រាជធានីភ្នំពេញ ៖ អ្នកគ្រូហុងស៊ុយមានប្រជាប្រិយភាពមួយរូប គឺអ្នកគ្រូ ណាលី ដែលបច្ចុប្បន្នកំពុងត្រូវបានមហាជនជាច្រើនជឿជាក់លើការទស្សទាយឆុតៗរបស់អ្នកគ្រូកន្លងមក មិនថា រឿងហុយស៊ុយ កាត់ឆុង ឬការទស្សទាយព្រឹត្តិការណ៍ធំៗនៅថ្ងៃអនាគតនោះទេ…
រាជធានីភ្នំពេញ ៖ អ្នកគ្រូហុងស៊ុយមានប្រជាប្រិយភាពមួយរូប គឺអ្នកគ្រូ ណាលី ដែលបច្ចុប្បន្នកំពុងត្រូវបានមហាជនជាច្រើនជឿជាក់លើការទស្សទាយឆុតៗរបស់អ្នកគ្រូកន្លងមក មិនថា រឿងហុយស៊ុយ កាត់ឆុង ឬការទស្សទាយព្រឹត្តិការណ៍ធំៗនៅថ្ងៃអនាគតនោះទេ បានបញ្ជាក់ថា អ្នកមានឆ្នាំ ខាល និងម្សាញ់ ត្រូវប្រុងប្រយ័ត្នរឿងមួយចំនួន ដែលអាចនាំគ្រោះដល់ខ្លួន។
ជាក់ស្តែង នាព្រឹកថ្ងៃទី១៧ ខែសីហា ឆ្នាំ២០២២នេះ អ្នកគ្រូបានទស្សទាយនៅលើបណ្តាញសង្គមហ្វេសប៊ុកអ្នកគ្រូថា «សូមប្រយ័ត្ន អ្នកដែលក្នុងតួររាសីមាន ខាល និងម្សាញ់ ក្នងរាសីមិនថាក្នុងតួរឆ្នាំ ខែ ថ្ងៃ រឺម៉ោង ចាប់ពីថ្ងៃទី ៧ សីហា ដល់ ៧ កញ្ញា ជាខែ វក សូមប្រយ័ត្ន រាសី ឆុង ៣ ត្រួត (ឆុងសាំហិង) » ។
អ្នកគ្រូបានទស្សទាញដូចខាងក្រោមនេះថា ៖
1/ ហាមប៉ះទិសឆុង ស្វានដំ ជួសជុល រុះរើផ្ទះ រឺបុកគ្រឹះ ( ទិសឆុងដែលមានឥទ្ធិពលខ្លាំងជាងគេ គឺទិសខាងជើង និងទិសខាងត្បូងឈៀងលិច)
2/ ប្រយ័ត្នមានបញ្ហាធំកើតឡើងដោយនឹកស្មានមិនដល់
3/ ប្រយ័ត្នមានជំលោះ រឺ បែកបាក់ក្នុងគ្រួសារ
4/ បើប៉ះទិសឆុងខ្លាំង តាមកំលាំងទិសឆុងច្រើនត្រួត អាចបាត់បង់ជីវិត រឺ បាត់បង់ការងារធំ បង់ខាតធំ
5/ ឆុង មានការលាបពណ៍ សំរាប់អ្នកដែលមាន ម្សាញ់ ក្នុង រាសី
សូមប្រយ័ត្ន នឹងតាំងស្មារតីអោយរឹងមាំ ក្នុងការតតាំង និងការឆុងលើកនេះ បើយើងមិនប្រយ័ត្នអាចនឹងធ្វើអោយយើងមានបញ្ហាធំ និងបាត់បង់ការងារធំៗ រឺបង់ខាតលុយធំ ។
សូមបញ្ជាក់ថា អ្នកគ្រូ ណាលី ជាគ្រូហុងស៊ុយល្បីឈ្មោះ និងតែងតែ មានមនុស្សម្នាជាច្រើនទៅរកអ្នកគ្រូ ដើម្បីជួយមើលហ៊ុយស៊ុយឱ្យ ខណៈពួកគេត្រូវការបើកហាង សង់ផ្ទះ ឬចេញប្រកបមុខរបរផ្សេងៗ ផងដែរ ។ ដោយថ្មីៗនេះ អ្នកគ្រូ ណាលី ក៏បានចេញមុខវែកញែកច្បាស់ៗតាមរយៈការបង្ហោះនៅលើគណនីហ្វេសប៊ុកផ្ទាល់ខ្លួនថា ហ៊ុងស៊ុយ មិនមែនជាជំនឿ ហើយក៏មិនមែនជារឿងងប់ងល់ដែរ ។
ជាចុងក្រោយ អ្នកគ្រូបន្ថែមថា បើប៉ះទិសឆុងដោយចៃដន្យ សូមប្រញ៉ាប់លាងស៊យចេញភ្លាម ៕
ចែករំលែកព័តមាននេះ