រាល់ការប្រកួតប្រជែងតែងមានអ្នកឈ្នះ និងអ្នកចាញ់ តែងមានអ្នកជាប់ទៅវគ្គបន្ត ឬអ្នកធ្លាក់ត្រឹមវគ្គណាមួយនៃការប្រកួត។ តួយ៉ាងកម្មវិធីប្រឡងចម្រៀងលំដាប់ថ្នាក់ពិភពលោក Cambodian idol រដូវកាលទី៤ ក្នុងសប្ដាហ៍ទី៥ កន្លងទៅនេះ ប្រិយមិត្តអ្នកគាំទ្រ ក៏ដូចជា
រាជធានីភ្នំពេញ ៖ រាល់ការប្រកួតប្រជែងតែងមានអ្នកឈ្នះ និងអ្នកចាញ់ តែងមានអ្នកជាប់ទៅវគ្គបន្ត ឬអ្នកធ្លាក់ត្រឹមវគ្គណាមួយនៃការប្រកួត។ តួយ៉ាងកម្មវិធីប្រឡងចម្រៀងលំដាប់ថ្នាក់ពិភពលោក Cambodian idol រដូវកាលទី៤ ក្នុងសប្ដាហ៍ទី៥ កន្លងទៅនេះ ប្រិយមិត្តអ្នកគាំទ្រ ក៏ដូចជាទស្សនិជនប្រាកដជាទទួលជ្រាបច្បាស់រួចមកហើយថា មានបេក្ខជន៩នាក់ប្រកួតប្រជែង តែក្នុងនោះមានតែបេក្ខជន៦រូបប៉ុណ្ណោះដែលត្រូវបានជាប់ ដើម្បីបន្តទៅវគ្គខាងមុខ ដណ្តើមពានរង្វាន់ជាម្ចាស់ជ័យលាភីនៃការប្រកួតចម្រៀងដ៏ធំមួយនេះ។ រីឯបេក្ខជន៣នាក់ទៀតត្រូវបានចាកចេញពីកម្មវិធី ដោយសារតែទទួលបានសម្លេងឆ្នោតតិចពីអ្នកមហាជន។
យ៉ាងណាមិញ ការចាកចេញរបស់បេក្ខជនទាំង៣រូប ពីកម្មវិធីប្រកួតចម្រៀង Cambodia Idol នាពលេនេះ គឺមិនមែនមកពីសមត្ថភាពរបស់ពួកគាត់អន់នោះឡើយ ហើយក៏មិនមែនមកពីគណៈកម្មការ ឬកម្មវិធីទម្លាក់នោះដែរ តែដោយសារតែលក្ខខណ្ឌរបស់កម្មវិធីពីមួយវគ្គទៅមួយវគ្គ គឺត្រូវតែជម្រុះបេក្ខជនចេញ តាមរយៈការបោះឆ្នោតពីមហាជនសម្រាប់បេក្ខជននីមួយៗ។ ត្រង់នេះមានន័យថា បេក្ខជន៣នាក់ដែលទទួលបានសារសំឡេងតិចជាងគេនឹងត្រូវចាកចេញពីកម្មវិធីប្រឡងចម្រៀងមួយនេះផងដែរ។
ដោយឡែក ក្រឡេកមកមើលបេក្ខជនដែលត្រូវបានឡើងទៅកាន់វគ្គបន្តទាំង៦រូបមានដូចជា បេក្ខជន លីម តិចម៉េង បុរសសង្ហារមកពីខេត្តកំពង់ចាម ដែលតែងតែផ្តល់នូវស្នាមញញឹមដល់ហ្វេនៗ បន្ទាប់មកគឺបេក្ខជន ថុល សុភិទិ បេក្ខជន នាង ដាវីន លោកដុកទ័ររូបសង្ហារ ស៊ឹម ច័ន្ទពន្លឺ បេក្ខជន ណាន វីសារ និងបេក្ខនារីចុងក្រោយឈ្មោះ មាស នីតា។ អ្នកទាំង៦ រូប នឹងត្រូវឡើងសង្វៀនប្រកួតជាបន្តបន្ទាប់ទៀត។
រីឯបេក្ខជន៣រូប ដែលត្រូវបានចាក់ចេញពីកម្មវីធី និងជម្រាបលាគណៈកម្មការ និងហ្វេនៗទាំងទឹកភ្នែក មានដូចជា បេក្ខជន ផាន គីមសុង បេក្ខជនរូបនេះដែលមានសមត្ថភាពខ្ពស់ក្នុងការបកស្រាយបទចម្រៀងនីមួយៗសម្លេងដ៏ក្រអួនក្រអៅរបស់លោក ជាពិសេសសម្លេងបេក្ខជនរូបនេះ ដូច ឧកញ៉ា ព្រាប សុវត្ថិ បេះដាក់តែម្ដង។ ចំណែកបេក្ខជនម្នាក់ទៀត គឺឈ្មោះ ឡាច ណុច។ ឡាច ណុច ឯណេះវិញ សមត្ថភាពលោកក៏មិនធម្មតាដែរ ជាមួយសម្លេងដ៏សែនពីរោះក្នុងការបកស្រាយបទចម្រៀងនីមួយៗ ដែលលោកក៏ទទួលបបានការគាំទ្រខ្លាំងពីទស្សនិជនផងដែរ។ ចំណែកឯបេក្ខជនទី៣ គឺ លី ប៊ីលី ក៏ធ្លាក់ពីការប្រកួតដូចគ្នា ដោយបេក្ខជនទាំង៣រូបសុទ្ធតែមានសមត្ថភាពក្នុងការបកស្រាយបទបានយ៉ាងល្អរៀងៗខ្លួន តែអ្វីដែលសោកស្ដាយ បើទោះបីជាពួកគេទាំង៣នាក់ មានសមត្ថភាព និងសម្លេងល្អក៏ពិតមែន តែពួកគាត់មិនអាចទទួលបានសម្លេងគាំទ្រពីមហាជនបានច្រើន ទើបធ្វើឱ្យពួកគាត់ទទួលបានសារសំឡេងតិចជាងបេក្ខជនទាំង៦រូបផ្សេងទៀត។
ដោយឡែកទៀតសោត ក្រោយខ្លួនត្រូវបានចាកចេញពីកម្មវិធីប្រឡងចម្រៀង ឡាច ណុច និង លីប៊ី បានត្រឹមបង្ហាញអារម្មណ៍ជាមួយសំណេរខុសៗគ្នា និងសុំទោសមហាជនដែលខ្លួនមិនអាចឡើងទៅវគ្គបន្តបាន។
ជាក់ស្ដែង បេក្ខជន ឡាច ណុច បានត្រឹមបង្ហោះសំណេរបង្ហាញអារម្មណ៍របស់ខ្លួននៅលើបណ្ដាញសង្គមថា «សុំទោសពុកម៉ែបងប្អូនដែលតែងតែស្រលាញ់ចូលចិត្តខ្ញុំបាទ តាំងពីដំបូងមកអរគុណណាស់ ថ្ងៃនេះឲខ្ញុំសុំទោសផង»។ ឡាច ណុច បានបន្តថា «ថ្ងៃណាមួយខ្លួននឹងព្យាយាមម្ដងទៀត ប្រសិនបើមានឱកាស»។
ងាកមកមើលសំណេររបស់បេក្ខជន លីប៊ីលី ឯណេះវិញ បានបង្ហាញពាក្យពេចន៍ក្នុងដួងចិត្តរបស់លោកទៅដល់ពុកម៉ែបងប្អូនដែលស្រឡាញ់និងគាំទ្រ តាមរយៈវីដេអូខ្លីប្រមាណជាង៥នាទី ដោយលើកឡើងថា ៖
ចែករំលែកព័តមាននេះ