ថ្លើមធំណាស់ ! ចាប់ឱបហើយស្ទាបអង្អែលទាំងលើទាំងក្រោមទៀត
ខេត្តកំពង់ស្ពឺ ៖ បុរសម្នាក់ត្រូវបានសមត្ថកិច្ចដេញប្រផាប់ចាប់ប្រភីងរហូតចាប់ខ្លួនបាន បន្ទាប់ពីស្ត្រីម្នាក់បានប្តឹងចោទប្រកាន់ថា បានចាប់ឱប និងស្ទាបអង្អែលរាងកាយគាត់ …
ខេត្តកំពង់ស្ពឺ ៖ បុរសម្នាក់ត្រូវបានសមត្ថកិច្ចដេញប្រផាប់ចាប់ប្រភីងរហូតចាប់ខ្លួនបាន បន្ទាប់ពីស្ត្រីម្នាក់បានប្តឹងចោទប្រកាន់ថា បានចាប់ឱប និងស្ទាបអង្អែលរាងកាយគាត់ …
ខេត្តកំពង់ស្ពឺ ៖ បុរសម្នាក់ត្រូវបានសមត្ថកិច្ចដេញប្រផាប់ចាប់ប្រភីងរហូតចាប់ខ្លួនបាន បន្ទាប់ពីស្ត្រីម្នាក់បានប្តឹងចោទប្រកាន់ថា បានចាប់ឱប និងស្ទាបអង្អែលរាងកាយគាត់ទាំងលើទាំងក្រោមកាលពីវេលាម៉ោង៩ និង២០នាទីយប់ ថ្ងៃទី១៨ ខែមករា ឆ្នាំ២០១៧ នៅកន្លែងលក់ដូរ២៤ម៉ោង ស្ថិតក្នុងភូមិក្រាំងពលទេព សង្កាត់រកាធំ ក្រុងច្បារមន ។
នគរបាលសង្កាត់រកាធំបានឲ្យដឹងថា ជនសង្ស័យឈ្មោះ ចាន់ មីនា ហៅ រ៉ា ភេទប្រុស អាយុ២៩ឆ្នាំ រស់នៅភូមិមុខខេត្ត សង្កាត់រកាធំ ក្រុងច្បារមន ចំណែកស្ត្រីរងគ្រោះឈ្មោះ ផ.ស.ភ.វ អាយុ៣១ឆ្នាំ មុខរបរលក់ដូរអីវ៉ាន់២៤ម៉ោង រស់នៅកន្លែងកើតហេតុ ។
ប្រភពពីកន្លែងកើតហេតុបានឲ្យដឹងថា ជនសង្ស័យជាម៉ូយដែលតែងតែទៅទិញអីវ៉ាន់នៅផ្សារ២៤ម៉ោងដែលស្ត្រីរងគ្រោះលក់ជាញឹកញាប់ ។ មុនពេលកើតហេតុប្រហែលជាជនសង្ស័យស្រវឹងស្រាបានចូលទៅចាប់ឱប និងស្ទាបអង្អែលរាងកាយស្ត្រីរងគ្រោះទាំងលើទាំងក្រោមតែម្តង ។
ប្រភពពីស្ត្រីរងគ្រោះបានឲ្យសមត្ថកិច្ចដឹងថា ខណៈគាត់កំពុងឈរលក់អីវ៉ាន់ស្រាប់តែជនសង្ស័យចូលទៅចាប់ឱបគាត់ពីក្រោយ រួចលូកស្ទាបទាំងលើ ទាំងក្រោម ពេលដែលគាត់រើបម្រះជននោះបានទះកំផ្លៀងគាត់ទៀតផង ទើបគាត់ប្តឹងសមត្ថកិច្ចឲ្យចាប់ខ្លួនតែម្តង ។
ប្រភពពីសមត្ថកិច្ចបានឲ្យដឹងថា បន្ទាប់ពីទទួលពាក្យបណ្ដឹងពីស្ត្រីរងគ្រោះដោយផ្ទាល់មាត់ សមត្ថកិច្ចបានចុះទៅចាប់ខ្លួនជនសង្ស័យនៅផ្សារ២៤ម៉ោងបានភ្លាមៗតែម្តង ។
ក្រោយពេលចាប់ខ្លួន ជនសង្ស័យត្រូវបានបញ្ជូនទៅអធិការដ្ឋាននគរបាលក្រុងច្បារមន ដើម្បីធ្វើការសាកសួរ និងចាត់ការតាមនីតិវិធីច្បាប់ ៕
ចែករំលែកព័តមាននេះ