លោកវ៉ាង ដេស៊ុន អាយុ៨០ឆ្នាំ ជាតារាបង្ហាញម៉ូដ និងតារាសម្តែងជនជាតិចិនបានបង្ហាញពីគោលគំនិតរបស់ខ្លួនចង់រស់នៅប្រកបដោយភាពកក់ក្តៅក្នុងពេលបច្ចុប្បន្ន ។ កាលពី២ឆ្នាំមុន លោកវ៉ាង ដេស៊ុន
លោកវ៉ាង ដេស៊ុន អាយុ៨០ឆ្នាំ ជាតារាបង្ហាញម៉ូដ និងតារាសម្តែងជនជាតិចិនបានបង្ហាញពីគោលគំនិតរបស់ខ្លួនចង់រស់នៅប្រកបដោយភាពកក់ក្តៅក្នុងពេលបច្ចុប្បន្ន ។ កាលពី២ឆ្នាំមុន លោកវ៉ាង ដេស៊ុន ចាប់ផ្តើមល្បីល្បាញក្នុងពិធីបង្ហាញម៉ូដ «China Fashion Week» ពេលមានអាយុ៧៩ឆ្នាំ ។
ចាប់តាំងពីពេលនោះមក សិល្បកររៀមច្បងវ៉ាង ដេស៊ុន ក្លាយជាមនុស្សល្បីនៅប្រទេសចិន ដោយលោកមានការងារសម្តែងច្រើន និងជាកម្លាំងចិត្តដល់មនុស្សជំនន់ក្រោយ។ ជាចុងក្រោយនេះ លោកមានឱកាសចូលរួមក្នុងកម្មវិធី «The 1,3 Billion » របស់ LGTN ដែលរៀបរាប់ពីខ្សែជីវិតជនជាតិចិនជាច្រើនរូប ។
លោកវ៉ាង ដេស៊ុន ធំធាត់ក្នុងក្រុមគ្រួសារក្រីក្រ និងនៅពេញវ័យត្រូវធ្វើការជាកម្មករជួសជុលកាំភ្លើងក្នុងរោងចក្ររបស់កងទ័ពអស់រយៈពេលប្រហែល១០ឆ្នាំ ក្រោយមកមានឱកាសផ្លាស់ទៅប្រចាំការក្នុងផ្នែកសិល្បៈសម្តែងរបស់កងទ័ព រួមទាំងព្យាយាមរៀនភាសាអង់គ្លេសរហូតមានឱកាសបានសិក្សាបន្តក្នុងមហាវិទ្យាល័យ ។ នៅពេលមានអាយុ៥០ឆ្នាំ គាត់ក្លាយជាសិល្បករបានទទួលស្គាល់គ្រប់ទិសទី ។
សិល្បៈនៃការសម្តែងរបស់លោកវ៉ាង ដេស៊ុន ត្រូវប្រើភាពស្ទាត់ជំនាញផ្នែកកាយវិការនិងនៅពេលមានអាយុច្រើនលោកមិនអាចប្រតិបត្តិបែបនេះបានទៀតទេ ។ ទោះជាយ៉ាងណាក៏ដោយនៅពេលអាយុ៦៧ឆ្នាំ លោកចាប់ផ្តើមទទួលសម្តែងភាពយន្តជាលើកដំបូង និងមានឱកាសចូលរួមសម្តែងភាពយន្ត ល្បីៗជាច្រើនរឿង រួមទាំងដើរតួដ៏លេចធ្លោក្នុងរឿង «Miss Granny» អាចរកចំណូលបានយ៉ាងច្រើន ។ លុះមកដល់អាយុ៨០ឆ្នាំ ទើបមានឱកាសធ្វើជាតារាបង្ហាញម៉ូដ និងបញ្ជាក់ថា «ខ្ញុំនៅមិនទាន់ឈប់ពីការងារនៅឡើយទេ» ៕
ចែករំលែកព័តមាននេះ