យើងទាំងអស់គ្នាដឹងថា ឈាមរបស់យើងមានពណ៌ដូចគ្នា ប៉ុន្តែយើងមានឈាមប្រភេទផ្សេងៗគ្នានៅក្នុងខ្លួនយើង។ ឈាមមាន៤ប្រភេទគឺប្រភេទ A , B , AB និងប្រភេទ O ។ តើលោកអ្នកពិតជាត្រូវការដឹងអំពីប្រភេទនៃក្រុមឈាមរបស់លោកអ្នកដែរឬទេ? តើវាអាចជួយលោកអ្នកបានយ៉ាងដូចម្តេច? មានអត្ថប្រយោជន៍មួយចំនួន ប្រសិនបើលោកអ្នកដឹងអំពីប្រភេទនៃក្រុមឈាមដែលមានក្នុងខ្លួនរបស់លោកអ្នក ។
១-ប្រតិកម្ម
មនុស្សដែលមានក្រុមឈាមប្រភេទខ្លះអាចមានបញ្ហាប្រឈមនឹងភាពតានតឹងលឿនជាងអ្នកដែលមានក្រុមឈាមដទៃទៀត (ឧទាហរណ៍ ក្រុមឈាមប្រភេទ O) ។ ដូច្នេះ ប្រសិនបើលោកអ្នកដឹងពីក្រុមឈាម គឺលោកអ្នកអាចដឹងពីវិធីជៀសវាងពីភាពតានតឹង និងសម្រាក ។
២-បញ្ហាសុខភាព
ក្រុមឈាមនីមួយៗប្រឈមមុខទៅនឹងបញ្ហាសុខភាពផ្សេងៗគ្នា ។ ប្រសិនបើលោកអ្នកដឹងពីប្រភេទនៃឈាម លោកអ្នកនឹងអាចធ្វើការស្រាវជ្រាវលើលក្ខខណ្ឌសុខភាព ដែលលោកអ្នកត្រូវមានការប្រុងប្រយ័ត្ន ។
៣-បុគ្គលិកលក្ខណៈ
ក្រុមឈាមនីមួយមានលក្ខណសម្បត្ដិផ្សេងៗគ្នា ។ ឧទាហរណ៍ មនុស្សដែលមានក្រុមឈាមប្រភេទ A ជាទូទៅជាអ្នកចូលចិត្តសិល្បៈ និងសន្តិភាព។ ចំណែកឯអ្នកដែលមានឈាមប្រភេទ O មានទំនាក់ទំនងក្នុងសង្គមច្រើន មានទំនុកចិត្ត និងគំនិតច្នៃប្រឌិត ។ អ្នកដែលមានក្រុមឈាមប្រភេទ B គឺខ្លាំង និងឯករាជ្យ រីឯអ្នកដែលមានក្រុមឈាមប្រភេទ AB អាចជឿទុកចិត្តបាន ខ្មាសអៀន ជាមនុស្សយកចិត្តទុកដាក់ និងមានការទទួលខុសត្រូវ ។
៤-ការធាត់
ក្រុមឈាមប្រភេទខ្លះងាយដុះក្បាលពោះលឿនជាងក្រុមឈាមនៅក្រុមផ្សេង ។ ឧទាហរណ៍ ក្រុមឈាមប្រភេទ O ងាយក្នុងការកើនឡើងខ្លាញ់ក្បាលពោះ ចំណែកអ្នកដែលមានឈាមប្រភេទ A កម្រនឹងមានបញ្ហានេះណាស់ ៕
ចែករំលែកព័តមាននេះ