ខ្សែភាពយន្តដែលរៀបរាប់ពីសត្វចម្លែក និងកុមាររបស់ក្រុមហ៊ុន «Paramount» ជាភាពយន្តដំបូងក្នុងឆ្នាំ២០១៧ ចំណាយទុនលើសពី១០០លានដុល្លារ ប៉ុន្តែអាចរកប្រាក់បានត្រឹមតែ២៥លានដុល្លារប៉ុណ្ណោះក្នុងសប្តាហ៍ដំបូង ។
ភាពយន្តរឿង «Monster Trucks» រៀបរាប់ពីខ្សែជីវិតកុមារម្នាក់ជួបនឹងវត្ថុមានជីវិតពីពិភពផ្កាយដែលរស់នៅកំបាំងខ្លួនក្នុងរថយន្តដឹកទំនិញធុនធំ ។ ពួកគេក្លាយជាមិត្តភក្តិនឹងគ្នា ហើយត្រូវជួយគ្នារត់គេចពីមនុស្សដែលព្យាយាមចាប់សត្វចម្លែក ។
ចាត់ទុកថាជាភាពយន្តនិទានពីសត្វចម្លែក ដោយសង្កត់ធ្ងន់លើអារម្មណ៍គួរឱ្យអស់សំណើច។ វាមើលទៅហាក់ដូចជាមិនអាចទាក់ទាញអារម្មណ៍របស់ទស្សនិកជនបាន ។ ព្រោះភាពយន្តនេះអាចរកប្រាក់នៅសហរដ្ឋអាមេរិកក្នុងសប្តាហ៍កន្លងមកបានតែ១០លានដុល្លារ រួមនឹងចំណូលពីបរទេសផងបានត្រឹមតែ២៥លានដុល្លារ មានគម្លាតឆ្ងាយពីទុនបង្កើតរឿងសរុប១០០លានដុល្លារឯណោះ ៕
ចែករំលែកព័តមាននេះ