រថយន្តបើកទាក់ខ្សែកាបឧបទិច ធ្លាក់កាត់ទទឹងផ្លូវ កកស្ទះចរាចរណ៍១ម៉ោង
- ភ្នំពេញ
ខ្សែកាប ខ្សែឧបទិច ដែលក្រុមហ៊ុនរាយ.ត កាត់ទទឹងផ្លូវជាតិលេខ៣ នៅត្រង់ចំណុចផ្សារទឹកថ្លា ស្ថិតក្នុងភូមិទឹកថ្លា
ខ្សែកាប ខ្សែឧបទិច ដែលក្រុមហ៊ុនរាយ.ត កាត់ទទឹងផ្លូវជាតិលេខ៣ នៅត្រង់ចំណុចផ្សារទឹកថ្លា ស្ថិតក្នុងភូមិទឹកថ្លា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ខ្សែកាប ខ្សែឧបទិច ដែលក្រុមហ៊ុនរាយ.ត កាត់ទទឹងផ្លូវជាតិលេខ៣ នៅត្រង់ចំណុចផ្សារទឹកថ្លា ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ធ្លាក់ដាបធ្វើឲ្យរថយន្តបើកទាក់ធ្លាក់ជាប់រថយន្តទាញ់បាក់ខូចស្លាកយីហោ បណ្តាលឱ្យកកស្ទះចរាចរណ៍អស់១ម៉ោង កាលពីព្រឹកថ្ងៃទី១៨ ខែសីហា ឆ្នាំ២០២២ នេះ ។
បើតាមប្រជាពលរដ្ឋបានឲ្យដឹងថា ចំណុចខាងលើ មានខ្សែកាប ខ្សែឧបទិច ត.រាយកាត់សន្ធឹងទទឹងផ្លូវធ្លាក់រយ៉ាក ស្រាប់តែនៅវេលាម៉ោង៥ព្រឹក ថ្ងៃទី១៨ ខែសីហា ឆ្នាំ២០២២នេះ ក៏មានរថយន្តប្រភេទដឹកទំនិញបើកឆ្លងកាត់ពីជើងទៅត្បូង ហើយក៏ទាក់ជាមួយខ្សែភ្លើងទាញដាច់ទ្រេតទាំងស្លាកប៉ាណូរបស់គ្លីនិក បន្ទាប់មករថយន្តនោះក៏បើកបន្តទៅបាត់បាត់ ។ លុះដល់រថយន្តក្រោយៗមកទៀត បន្តបើកទាក់ ធ្វើឲ្យកកស្ទះចរាចរណ៍ផ្នែកខាងចេញពីរាជធានីភ្នំពេញ ចំណែកផ្នែកខាងចូលរាជធានីភ្នំពេញវិញ ត្រូវបានពលរដ្ឋយកឈើមកទល់ គ្រាន់បានធ្វើចរាចរណ៍បាន ។
គួរបញ្ជាក់ថា ក្រោយការកកស្ទះចរាចរណ៍ផ្នែកផ្លូវខាងចេញពីរាជធានីភ្នំពេញ ចាប់ពីកន្លែងកើតហេតុ រហូតដល់វត្តស្លែង ដែលចំងាយជាង១គីឡូម៉ែត្រធ្វើឱ្យស្ទះចរាចរណ៍អស់រយៈពេល១ម៉ោង រហូតដល់វេលាម៉ោង៦ព្រឹកថ្ងៃដដែល ទើបខាងក្រុមហ៊ុនអគ្គិសនី យកកន្ត្រៃទៅកាត់ខ្សែនោះយកចេញ ដើម្បីឲ្យចរាចរណ៍ឆ្លងកាត់បានឡើងវិញ ៕
ចែករំលែកព័តមាននេះ