អកុសលយុវជនឥណ្ឌា២នាក់ ពេលថត Selfie ជាមួយរថភ្លើង
ឥណ្ឌា ៖ តាមប្រភពពី NewsBeat Social បានឱ្យដឹងថា កាលពីថ្ងៃទី១៤ មករា កន្លងផុតទៅ យុវជនឥណ្ឌា២នាក់ ត្រូវបានរថភ្លើងកិនស្លា.ប់ ខណៈពេលកំពុងថតរូប Selfie ។
ឥណ្ឌា ៖ តាមប្រភពពី NewsBeat Social បានឱ្យដឹងថា កាលពីថ្ងៃទី១៤ មករា កន្លងផុតទៅ យុវជនឥណ្ឌា២នាក់ ត្រូវបានរថភ្លើងកិនស្លាប់ ខណៈពេលកំពុងថតរូប Selfie ។
ហេតុការណ៍ខាងលើ បានកើតឡើងនៅប៉ែកខាងកើតនៃទីក្រុងដេលី ។ ជនរងគ្រោះដែលស្លាប់ទាំង២នាក់នាក់ ត្រូវគេស្គាល់ម្នាក់ឈ្មោះ Yash Kumar អាយុ១៦ឆ្នាំ និងម្នាក់ទៀតឈ្មោះ Shubham អាយុ១៤ឆ្នាំ ។
តាមការរាយការណ៍បានឲ្យដឹងថា ពួកគេបាននៅជាមួយនឹងមិត្តភក្តិ៥នាក់ផ្សេងទៀត ថតរូប Selfie លេង ។ ប៉ូលិសបានប្រាប់មក The Indian Express ថា យុវជនទាំងអស់នោះ បានឃើញរថភ្លើងបើកសំដៅមកពួកគេ ។ ដោយឃើញដូចនេះ ទើបពួកគេគេចថយក្រោយ ដោយមិនបានមើលថា មានរថភ្លើងមួយខ្សែទៀត បើកមកបញ្ច្រាសទិសគ្នា ។ យុវជន២នាក់ខាងលើ ត្រូវបានរថភ្លើងបុកស្លាប់ ពេលលោតទៅផ្លូវដែកមួយទៀត ។
គួរបញ្ជាក់ផងដែរថា នេះមិនមែនជាលើកទីមួយទេ ដែលគ្រោះថ្នាក់មានការពាក់ព័ន្ធជាមួយការថតរូប Selfie។ នៅខែវិច្ឆិកា ក្រុមស្រាវជ្រាវជនជាតិអាមេរិក និងឥណ្ឌា រកឃើញថា គ្រោះថ្នាក់ដល់ជីវិតទាក់ទងជាមួយការថតរូប Selfie ចំនួន១២៧ករណីក្នុងពិភពលោក មាន៧៦ករណីហើយ ដែលកើតនៅប្រទេសឥណ្ឌា ។
ចែករំលែកព័តមាននេះ