៥…
រាជធានីភ្នំពេញ ៖ ដើម្បីមានភាពសប្បាយរីករាយ និងឯករាជ្យ កុមារត្រូវដឹងរឿងមួយ ឬពីរអំពីលុយ ។ ខាងក្រោមនេះ គឺជាគន្លឹះ ៥…
រាជធានីភ្នំពេញ ៖ ដើម្បីមានភាពសប្បាយរីករាយ និងឯករាជ្យ កុមារត្រូវដឹងរឿងមួយ ឬពីរអំពីលុយ ។ ខាងក្រោមនេះ គឺជាគន្លឹះ ៥ យ៉ាងសម្រាប់មេរៀនលុយដ៏មានប្រយោជន៍ ដែលឪពុកម្តាយគួរចែករំលែកជាមួយកូននៅពេលពួកគេធំឡើង ៖
១. តម្លៃនៃលុយ ៖ យើងទាំងអស់គ្នាប្រហែលជាធ្លាប់ឮពាក្យថា «លុយមិនដុះលើដើមឈើ»។ ប៉ុន្តែតើពាក្យនេះមានន័យយ៉ាងណាចំពោះកុមារដែលថា លុយមិនដុះលើដើមឈើ ? កុមារត្រូវរៀនបន្ថែមទៀតដូចជា ៖ តើលុយមកពីណា ? តើវាតំណាងឱ្យអ្វី ? តើអ្នកទទួលបានវាដោយរបៀបណា ? ឬ តើវាអាចទិញអ្វីបាន ? ។ សន្ទនាជាមួយកូនស្រី កូនប្រុស ឬចៅរបស់អ្នក ហើយពន្យល់ពីមូលហេតុដែលវត្ថុមួយមានតម្លៃថ្លៃជាងទំនិញផ្សេងទៀត ។
២. រស់នៅជាមួយលុយ ៖ ការចំណាយច្រើនពេកនាំឱ្យមានភាពតានតឹង និងថប់បារម្ភ ។ វាអាចបំផ្លាញចំណាត់ថ្នាក់ឥណទាន នាំទៅរកអត្រាការប្រាក់ខ្ពស់លើប្រាក់ដែលជំពាក់ ហើយថែមទាំងនាំទៅរកការក្ស័យធន ។ អ្វីដែលអាចអាក្រក់ជាងនេះទៅទៀត ការចំណាយលើសកំណត់អាចនាំឱ្យទំនាក់ទំនងបញ្ចប់សម្រាប់គូស្នេហ៍ ។ ដូច្នេះ មុននឹងកុមារជួបបញ្ហានៅពេលក្រោយក្នុងជីវិត ចូរឆ្លៀតពេលនិយាយជាមួយពួកគេអំពីការចំណាយ ។ មុននឹងផ្លាស់ប្តូរទាំងស្រុងដោយខ្លួនឯង អនុញ្ញាតឱ្យកុមារដឹងពីអ្វីដែលនឹងកើតឡើងនៅពេលដែលនរណាម្នាក់ចំណាយច្រើនពេកលើកាតឥណទាន ។
៣. ការចំណាយមិនតែងតែនាំមកនូវសុភមង្គលទេ ៖ សួរកុមារថា តើការញ៉ាំនំសូកូឡាធ្វើឱ្យអ្នកសប្បាយចិត្តទេ ? ប្រហែលជាចម្លើយគឺ «បាទ ឬ ចាស» ។ បន្ទាប់មកធ្វើឱ្យពួកគេយល់ថា សុភមង្គលដែលបានមកពីការបរិភោគរបស់មួយនោះមិនស្ថិតស្ថេរជារៀងរហូតនោះទេ ។ រួចសួរពួកគេថា ដើម្បីនៅមានសុភមង្គល តើអ្នកត្រូវញ៉ាំវារាល់ថ្ងៃឬ ? បើញ៉ាំរាល់ថ្ងៃ កូនអាចធាត់ទេ មានសុខភាពល្អទេ ? ប្រសិនបើពួកគេយល់ថា ការធាត់អាចបង្កើតបញ្ហាសុខភាពជាច្រើន ហើយសុខភាពល្អមានសារៈសំខាន់ចំពោះសុភមង្គល ពួកគេអាចនឹងចាប់ផ្តើមយល់ថា អ្វីជាសុភមង្គលពិត ។
៤. មេរៀនអំពីការសន្សំ ៖ នៅពេលកុមារក្លាយជាក្មេងជំទង់ ចូរជួយពួកគេឱ្យយល់ថាសុភមង្គលខ្លះកើតចេញពីការដឹងថា មានលុយគ្រប់គ្រាន់ដើម្បីទិញរបស់ដែលចាំបាច់ ។ នោះមិនតែងតែមានន័យថា អ្នកមានគ្រប់គ្រាន់ដើម្បីទិញរបស់ដែលអ្នកចង់បាននោះទេ ។ វាមានភាពខុសគ្នាខ្លាំងនៅក្នុងពាក្យ «ត្រូវការ» និង «ចង់បាន» ។ ប្រសិនបើពួកគេអាចទទួលបានមេរៀននៃ «ទិញអ្វីដែលអ្នកត្រូវការ ប៉ុន្តែកុំតែងតែទិញអ្វីដែលអ្នកចង់បាន» ពួកគេទំនងជានឹងសន្សំបានកាន់តែច្រើន ។ សូមជួយពួកគេឱ្យយល់ពីសុភមង្គលដែលកើតចេញពីការសន្សំប្រាក់ខ្លះ ព្រោះវានាំទៅរក «សេចក្ដីសុខក្នុងចិត្ត» ។
៥. ការបរិច្ចាក ៖ ការចំណាយលុយមិនតែងតែត្រូវគិតតែពីខ្លួនឯងនោះទេ ។ ជាឧទាហរណ៍ ការបរិច្ចាកដើម្បីជួយដល់សប្បុរសជនអាចនាំមកនូវសុភមង្គល ទោះបីជាលុយនោះជួយអ្នកដទៃក៏ដោយ ៕
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សម្រាប់បវេសនកាលឆ្នាំសិក្សាថ្មី កម្មវិធីចំណេះទូទៅខ្មែរពីថ្នាក់ទី ១ ដល់ទី ១២ ចូលរៀនថ្ងៃទី ៥ ខែកញ្ញា ឆ្មាំ ២០២២ ចំពោះកម្មវិធីអប់រំមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេស កម្មវិធីភាសាចិន ចាប់ទទួលចុះឈ្មោះចូលរៀនជារៀងរាល់ថ្ងៃ ។ ការចុះឈ្មោះបុត្រធីតានៅសាលារៀនយើងខ្ញុំ លោកអ្នកនឹងទទួលបានពិន្ទុសន្សំកាន់តែច្រើន ដើម្បីប្តូរយកសម្ភារ ឬទូទាត់ជាមួយនិងសេវាសផ្សេងៗ ។
សាលារៀនជូននូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រង សាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ។
ចែករំលែកព័តមាននេះ