រូបភាពបង្ហាញពីរថក្រោះថ្មីរុស្ស៊ី T-90 M ត្រូវបានចេញផ្សាយជាលើកដំបូងតាមអីុនធើរណេត ។ រថក្រោះថ្មីនេះ ដែលជាការកែប្រែឱ្យកាន់តែទំនើបរថក្រោះមុនៗធុន T-90 បំពាក់ដោយបណ្តាបច្ចេកវិទ្យាយោធារុស្ស៊ីដែលជឿនលឿនបំផុត ។
រូបភាពបង្ហាញពីរថក្រោះថ្មីរុស្ស៊ី T-90 M ត្រូវបានចេញផ្សាយជាលើកដំបូងតាមអីុនធើរណេត ។ រថក្រោះថ្មីនេះ ដែលជាការកែប្រែឱ្យកាន់តែទំនើបរថក្រោះមុនៗធុន T-90 បំពាក់ដោយបណ្តាបច្ចេកវិទ្យាយោធារុស្ស៊ីដែលជឿនលឿនបំផុត ។
ការិយាល័យស្រាវជ្រាវបច្ចេកទេសដឹកជញ្ជូនតំបន់អ៊ូរ៉ាល់ ជាសាខាមួយរបស់ក្រុមហ៊ុន URALVAGONZAVOD បានចេញផ្សាយជាលើកដំបូងរូបភាពនៃរថក្រោះ T-90 ដែលកែប្រែឱ្យទំនើបដាក់ឈ្មោះថា រថក្រោះ T-90 M សម្រាប់កងទ័ពរុស្ស៊ី ។
រូបភាពនោះថតសម្រាប់ប្រតិទិនរបស់សហគ្រាស URALVAGONZAVOD ត្រូវបានផ្សាយតាម TWITTER ។ រថក្រោះធុន T-90 M ដែលបង្កើតឡើងក្នុងក្របខណ្ឌគម្រោង «PRORYV-3» បង្ហាញពីលក្ខណៈទំនើបជាងរថក្រោះមុន T-90 AM នៃគម្រោង «PRORYV-2» និងរថក្រោះសម្រាប់នាំចេញធុន T-90 S ដែលបង្ហាញជាសាធារណៈជាលើកដំបូងកាលពីឆ្នាំ២០១១ ។
រថក្រោះដែលកែប្រែឱ្យទំនើបមានជាពិសេសនូវប៉មប្រភេទថ្មី ។ ពេលនេះទីតាំងផ្ទុកគ្រាប់រំសេវដាក់នៅពីខាងក្រៅបន្ទប់របស់ក្រុមយានិក ដែលផ្តល់សុវត្ថិភាពកាន់តែខ្លាំងដល់ក្រុមយានិក ។
រថក្រោះ T-90 M ក៏បំពាក់ផងដែរ ប្រព័ន្ធត្រួតពិនិត្យការបាញ់ធុន KALINA ដែលអាចធ្វើសមាហរណកម្មរថក្រោះប្រយុទ្ធនេះ ទៅក្នុងបណ្តាញព័ត៌មានវិទ្យាឯកភាពមួយ ដែលសមស្របទៅនឹងលទ្ធិសង្គ្រាមបណ្តាញ NETWORK CENTRIC WARFARE ។
រថក្រោះធុននេះក៏បំពាក់ប្រព័ន្ធតម្រង់ពហុកាណាល់ដែលរួមមាន TELEMETRE LASER មួយ THERMOVISEUR មួយ និង TELEVISEUR មួយ ដែលជួយបង្កើនលទ្ធផលបាញ់ត្រង់ចំគោលដៅរបស់កាណុងទំនើបរបស់វា 2A 46M-5 ជាមួយឡតគ្រាប់ស្វ័យប្រវត្តិថ្មីមួយ ។
រថក្រោះថ្មីរបស់រុស្ស៊ីនេះក៏រត់បានលឿន និងស្រួលប្រើបំផុតដោយសារម៉ាស៊ីនកម្លាំង១.១៣០សេះ ។ និយាយរួមមក រថក្រោះ T-90 M ជារថក្រោះកែប្រែឱ្យកាន់តែទំនើបនៃរថក្រោះ T-90 មុនៗតាមការទាមទាររបស់កងទ័ពរុស្ស៊ី ។
រថក្រោះ T-90 រុស្ស៊ីបង្ហាញពីប្រសិទ្ធភាពជាក់ស្តែងក្នុងការប្រយុទ្ធនៅស៊ីរី ។ រថក្រោះប្រភេទនេះ ត្រូវបានដាក់ពង្រាយនៅឯមូលដ្ឋានអាកាសចរណ៍ HMEIMIM ស៊ីរី ដើម្បីការពារបណ្តាយន្តហោះរុស្ស៊ី ។ ក្នុងការប្រយុទ្ធជាមួយពួកជីហាដរថក្រោះទាំងនេះអាចទប់ទល់បានការវាយប្រហារដោយមីស៊ីលប្រឆាំងរថក្រោះ ដែលទោះជាបាញ់ត្រូវក៏នៅអាចបន្តប្រតិបត្តិការបាន ៕
ចែករំលែកព័តមាននេះ