ការសិក្សាស្រាវជ្រាវថ្មីមួយបានបង្ហាញថា ការប្រើប្រាស់ប្រព័ន្ធបណ្តាញសង្គមដូចជា Facebook, Twitter, Instagram និង Snapchat អាចបំផ្លាញសុខភាពរបស់លោកអ្នក ។ ខាងក្រោមនេះជាហេតុផល៤យ៉ាង ដែល
ការសិក្សាស្រាវជ្រាវថ្មីមួយបានបង្ហាញថា ការប្រើប្រាស់ប្រព័ន្ធបណ្តាញសង្គមដូចជា Facebook, Twitter, Instagram និង Snapchat អាចបំផ្លាញសុខភាពរបស់លោកអ្នក ។ ខាងក្រោមនេះជាហេតុផល៤យ៉ាង ដែលលោកអ្នកគួរតែចំណាយពេលខ្លះចេញឲ្យឆ្ងាញពីប្រព័ន្ធបណ្តាញសង្គម ៖
១-កាត់បន្ថយហានិភ័យនៃជំងឺធាត់
នៅពេលដែលមនុស្សម្នាក់ចំណាយពេលវេលាច្រើនជាមួយប្រព័ន្ធបណ្តាញសង្គមនានា វាមានន័យថាពួកគាត់ត្រូវអង្គុយ ឬដេកនៅមួយកន្លែងពីមុខទូរស័ព្ទ ឬកុំព្យូទ័ររបស់ពួកគេ និងប្រើប្រាស់ប្រព័ន្ធបណ្តាញសង្គម ។ ដូច្នេះ ពួកគេមិនបានធ្វើលំហាត់ប្រាណឱ្យបានគ្រប់គ្រាន់ក្នុងការដុតបំផ្លាញកាឡូរីទេ ។ ស្របគ្នាផងដែរ ការប្រើប្រាស់ប្រព័ន្ធបណ្តាញសង្គមរយៈពេលយូរមានន័យថា ពួកគេមានពេលវេលាតិច សម្រាប់ការធ្វើលំហាត់ប្រាណ ដូច្នេះវានឹងបង្កើនហានិភ័យនៃការកើតជំងឺធាត់ ។
២-បន្ថយហានិភ័យនៃការកើតជំងឺបាក់ទឹកចិត្ត
ការប្រើប្រាស់ប្រព័ន្ធផ្សព្វផ្សាយសង្គមជានិច្ច ជាពិសេសនៅពេលដែលលោកអ្នកឃើញពីជីវិតរីករាយរបស់អ្នកផ្សេង វាអាចធ្វើឱ្យលោកអ្នកមានអារម្មណ៍ថា ជីវិតរបស់លោកអ្នកមិនល្អគ្រប់គ្រាន់ដូចជីវិតអ្នកផ្សេងដែលនាំឲ្យមានបញ្ហាក្នុងការឲ្យតម្លៃលើខ្លួនឯង ដែលក្រោយមកនឹងក្លាយទៅជាជំងឺបាក់ទឹកចិត្ត ។
៣-ធ្វើឱ្យលោកអ្នកមានពេលចូលសង្គមបានច្រើន
ការសម្រាកពីការប្រើប្រាស់ប្រព័ន្ធបណ្តាញសង្គម អាចមានប្រយោជន៍ក្នុងការធ្វើឱ្យលោកអ្នកមានពេលវេលាបន្ថែមទៀតក្នុងសង្គម និងអាចឲ្យលោកអ្នកមានឱកាសជួប និងស្គាល់មនុស្សនៅខាងក្រៅបានកាន់តែច្រើន ។ ការជួបមនុស្សកាន់តែច្រើន នឹងអាចកាត់បន្ថយភាពឯកោ និងជំងឺបាក់ទឹកចិត្ត ។
៤-បង្កើនថាមពលការចងចាំ
ការស្រាវជ្រាវមួយបានរកឃើញថា ការប្រើប្រាស់ទូរស័ព្ទនិងកុំព្យូទ័រឥតឈប់ឈរ អាចនាំឱ្យមានការថយចុះសារធាតុពណ៌ប្រផេះក្នុងខួរក្បាលរបស់លោកអ្នក ដែលអាចប៉ះពាល់ដល់ការចងចាំដូច្នេះការបន្ថយការប្រើប្រាស់ប្រព័ន្ធបណ្តាញសង្គមអាចធ្វើឱ្យប្រសើរឡើងនូវការចងចាំរបស់លោកអ្នក ៕
ចែករំលែកព័តមាននេះ