ផ្ដន្ទាទោសអ្នកលក់គ្រឿងញៀ.ន៥នាក់ ដាក់ពន្ធនាគារពី៦-៧ឆ្នាំ
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ នារសៀលថ្ងៃទី១៩ ខែមករា ឆ្នាំ២០១៧ បានប្រកាសសាលក្រមសម្រេចមដន្ទាទោសបុរសជនជាតិវៀតណាម២នាក់
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ នារសៀលថ្ងៃទី១៩ ខែមករា ឆ្នាំ២០១៧ បានប្រកាសសាលក្រមសម្រេចមដន្ទាទោសបុរសជនជាតិវៀតណាម២នាក់
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ នារសៀលថ្ងៃទី១៩ ខែមករា ឆ្នាំ២០១៧ បានប្រកាសសាលក្រមសម្រេចមដន្ទាទោសបុរសជនជាតិវៀតណាម២នាក់ និងយុវជនខ្មែរ៣នាក់ដាក់ពន្ធនាគារកំណត់ពី៤ឆ្នាំ ទៅ៧ឆ្នាំ ក្រោមការចោទប្រកាន់ពីបទជួញដូរសារធាតុញៀនខុសច្បាប់ បទសម្រួលអោយមានការប្រើប្រាស់សារធាតុញៀន និងបទប្រើប្រាស់សារធាតុញៀនខុសច្បាប់ តាមមាត្រា៤០ មាត្រា៤៤ និងមាត្រា៤៥ នៃច្បាប់ស្ដីពីការប្រឆាំងគ្រឿងញៀន។
ជនជាប់ចោទទាំង៥នាក់មាន ទី១.ឈ្មោះ ង្វៀង យ៉ាំងទី អាយុ៣២ឆ្នាំ ជនជាតវៀតណាម មានទីលំនៅមុនពេលចាប់ខ្លួនក្នុងសង្កាត់ផ្សារដើមថ្កូវ ខណ្ឌចំការមន ត្រូវផ្ដន្ទាទោសដាក់ពន្ធនាគារ៧ឆ្នាំ។ ទី២.ឈ្មោះ ពេជ្រ គឹមហួរ ហៅអាវ៉ា អាយុ១៧ឆ្នាំ ជនជាតិវៀតណាម ត្រូវដាក់ព្ធនាគារ៤ឆ្នាំ។ ទី៣. ឈ្មោះ ហេង ពន្លឺរាជ អាយុ១៨ឆ្នាំ ត្រូវដាក់ពន្ធនាគារ៦ឆ្នាំ។ ទី៤.ឈ្មោះ គង់ រាជ្រ អាយុ២៤ឆ្នាំ ត្រូវដាក់ពន្ធនាគារ៦ឆ្នាំ។ ទី៥.ឈ្មោះ ទី ម៉ៅ ហៅអាខ្មៅ អាយុ១៨ឆ្នាំ ត្រូវដាក់ពន្ធនាគារ៦ឆ្នាំ ។
ជនជាប់ទាំង៥នាក់ត្រូវបានព្រះរាជអាជ្ញាអមសាលាដំបូងចោទប្រកាន់ពីបទ ជួញដូរសារធាតុញៀនខុសច្បាប់ បទសម្រួលអោយមានការប្រើប្រាស់សារធាតុញៀន និងបទប្រើប្រាស់សារធាតុញៀនខុសច្បាប់ តាមមាត្រា ៤០ មាត្រា៤៤ និងមាត្រា៤៥ នៃច្បាប់ស្ដីពីការប្រឆាំងគ្រឿងញៀន ប្រព្រឹត្តកាលពីថ្ងៃទី ១៨ ចែសីហា ឆ្នាំ ២០១៦ នៅចំណុចដីឡូត៍ផ្លូវលេខ១៧២ សង្កាត់ផ្សារដើមថ្កូវខណ្ឌចំការមន ។ អង្គហេតុដែលបណ្ដាលអោយមានការចាប់ខ្លួនក្រុមជនសង្ស័យទាំង៥នាក់ គឺកាលពីថ្ងៃទី ១៥ សីហា ឆ្នាំ ២០១៦ សមត្ថកិច្ចបានបើកប្រត្តិបត្តិការបង្ក្រាបបទល្មើគ្រឿងញៀននៅចំណុចដីឡូត៍ក្នុងសង្កាត់ផ្សារដើមថ្កូវដោយចាប់បានមនុស្សប្រុសស្រី មានវៀតណាម ខ្មែរចំនួន១៣នាក់ ។
ក្នុងចំណោមជនសង្ស័យទាំង១៣នាក់មានអ្នកប្រើប្រាស់គ្រឿងញៀន៧នាក់ត្រូវបានបញ្ជូនទៅមណ្ឌលបន្សាបគ្រឿងញៀន ចំណែកជនសង្ស័យ៥នាក់ខាងលើនេះ ត្រូវបានកសាងសំណុំរឿងបញ្ជូនមកកាន់តុលាការដោយសារពួកគេបានប្រព្រឹត្តបទល្មើសលក់ចែកចាយគ្រឿងញៀន សម្រួលឲ្យប្រើ និងប្រើប្រាស់គ្រឿងញៀនខ្លួនឯងតែម្ដង។ ក្នុងការបង្ក្រាបនោះសមត្ថកិច្ចបានរឹបអូសគ្រឿងញៀនមេតំហ្វេតាមីនចំនួន៨កញ្ចប់ធំ ជញ្ជីងថ្លឹងថ្នាំ សំបកវេចខ្ចប់ ដាវ២ដើម ចំពុះទង់កាំភ្លើង១ ដបប្រើគ្រឿងញៀន៨ដប និងសម្ភារផ្សេងៗទៀត ។
ក្នុងសវនាការពួកជនជាប់ទាំង៥នាក់សុទ្ធតែបានបដិសេធថាពួកគេមិនមែនជាអ្នកលក់គ្រឿងញៀនទេ គ្រាន់តែជក់និងរៀបចំឲ្យគេជក់ប៉ុណ្ណោះ។ ផ្ទុយពីចម្លើយបដិសេធ ពួកជនជាប់ចោទមិនមានភស្តុតាងដោះបន្ទុកទេ ។ លោក តុប ឈុនឡុង ព្រះរាជអាជ្ញារងអមសាលាដំបូងបានធ្វើសេចក្ដីសន្និដ្ឋានតម្កល់នូវបទចោទលើជនជាប់ចោទឲ្យនៅជាធរមាន និងសំណូមពរឲ្យតុលាការផ្ដន្ទាទោសលើជនជាប់ចោទឲ្យបានធ្ងន់ធ្ងរដោយសារពួកជនត្រូវចោទប្រព្រឹត្តបទល្មើសមិនរាងចាល ឆ្លើយកុហកតុលាការ ការពារជនត្រូវចោទក្នុងការប្រព្រឹត្តបទល្មើសគ្រឿងញៀន ៕
ចែករំលែកព័តមាននេះ