ឌឺមែន ! ចាប់បានហើយនៅញញឹមដាក់សមត្ថកិច្ចទៀត
ខេត្តស្ទឹងត្រែង ៖ បុរសម្នាក់បានញញឹមរបៀបឌឺដាក់សមត្ថកិច្ចបន្ទាប់ពីត្រូវបានចាប់ខ្លួននៅចំណុចក្បាលស្ពានអូរខ្លុង ស្ថិតក្នុងភូមិសាមឃួយ ឃុំសាមឃួយ ស្រុកសេសាន …
ខេត្តស្ទឹងត្រែង ៖ បុរសម្នាក់បានញញឹមរបៀបឌឺដាក់សមត្ថកិច្ចបន្ទាប់ពីត្រូវបានចាប់ខ្លួននៅចំណុចក្បាលស្ពានអូរខ្លុង ស្ថិតក្នុងភូមិសាមឃួយ ឃុំសាមឃួយ ស្រុកសេសាន …
ខេត្តស្ទឹងត្រែង ៖ បុរសម្នាក់បានញញឹមរបៀបឌឺដាក់សមត្ថកិច្ចបន្ទាប់ពីត្រូវបានចាប់ខ្លួននៅចំណុចក្បាលស្ពានអូរខ្លុង ស្ថិតក្នុងភូមិសាមឃួយ ឃុំសាមឃួយ ស្រុកសេសាន ខេត្តស្ទឹងត្រែង កាលពីថ្ងៃទី១៩ ខែមករា ឆ្នាំ២០១៧ ។
លោកវរសេនីយ៍ត្រី ចែម ផានិត នាយការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគបាលខេត្តឱ្យដឹងថា ជនសង្ស័យឈ្មោះ គី ស៊ីថា ភេទប្រុស អាយុ៣៣ឆ្នាំ មានទីលំនៅភូមិភ្លុក ឃុំភ្លុក ស្រុកសេសាន ខេត្តស្ទឹងត្រែង ត្រូវបានចាប់ខ្លួន ដោយដកហូតបានថ្នាំញៀនជិតមួយគីឡូក្រាម ខណៈធ្វើការជួញដូរជាមួយបក្សពួក២នាក់ផ្សេងទៀត ។
លោកវរសេនីយ៍ត្រីបន្តថា ក្នុងប្រតិបត្តិការបង្ក្រាបករណីគ្រឿងញៀនខាងលើនេះ គឺសមត្ថកិច្ចជំនាញបានតាមប្រមាញ់យ៉ាងយកចិត្តទុកដាក់ ទើបឈានដល់ការឃាត់ខ្លួនជនសង្ស័យបានម្នាក់ក្នុងចំណោមបក្សពួក៣នាក់ ។ លោកថា ជនសង្ស័យ២នាក់ទៀតបានរត់គេចខ្លួនបាត់ ពេលកម្លាំងជំនាញតាមប្រមាញ់ចាប់ខ្លួនជនសង្ស័យដែលកាន់វត្ថុតាងនៅកន្លែងដោះដូរ ។
ក្រោយពេលឃាត់ខ្លួនជនសង្ស័យ សមត្ថកិច្ចបានដកហូតម្សៅគ្រឿងញៀនមួយកញ្ចប់ទម្ងន់៨៣០,៩ក្រាម(ជិតមួយគីឡូក្រាម) និងបានបញ្ជូនខ្លួនទៅកាន់ការិយាល័យប្រឆាំងបទល្មើសសេដ្ឋកិច្ចខេត្តដើម្បីធ្វើការសាកសួរ និងធ្វើការស្រាវជ្រាវតាមចាប់ខ្លួនបក្សពួកបន្តទៀត ៕
ចែករំលែកព័តមាននេះ