ជាទូទៅបុរសអាចនឹងប្រឈមបញ្ហាបាត់បង់សមត្ថភាពផ្លូវ ឬលិង្គមិនងើបរឹងដូចមុននៅពេលដែលពួកគេឈានចូលដល់វ័យចំណាស់ ។ យ៉ាងណាមិញថ្មីៗនេះនៅប្រទេសអង់គ្លេសត្រូវបានគេរកឃើញថា បុរសអាយុក្រោម៤០ឆ្នាំ
ជាទូទៅបុរសអាចនឹងប្រឈមបញ្ហាបាត់បង់សមត្ថភាពផ្លូវ ឬលិង្គមិនងើបរឹងដូចមុននៅពេលដែលពួកគេឈានចូលដល់វ័យចំណាស់ ។ យ៉ាងណាមិញថ្មីៗនេះនៅប្រទេសអង់គ្លេសត្រូវបានគេរកឃើញថា បុរសអាយុក្រោម៤០ឆ្នាំមានអត្រាប្រឈមបញ្ហាលិង្គមិនឡើងរឹងច្រើនជាងបុរសដែលមានវ័យចំណាស់ ។ យោងតាមលោកស្រី Samantha Evans អ្នកជំនាញសុខភាពផ្លូវភេទ បានឱ្យដឹងថា ស្ត្រេសគឺជាមូលហេតុចម្បងដែលបណ្តាលឱ្យបុរសប្រឈមនឹងកត្តាងាប់លិង្គ ក្នុងចំណោមហេតុផលជាច្រើនផ្សេងទៀតដូចជាជំងឺបេះដូង ទឹកនោមផ្អែម ឬការបាក់ទឹកចិត្ត ។
អ្នកស្រី Samantha Evans និយាយថា ៖ «បុរសមួយចំនួនអាចធ្វើឱ្យលិង្គរបស់ខ្លួនឡើងរឹងបានលុះត្រាតែមើលភាពយន្តអាសអាភាស និងការប្រើដៃជួយខ្លួនឯង ទើបលិង្គពួកគេអាចឡើងរឹងបានជាធម្មតា ប៉ុន្តែហាក់ជាទន់ខ្សោយទៅវិញនៅពេលដែលចាប់ផ្តើមរួមភេទជាមួយដៃគូ» ។ អ្នកស្រីបន្ថែមថា ហេតុផលទាំងនេះគឺបណ្តាលមកពីបញ្ហាស្ត្រេស ។ ព្រោះវាធ្វើឱ្យសរសៃឈាមរួមតូចដែលជាហេតុបណ្តាលឱ្យលំហូរឈាមត្រូវបានកាត់បន្ថយ ។
ម្យ៉ាងទៀតនៅពេលដែលបុរសមានអារម្មណ៍ស្ត្រេសច្រើននោះ វានឹងប៉ះពាល់ដល់ទំនាក់ទំនងស្នេហារបស់ពួកគេធ្វើឱ្យពួកគេបាត់បង់តម្រេកតណ្ហាក្នុងការរួមភេទ ។
ទោះជាយ៉ាងណាយោងតាមការសិក្សាស្រាវជ្រាវរបស់សាកលវិទ្យាល័យ Adelaide ប្រទេសអូស្ត្រាលីបានឱ្យដឹងថា បុរសដែលកំពុងជួបបញ្ហានេះអាចព្យាបាលបានដោយទទួលយកបំលាស់ប្តូររបៀបនៃការរស់នៅ និងជៀសវាងការប្រើប្រាស់ថ្នាំ ។ ការផ្លាស់ប្តូររបៀបរបបនៃការរស់នៅ និងកាត់បន្ថយស្ត្រេសត្រូវបានរួមបញ្ចូលទាំងការប្រឹក្សាយោបល់ជាមួយអ្នកជំនាញផ្លូវភេទ ផ្លូវចិត្ត រក្សាតុល្យភាពទម្ងន់របស់ខ្លួន ទទួលទានអាហារឱ្យបានត្រឹមត្រូវ និងធ្វើលំហាត់ប្រាណឱ្យបានទៀងទាត់ ជាពិសេសគឺបញ្ឈប់ការជក់បារី និងកាត់បន្ថយគ្រឿងស្រវឹង លិង្គនឹងមានសមត្ថភាពដូចដើម ៕
ចែករំលែកព័តមាននេះ