ឆេះរថយន្តដឹកអ្នកទេសចរបរទេសទៅចូលលេងកាស៊ីណូ
ខេត្តស្វាយរៀង ៖ ជនបរទេសប្រុស-ស្រីចំនួន១៩នាក់ ក្នុងនោះស្រី្ត៩នាក់បាននាំគ្នាបើកទ្វាររថយន្តរត់ចុះទាំងភ័យស្លន់ស្លោ
ខេត្តស្វាយរៀង ៖ ជនបរទេសប្រុស-ស្រីចំនួន១៩នាក់ ក្នុងនោះស្រី្ត៩នាក់បាននាំគ្នាបើកទ្វាររថយន្តរត់ចុះទាំងភ័យស្លន់ស្លោ
ខេត្តស្វាយរៀង ៖ ជនបរទេសប្រុស-ស្រីចំនួន១៩នាក់ ក្នុងនោះស្រី្ត៩នាក់បាននាំគ្នាបើកទ្វាររថយន្តរត់ចុះទាំងភ័យស្លន់ស្លោ ដោយសាររថយន្តម៉ាកហ៊ីយិនដាយប្រភេទទេសចរណ៍មួយគ្រឿង ដែលពួកគេជិះត្រូវអណ្តាតភ្លើងឆេះយ៉ាងសន្ធោសន្ធៅ មិនដឹងថាឆេះដោយសាអ្វី ខណៈរថយន្តបើកមកដល់ខាងមុខស្ថានីយ៍ប្រេងឥន្ធនៈតេលានៅភូមិស្វាយ សង្កាត់ចេក ក្រុងស្វាយរៀង វេលាម៉ោង៤និង៣៥នាទីរសៀលថ្ងៃទី១៨ មករា ។
ជនបរទេសដែលជិះនៅក្នុងរថយន្តនោះមានជនជាតិម៉ាឡេស៊ី២នាក់, ហ្វ៊ីលីពីនម្នាក់(ស្រី), វៀតណាម៧នាក់(ស្រី), ឥណ្តូណេស៊ី៩នាក់(ស្រីម្នាក់) ក្នុងនោះមានលិខិតឆ្លងដែនតែ៣នាក់ប៉ុណ្ណោះ ត្រូវបានសមត្ថកិច្ចឃាត់ខ្លួនបញ្ជូនទៅ ការិយាល័យអន្តោប្រវេសន៍នៃស្នងការដ្ឋាននគបាលខេត្តដើម្បីសាកសួរតាមនីតិវិធី ។
ចំណែកអ្នកបើកបររថយន្តបានរត់គេចខ្លួនបាត់ភ្លាមៗតែម្តង ដោយបន្សល់ទុករថយន្តឲ្យឆាបឆេះអស់សល់តែគ្រោងឆ្អឹង ។ រីឯទ្រព្យសម្បត្តិសម្លៀកបំពាក់អ្នកដំណើរក៏ឆេះហ្មត់ដែរ ។ ទាក់ទិនករណីភ្លើងឆេះរថយន្តនេះ សមត្ថកិច្ចបានឲ្យដឹងថា ទំនងជាទុស្សេប្រព័ន្ធភ្លើងក្នុងរថយន្ត ។
ប្រភពដដែលបន្តទៀតថា ជនបរទេសម្នាក់បានរាយកាណ៍ប្រាប់សមត្ថកិច្ចថា ពួកគេទាំងអស់មានគ្នា២៤នាក់ បានមកលេងនៅកាស៊ីណូ ឡឺម៉ាកាវ ក្រុងបាវិត ហើយនៅថ្ងៃទី១៧ មករា បាននាំគ្នាជិះរថយន្តមួយគ្រឿងម៉ាកហ៊ីយិនដាយ ប្រភេទទេសចរណ៍២៤កៅអី ចេញពីកាស៊ីណូក្រុងបាវិតឆ្ពោះទៅរាជធានីភ្នំពេញ ដោយបន្តដើរលេងកាស៊ីណូរួចសម្រាកនៅភ្នំពេញមួយយប់ ។ ហើយនៅរសៀលថ្ងៃទី១៨ មករា ក៏បានជិះរថយន្តត្រឡប់មកកាស៊ីណូឡឺម៉ាកាវវិញ ខណៈកំពុងជិះរថយន្តមកដល់កន្លែងកើតហេតុ ស្រាប់តែមានអណ្តាតភ្លើងឆេះក្នុងរថយន្ត ។ អ្នកបើកបរក៏បានឈប់ហើយបើកទ្វារថយន្តឲ្យរត់ចេញស្ទើរតែរត់មិនទាន់ និងបណ្តាលឲ្យអណ្តាតភ្លើងរលាកបីបួននាក់សម្រាប់អ្នកនៅខាងក្រោយតែស្រាល ។ រីឯសំលៀកបំពាក់របស់របរប្រើប្រាស់តាមវ៉ាលីត្រូវឆេះហ្មត់ ។ ចំពោះលុយកាក់ដាក់នៅតាមខ្លួនគ្មានខូចខាត ឬបាត់បង់ទេ ។
ប្រភពដ៏ដែលបន្តទៀតថា ជំហានដំបូងក្រុមជនបរទេសប្រាប់ថា២៤នាក់ ក៏ប៉ុន្តែពេលរាប់មនុស្សនៅជាក់ស្តែងឃើញតែ១៩ប៉ុណ្ណោះ ហើយមានលិខិតឆ្លងដែនតែ៣នាក់ទេ ១៦នាក់គឺគ្មានលិខិតស្នាមអ្វីទាំងអស់ តែពួកគេឆ្លើយថា គេទុកនៅឯកាស៊ីណូឡឺម៉ាកាវក្រុងបាវិត ។
សមត្ថកិច្ចសង្ស័យថា មានជនបរទេស៥នាក់រួមទាំងអ្នកបើកបរបានរត់គេចខ្លួនទំនងអត់មានលិខិតឆ្លងដែន ។ នេះបើពុំមានគ្រោះថ្នាក់ភ្លើងឆេះរថយន្ត ជនបរទេសទាំងនេះនឹងដើរហើរម៉ាសេរី លុះពេលឆេះរថយន្តទើបដឹងថា ពួកគេគ្មានលិខិតឆ្លងដែនហើយមានរហូតដល់ទៅ៤ជនជាតិ គឺសុទ្ធតែអាយុប្រមាណជា២៣ឆ្នាំទៅ២៨ឆ្នាំ ទំនងជាគូសង្សារថ្មោងថ្មីនាំគ្នាដើរលេងជាគូៗ ក្នុងរដូវចូលឆ្នាំវៀតណាម ហើយក្នុងនោះនារីក្រមុំវៀតណាម៧នាក់ ហ្វីលីពីនម្នាក់ ឥណ្តូណេស៊ីម្នាក់ ។
ការពន្លត់ភ្លើងឆេះរថយន្តនេះប្រើប្រាស់រថយន្តពន្លត់អគ្គីភ័យ៣គ្រឿង គឺរថយន្តពន្លត់អគ្គីភ័យស្នងការដ្ឋាននគរបាលខេត្ត២គ្រឿង រថយន្តពន្លត់អគ្គីភ័យកងរាជអាវុធហត្ថខេត្ត១គ្រឿង និងបំពង់ពន្លត់អគ្គីភ័យប្រេងឥន្ធនៈតេលា៣បំពង់ ប្រើពេលអស់៤០នាទីរហូតដល់ម៉ោង៤និង៣៥នាទីរសៀលដល់ម៉ោង៥និង១៥នាទីល្ងាច ទើបគ្រប់គ្រងភ្លើងឆេះសល់តែគ្រោងឆ្អឹង ។ ដោយសារឧបទ្ទវហេតុនេះបានធ្វើឱ្យស្ទះចរាចរណ៍លើផ្លូវជាតិលេខ១ជិតមួយម៉ោង ទើបអាចចរាចរណ៍បានវិញ ហើយក៏ជាសំណាងល្អដែរ ដែលឆេះក្បែរស្ថានីយ៍ប្រេងមិនមានការឆេះរាលដាលធ្ងន់ធ្ងរជាងនេះ ៕
ចែករំលែកព័តមាននេះ