រដ្ឋមន្ត្រីក្រសួងបរិស្ថានបានឱ្យដឹងថា ការកា.ប់បំផ្លាញព្រៃឈើបានថយចុះ៤៩ភាគរយ
រាជធានីភ្នំពេញ ៖ រដ្ឋមន្ត្រីក្រសួងបរិស្ថានបានអះអាងកាលពីរសៀលថ្ងៃទី១៩ មករា ដោយទទួលស្គាល់ថា មានការកា.ប់បំផ្លាញព្រៃឈើច្រើនក្នុងឆ្នាំ២០១១ និង
រាជធានីភ្នំពេញ ៖ រដ្ឋមន្ត្រីក្រសួងបរិស្ថានបានអះអាងកាលពីរសៀលថ្ងៃទី១៩ មករា ដោយទទួលស្គាល់ថា មានការកា.ប់បំផ្លាញព្រៃឈើច្រើនក្នុងឆ្នាំ២០១១ និង
រាជធានីភ្នំពេញ ៖ រដ្ឋមន្ត្រីក្រសួងបរិស្ថានបានអះអាងកាលពីរសៀលថ្ងៃទី១៩ មករា ដោយទទួលស្គាល់ថា មានការកាប់បំផ្លាញព្រៃឈើច្រើនក្នុងឆ្នាំ២០១១ និង២០១២ ដោយមិនបានបញ្ជាក់ថាចំនួនប៉ុន្មានទេ ។ តែក្រោយពីការបង្ក្រាបមានការថយចុះប្រមាណ៤៩%នៅក្នុងឆ្នាំ២០១៣ និង២០១៤ ជាប្រសិទ្ធភាពការងារមួយរបស់មន្ត្រីក្រសួងបរិស្ថានដែលបានខិតខំបំពេញការងារទាំងថ្នាក់ជាតិនិងថ្នាក់ក្រោមជាតិ ។
លោក សាយ សំអាល់ រដ្ឋមន្ត្រីក្រសួងបរិស្ថាន បានថ្លែងថា ក្រសួងបរិស្ថាន បានរៀបចំកញ្ចប់ថវិកាមួយចំនួនសម្រាប់ការអភិរក្សនូវធនធានធម្មជាតិក្នុងឆ្នាំ២០១៧ ដើម្បីពង្រីកនៅថ្នាក់ក្រសួង និងមន្ទីរបរិស្ថាន នៃប្រទេសកម្ពុជា ។ ការលើកឡើងរបស់លោករដ្ឋមន្ត្រីនេះ ធ្វើឡើងក្នុងសន្និសីទសារព័ត៌មានមួយនារសៀលថ្ងៃទី១៩ មករា នៅទីស្តីការក្រសួងបរិស្ថាន ក្នុងរាជធានីភ្នំពេញ ទាក់ទងនឹងកិច្ចគាំពារបរិស្ថាន និងការការពារធនធានធម្មជាតិ និងអភិរក្សជីវចម្រុះ ។
លោករដ្ឋមន្ត្រីបានលើកឡើងថា ក្រសួងបានសម្រេចរួចហើយក្នុងការផ្តល់កញ្ចប់ថវិកានេះទៅលើរដ្ឋបាលថ្នាក់ក្រោមជាតិ មានការសហការគ្នាប្រើថវិកានេះដើម្បីអភិរក្សធនធានធម្មជាតិ ។ នៅក្រសួង និងអគ្គនាយកដ្ឋានក៏បានកញ្ចប់ថវិកាដែរ ។ ក្រសួងកំពុងរើសបុគ្គលិកជាឧទ្យានុរក្ស៣០០នាក់សម្រាប់ជួយក្នុងការអភិរក្ស ។ ក្នុងសហគមន៍ព្រៃឡង់ក៏បានចូលក្នុងឧទ្យានុរក្សយើងដែរ និងបានកំណត់ថវិកាសម្រាប់ពួកគាត់ដែរ ។
លោករដ្ឋមន្ត្រីបានថ្លែងប្រាប់អ្នកកាសែតថាក្រសួងនឹងជ្រើសរើសឧទ្យានុរក្សនេះសម្រាប់ការអភិវឌ្ឍធនធានធម្មជាតិក្នុងខេត្តដទៃទៀតមិនមែនតែតំបន់ព្រៃឡង់ទេគឺនៅទូទាំងប្រទេស ។ ក្នុងនោះមានការគូសវាសសម្រាប់ការទទួលខុសត្រូវរបស់រដ្ឋបាលថ្នាក់ជាតិនិងថ្នាក់ក្រោមជាតិក្នុងការគ្រប់គ្រងតំបន់អភិរក្សទាំងអស់នោះ ។
ចំពោះសំណួរដែលសួរថា ហេតុអ្វីបានជាពេលនេះទើបរាជរដ្ឋាភិបាលដាក់ព្រៃឡង់ជាព្រៃការពារ និងអភិរក្ស ។ លោករដ្ឋមន្ត្រីបានថ្លែងថា ព្រៃឡង់ក៏ដូចជាព្រៃនៅក្នុងតំបន់ដទៃនៃប្រទេសកម្ពុជាដែរ នេះជាកាតព្វកិច្ចរបស់រដ្ឋដែលត្រូវការពារ និងអភិរក្សព្រៃឈើរបស់ខ្លួន ដើម្បីបន្តជំនាន់ទៅមុខទៀត ។ កម្ពុជាត្រូវចូលរួមជាមួយសហគមន៍អន្តរជាតិ ដើម្បីកាត់បន្ថយការប្រែប្រួលអាកាសធាតុ ។
លោករដ្ឋមន្ត្រីបានលើកឡើងថា ជាពិសេសសម្រាប់កម្ពុជា ធនធានធម្មជាតិជាប្រភពទឹក ។
ព្រៃឡង់ជាព្រៃមួយមិនត្រឹមតែមានសារសំខាន់(ខេត្តក្រចេះ ស្ទឹងត្រែង កំពង់ធំ និងព្រះវិហារ)សម្រាប់កម្ពុជាទេ គឺមានសារសំខាន់ក្នុងតំបន់តែម្តង ដូចជាការរក្សាប្រភពទឹកសាបនៅក្រោមដីនិងមានសត្វជាច្រើនកំពុងរស់នៅក្នុងព្រៃផងដែរ ។
លោករដ្ឋមន្ត្រីបានបញ្ជាក់ថា នៅព្រៃឡង់មានការប្រឈមដដែលទេគឺមានការលួចកាប់ឈើ យើងបានបង្ក្រាបក្នុងទ្រង់ទ្រាយធំនិងត្រូវមានការត្រួតពិនិត្យបន្ថែម ។ ពេលនេះក៏មានការលួចដឹកឈើតាមម៉ូតូ និងគោយន្ត វាជាការលំបាករបស់យើងដែរ ។
លោករដ្ឋមន្ត្រីបានលើកឡើងថា យើងត្រូវតែកែប្រែជីវភាពរបស់ពួកគាត់ពីការលួចកាប់ឈើមួយដើមៗដឹកចេញដូចស្រមោចពាំអង្កររាល់ថ្ងៃដោយរកមុខរបរណាមានកម្រៃប្រសើរជាងមុន ។ ការកាប់ឈើជារួមមានការថយចុះនៅទូទាំងប្រទេស ក្នុងប៉ែកឦសាន និងតំបន់ព្រៃឡង់ក៏មានការថយចុះច្រើនដែរ តែពេលខ្លះមានការលើកឡើងខ្វែងគំនិតគ្នា សារព័ត៌មានខ្លះថាមានការកើនឡើង និងក៏មានបុគ្គលមួយចំនួនក៏ថាមានការកើនឡើងដែរប៉ុន្តែវាមិនឆ្លុះបញ្ចាំងនូវអ្វីដែលបានកើតឡើងនៅនឹងកន្លែងទេ ។
លោករដ្ឋមន្ត្រីបានលើកឡើងថា ចំពោះព័ត៌មានដែលអង្គការណាសាបានចុះផ្សាយកាលពីសប្តាហ៍មុននេះគឺមានចេតនាបំពុលបរិយាកាសដែលរឿងនេះគេធ្លាប់ចុះផ្សាយកាលពីមុនដែរ ។
អ្វីដែលគេបានលើកឡើងប្រាសចាកពីអ្វីដែលក្រសួងបានលើកឡើងពីការបាត់បង់ព្រៃឈើ ។ទោះបីយ៉ាងណា លោកទទួលស្គាល់ថា ការបាត់បង់ព្រៃឈើកើតមានក្នុងឆ្នាំ២០១១និងឆ្នាំ២០១២ តែសារព័ត៌មានមិនបាននិយាយពីការថយចុះពីឆ្នាំ២០១៣ និងឆ្នាំ២០១៤ទេ ។
លោករដ្ឋមន្ត្រីបានលើកឡើងថា ការផ្តល់ដីសម្បទាន ការបង្ក្រាបការកាប់ព្រៃមានប្រសិទ្ធភាពនៅពេលអត្រាការបាត់បង់មានការចុះថយ ។ លោកមិនដឹងថា សារព័ត៌មានខ្លះមិនបានសរសេរបែរជាយកតាមអង្គកាណាសាដែលគេបានបញ្ចេញ ។ ការកាប់ឈើថយចុះពីការកាប់ឈើឆ្នាំ២០១៣ និងឆ្នាំ២០១៦មានចំនួន៤៩ភាគរយ ។
លោករដ្ឋមន្ត្រីបានលើកឡើងថា បញ្ហាបរិស្ថាននេះជារឿងធំណាស់ដែលត្រូវសិក្សាគូសវាស និងបញ្ជូនមន្ត្រីទៅសិក្សាបន្ថែម ។ យើងមាននាយកដ្ឋានមួយចំនួនក្នុងក្រសួងបរិស្ថានសម្រាប់គូសវាសច្បាស់លាស់ ។ មានសហគមន៍មួយចំនួនក៏បានចូលរួមក្នុងការអភិរក្សតំបន់អេកូទេសចរណ៍ និងបង្កើតការងារដល់បងប្អូនសហគមន៍ មានចិញ្ចឹមសត្វ និងកសិកម្មជាដើម ។
លោករដ្ឋមន្ត្រីបានលើកឡើងថា បងប្អូនប្រជាពលរដ្ឋព្រៃឡង់គួរតែដើរជាមួយមន្ត្រីយុត្តិធម៌ ព្រោះមន្ត្រីមានសិទ្ធិប្រើអាវុធ ។ លោកលើកឡើងថា មានឈើខ្លះចាស់ និងឈើថ្មី មានបងប្អូនខ្លះនៅក្នុងសហគមន៍ និងមានអ្នកមកពីក្រៅដែរ ។ ក្រសួងត្រូវពិនិត្យដេប៉ូដែលលក់ឈើថាឈើនោះបានមកពីណាយកមកលក់បែបនេះ ។
សូមបញ្ជាក់ថា ក្រសួងបរិស្ថានកាលពីថ្ងៃទី១៣ មករា បានចេញសេចក្ដីបំភ្លឺផ្លូវការច្រានចោលរបាយការណ៍របស់អង្គការណាសាដែលថាព្រៃឈើកម្ពុជាកំពុងបាត់បង់ផងដែរ ៕
ចែករំលែកព័តមាននេះ