ស្រីស្អាត សេង រដ្ឋា ចោលឱកាសប្រឡងបវរកញ្ញា ខណៈទីផ្សារសម្តែងល្អប្រសើរ
- ភ្នំពេញ
សេង រដ្ឋា បានធ្វើអោយគេចាំថា ជាអតីតបវរកញ្ញា បានក្លាយជាម្ចាស់មកុដ Miss Grand Cambodia ហើយក្រោយមកក៏សម្រេចចិត្តបោះបង់ ដោយសារ
សេង រដ្ឋា បានធ្វើអោយគេចាំថា ជាអតីតបវរកញ្ញា បានក្លាយជាម្ចាស់មកុដ Miss Grand Cambodia ហើយក្រោយមកក៏សម្រេចចិត្តបោះបង់ ដោយសារ
រាជធានីភ្នំពេញ ៖ សេង រដ្ឋា បានធ្វើអោយគេចាំថា ជាអតីតបវរកញ្ញា បានក្លាយជាម្ចាស់មកុដ Miss Grand Cambodia ហើយក្រោយមកក៏សម្រេចចិត្តបោះបង់ ដោយសារមានហេតុផលក្នុងចិត្ត។ បន្ទាប់មកក៏លេចឮថា នាងអាចនឹងងាកមកប្រឡងឡើងវិញលើវេទិកាបវរកញ្ញាចក្រវាឡកម្ពុជា ២០២២។ ចុងក្រោយនាងមិនបង្ហាញខ្លួនក្នុងការប្រកួតប្រជែងឡើយ ។
ស្រីស្អាតរូបនេះ បែរជាឃើញបង្ហាញសម្រស់ក្នុងរបថថ្មី ជាតារាសម្តែងម្តង។ ចំណែកអ្នកគាំទ្រ បានសម្តែងនូវការសោកស្តាយ ដែលមិនបានឃើញតារារាងស្វែង សម្រស់បាន មុខមាត់ស្អាតរូបនេះ ចូលរួមដណ្តើមមកុដលើវេទិកា ប្រកួតបវរកញ្ញាណាមួយឡើងវិញ។ អ្នកតាមដាន រំពឹងថា នាងនឹងប្រជែងការប្រឡង Miss Universe ព្រោះអាចជាពេលនាងបានសាងការចាប់អារម្មណ៍ម្តងទៀត។
នៅទីបំផុតនាងមិនបានតបការចង់ឃើញ ការដើរកាច់រាងអេនអន លើឆាកដូចមុនឡើយ។ រដ្ឋា បានទទួលការងារភាគច្រើនជាតួសម្តែងនៅតាមសាច់រឿងភាគ។ នាងឃើញបង្ហាញស្នាដៃ តាមផលិតកម្មជាមួយតួអង្គឯកក្នុងផ្ទៃរឿង ហើយដាក់អារម្មណ៍បានយ៉ាងល្អ។ ដោយសារតែឃើញមានសមត្ថភាព ចូលតួបានច្រើនបែបបថ ទើបរុញអោយនាងជក់ចិត្តជាមួយការសម្តែង ជាប់ពីមួយរឿងទៅមួយរឿង មិនទាន់ដកឃ្លាមកប្រឡងទាំងជាប់កុងត្រាឡើយ។
អ្នកតាមដាន នៅចាំឃ្លាំមើល ហើយនូវតែគិតថា ពេលស្បើយការងារ ឬឆ្នាំក្រោយៗទៀត តារាសម្តែងរូបនេះនឹងប្តូរជំហរមកកាន់វិស័យបវរកញ្ញាម្តងទៀត។ ប្រសិនបើនាងវិលមកវិញមែននោះ ប្រាកដជាមានសមត្ថភាពល្អជាងមុន ព្រោះនាងឧស្សាហ៍ចេញជាឃ្លីបវីដេអូដើរបង្ហាញម៉ូដជូនហ្វេនៗបានឃើញ ដោយអ្នកណាៗក៏ថា ស្ទីលដើររបស់នាងប្រសើរជាងមុនល្អកាន់តែខ្លាំង ចូលលំដាប់ក្រុមបវរកញ្ញា តាមប្រទេសនីមួយៗប្រជែងគ្នា។
ចែករំលែកព័តមាននេះ