អ្នកណាដឹងថា អនាគតរបស់យើងនឹងធ្វើដំណើរទៅទិសខាងណា ល្អឡើង ឬធ្លាក់ចុះនោះទេ ។ Mark Zuckerberg គឺជាឧទាហរណ៍មួយ ដែលគាត់ជាក្មេងរៀនមិនចប់ មើលទៅគាត់ដូចជាគ្មានអនាគត ប៉ុន្តែក្មេងម្នាក់នេះ
អ្នកណាដឹងថា អនាគតរបស់យើងនឹងធ្វើដំណើរទៅទិសខាងណា ល្អឡើង ឬធ្លាក់ចុះនោះទេ ។ Mark Zuckerberg គឺជាឧទាហរណ៍មួយ ដែលគាត់ជាក្មេងរៀនមិនចប់ មើលទៅគាត់ដូចជាគ្មានអនាគត ប៉ុន្តែក្មេងម្នាក់នេះបានក្លាយជាបុគ្គល១រូបដែលមានកេរ្តិ៍ឈ្មោះទូទាំងសកលលោក បន្ទាប់ពីបានបង្កើតបណ្តាញសង្គម Facebook ដែលមនុស្សទូទាំងពិភពលោកប្រើប្រាស់យ៉ាងទូលំទូលាយ ហើយហ្វេសប៊ុកក៏មានឥទ្ធិពលសម្រាប់មនុស្សជាច្រើនផងដែរ ប៉ុន្តែមុននឹងសម្រេចបានជោគជ័យ វាមិនមែនជារឿងងាយស្រួលឡើយ ។
ថ្ងៃនេះ យើងមាន១០ចំណុចក្នុងការផ្លាស់ប្តូរជីវិតរបស់លោក Mark Zuckerberg ដែលបណ្តាលឲ្យគាត់តស៊ូរហូតដល់ទទួលបានជោគជ័យមកដល់បច្ចុប្បន្ន ។
១-យកឈ្នះអ្នកដែលធ្លាប់មើលងាយយើងឱ្យបាន ៖
ជាពិសេស សង្សារចាស់ ព្រោះកាលនៅរៀន Mark ធ្លាប់ត្រូវបានសង្សារបោះបង់ចោល។ ពេលនោះ Mark ធ្វើខ្លួនមិនរៀបរយ រហូតដល់ត្រូវសង្សារចាស់ប្រមាថមើលងាយថា គាត់នឹងគ្មានថ្ងៃជោគជ័យឡើយ ។
២-កុំបណ្តោយឱ្យមនុស្សប្លែកមុខដែលមិនស្គាល់អ្នកគ្រប់គ្រាន់ មកបំផ្លាញចំណុចឈររបស់អ្នក ៖
Mark មិនធ្លាប់ចាប់អារម្មណ៍ពាក្យរិះគន់របស់អ្នកណាម្នាក់ដែលមើលងាយគាត់ ឬគិតថា គាត់នឹងធ្វើមិនបានឡើយ ។
៣-ធ្វើអ្វីដែលស្រឡាញ់ និងស្រឡាញ់អ្វីដែលធ្វើ ៖
ការធ្វើអ្វីដែលស្រឡាញ់ គឺអាចធ្វើបានដោយងាយជានិច្ច និងល្អជាងអ្វីដែលយើងមិនចូលចិត្ត ។
៤-អ្នកដឹកនាំល្អត្រូវមានកម្លាំងថាមពលសម្រាប់អ្នកក្បែរខាង ៖
ប្រសិនជាអ្នកដឹកនាំមិនហ៊ានបញ្ចេញថាមពលរបស់ខ្លួនចេញមកទេ កុំគិតថា កូនចៅនឹងមានកម្លាំងថាមពលចំពោះស្ថាប័ននោះ ។
៥-បង្ហាញឱ្យគ្រប់គ្នាដឹងថា អ្នកគឺជាបុគ្គលដឹកនាំស្ថាប័នពិតប្រាកដ ៖
អ្នកដឹកនាំល្អ គឺជាគំរូដល់កូនចៅ ដែលធ្វើឱ្យពួកគេចង់យកតម្រាប់តាម ។
៦-ខ្លួនអ្នកឆ្លាតតែម្យ៉ាងមិនបានទេ អ្នកត្រូវបង្កើតក្រុមឱ្យឆ្លាតដូចអ្នកដែរ ៖
ការធ្វើការងារ ប្រសិនបើអ្នកដឹកនាំឆ្លាតតែម្យ៉ាង គឺអ្នកដឹកនាំនោះនឹងអាចធ្វើការម្នាក់ឯងបាន ប៉ុន្តែការធ្វើការងារទាំងអស់ គឺត្រូវអាស្រ័យលើក្រុមការងារ ។ បើក្រុមការងារឈ្លាសវៃ ការងារនោះនឹងដំណើរការល្អបន្តទៀត និងបានឆាប់រហ័សផងដែរ ។
៧-កុំឱ្យគំនិតរបស់មនុស្សក្បែរខាងបិទបាំងគំនិតរបស់អ្នក ៖
ការធ្វើការរបស់ Mark ចាប់ផ្តើមពីគំនិតរបស់ខ្លួនឯង និងមិត្តភក្តិមួយចំនួន ។ ទោះជាអ្នកណានឹងប្រាប់គាត់ថា វាមិនអាចទៅរួច ប៉ុន្តែគាត់មិនចាប់អារម្មណ៍នោះទេ ។
៨-សហការជាក្រុម ៖
នៅពេល Mark បង្កើតហ្វេសប៊ុក គាត់មិនបានបង្កើតវាឡើងតែម្នាក់ឯងទេ គាត់នៅតែរួមសហការជាមួយមិត្តភក្តិរបស់គាត់ ។ រាល់ការងារទាំងអស់តែងមានការប៉ះទង្គិច ឬមិនស្របគ្នាខ្លះ ប៉ុន្តែយើងត្រូវរកចំណុចកណ្តាលរួមមួយដើម្បីឱ្យការងារនោះដំណើរការទៅបាន ។
៩-កុំឱ្យអ្នកណាម្នាក់មកផាត់ពណ៌ដល់ជីវិតយើង ៖
ជីវិតរបស់យើង យើងជ្រើសរើសដោយខ្លួនឯងបាន កុំឱ្យអ្នកណាម្នាក់មកដាក់កំហិត ឬផាត់ពណ៌ដើម្បីឱ្យទៅតាមអ្វីដែលគេត្រូវការ ។
១០-ចង់សម្រេចជោគជ័យត្រូវសុបិនឱ្យឆ្ងាយ ហើយទៅឱ្យដល់ ៖
ភាពសំខាន់ គឺមិនបានស្ថិតនៅលើក្តីសុបិនរបស់យើងតែម្យ៉ាងទេ ប៉ុន្តែវានៅលើថា សុបិនហើយយើងនឹងដើរទៅតាមក្តីសុបិននោះឬយ៉ាងណា ៕
ចែករំលែកព័តមាននេះ