ប្រធានផ្សារស្រែអំបិលបន្តយកភាស៊ី ពីប្រជាពលរដ្ឋលក់ដូរតាមកញ្ច្រែង ល្អី
ខេត្តកោះកុង ៖ ទោះបីប្រមុខរាជរដ្ឋា ភិបាលក៏ដូចជាក្រសួងសេដ្ឋកិច្ច និងហិរញ្ញវត្ថុ បានចេញប្រកាសឱ្យបញ្ឈប់ការយកភាស៊ីទៅលើអ្នកលក់ដូរតាមកញ្ច្រែងល្អី
ខេត្តកោះកុង ៖ ទោះបីប្រមុខរាជរដ្ឋា ភិបាលក៏ដូចជាក្រសួងសេដ្ឋកិច្ច និងហិរញ្ញវត្ថុ បានចេញប្រកាសឱ្យបញ្ឈប់ការយកភាស៊ីទៅលើអ្នកលក់ដូរតាមកញ្ច្រែងល្អី
ខេត្តកោះកុង ៖ ទោះបីប្រមុខរាជរដ្ឋា ភិបាលក៏ដូចជាក្រសួងសេដ្ឋកិច្ច និងហិរញ្ញវត្ថុ បានចេញប្រកាសឱ្យបញ្ឈប់ការយកភាស៊ីទៅលើអ្នកលក់ដូរតាមកញ្ច្រែងល្អីនៅទូទាំងប្រទេសកាលពីដើមឆ្នាំ២០១៧កន្លងទៅថ្មីៗនេះយ៉ាងណាក្តី សម្រាប់ខេត្តកោះកុង ស្ថាប័នពាក់ព័ន្ធ ជាពិសេសមន្ទីរសេដ្ឋកិច្ច និងហិរញ្ញវត្ថុ នៅតែមិនទាន់អនុវត្តសេចក្តីប្រកាសនេះឱ្យមានប្រសិទ្ធភាពនៅឡើយទេ គឺនៅតែបន្តការយកភាស៊ីពីពលរដ្ឋក្រីក្រលក់ដូរតាមកញ្ច្រែង ល្អី ដូចជាលក់ ក្តាម ខ្យង ព្រលឹត ត្រកួន ។ល។ ដូចធម្មតាដដែល ។
មិនតែប៉ុណ្ណោះ ភ្នាក់ងារដើរយកភាស៊ីបានប្រើពាក្យគំរាមកំហែង និងប្រមាថទៅលើពលរដ្ឋក្រីក្រទាំងនោះ ដូចសត្វធាតុ ហើយបើពលរដ្ឋណាមានការយឺតយ៉ាវមិនព្រមបង់ភាស៊ីតាមការទាមទាររបស់ពួកគេទេ ភ្នាក់ងារយកភាស៊ី បានប្រើកាយវិការ ទាត់ឬលើកកញ្ច្រែង ល្អីរបស់ពលរដ្ឋ ឬអាជីវករក្រីក្រទាំងនោះគ្រវែងចោលតែម្តង ។ ជាក់ស្តែងកាលពីថ្ងៃទី១៨ មករា អាជីវករលក់ដូរតាមកញ្ច្រែង ល្អី នៅផ្សារស្រែអំបិល ស្ថិតក្នុងស្រុកស្រែអំបិល មានការបះបោរតវ៉ាជាមួយភ្នាក់ងារយកភាស៊ីម្នាក់ឈ្មោះ ចន្នី ដែលបានប្រើពាក្យប្រមាថចំពោះពលរដ្ឋលក់ ព្រលឹត ត្រកួន និងក្តាមខ្យង ដែលមិនទាន់មានលុយបង់ថ្លៃភាស៊ីឱ្យរូបគេ ។ មិនតែប៉ុណ្ណោះ បានដេញពលរដ្ឋក្រីក្រទាំងនោះមិនឱ្យលក់ក្បែរផ្សារទៀតផង ។
តាមប្រភពព័ត៌មាននៅថ្ងៃបន្ទាប់ ភ្នាក់ ងារយកភាស៊ីឈ្មោះ ចន្នីនោះនៅតែបន្តការគំរាមកំហែងពលរដ្ឋកាន់តែខ្លាំងឡើងជាងមុនហាក់ដូចជាអាងខ្នងអ្នកមានអំណាចណាម្នាក់នៅពីក្រោយអីចឹង ។ មន្ត្រីមន្ទីរសេដ្ឋកិច្ច និងហិរញ្ញវត្ថុម្នាក់ សុំមិនបញ្ចេញឈ្មោះបានបញ្ជាក់ថា លោកប្រធានមន្ទីរ មិនដែលចេញបេសកកម្មឱ្យមន្ត្រីណាម្នាក់ចុះអនុវត្តសេចក្តីប្រកាសនេះនៅតាមទីផ្សារឡើយ ហើយលោកទទួលស្គាល់ថា គ្រប់ផ្សារក្នុងខេត្តកោះកុង ប្រធានផ្សារនីមួយៗនៅតែបន្តយកភាស៊ីលើអ្នកក្រីក្រដដែលទោះបីជាមានសេចក្តីប្រកាសនេះហើយក៏ដោយ ។
កោះសន្តិភាព មិនអាចទាក់ទងលោកប្រធានមន្ទីរសេដ្ឋកិច្ច និងហិរញ្ញវត្ថុដើម្បីសុំការបំភ្លឺជុំវិញបញ្ហានេះបានទេ ដោយទូរស័ព្ទរបស់លោកមិនអាចទាក់ទងបាន ៕
ចែករំលែកព័តមាននេះ