AFP កាលពីពេល ថ្មីៗកន្លងមកផ្សាយថា រឿងក្តីលែងលះរបស់លោក Johnny Depp អាយុ៥៣ឆ្នាំ និងនាង Amber Heard អាយុ៣០ឆ្នាំ ជាប្តីប្រពន្ធតារាសម្តែងបានចប់សព្វគ្រប់ហើយ បន្ទាប់ពីមានភាពខ្ទរខ្ទារនាពេលកន្លងមក ។
ក្នុងឯកសារបណ្តឹងនៅតុលាការឡូសអេនចឺឡេស បានបង្ហាញការបែងចែកទ្រព្យសម្បត្តិនិងកិច្ចព្រមព្រៀងរបស់លោក Depp ចេញប្រាក់ចិញ្ចឹមកូនដល់នាង Heard ចំនួន៧លានដុល្លារ តែប្រាក់នោះនាង Amber Heard ថានឹងបរិច្ចាគដល់សប្បុរសធម៌ ។ នាង Heard បានប្តឹងលែងលះកាលពីខែឧសភា ឆ្នាំ២០១៦ ក្រោយពីពួកគេរៀបការបាន១៥ខែ ។ ប៉ុន្មានថ្ងៃកន្លងមក តុលាការបានអនុម័តចេញបម្រាម Deppចូលជិត និងហាមទាក់ទងនាងAmber Heard ជាបណ្តោះអាសន្នតាមការស្នើសុំរបស់នាង ។ នៅក្នុងឯកសាររបស់អ្នកទាំង២ បញ្ជាក់ថា លោក Depp នៅមានសិទ្ធិគ្រប់គ្រងអចលនទ្រព្យទាំងអស់តែម្នាក់ឯង រួមទាំងសំណង់ជាច្រើនកន្លែងនៅឡូសអេនចឺឡេស, ប៉ារីស និងកោះផ្ទាល់ខ្លួននៅបាហាម៉ាស់។ ក្រៅពីនេះមានសិទ្ធិកាន់កាប់យានយន្តចំនួន៤០គ្រឿង ដោយក្នុងនោះមានទាំងអូប៊័រ ជាច្រើនគ្រឿង ។
លោកDepp ចំណាយប្រាក់លើការព្រមព្រៀងរឿងក្តីមកដល់ពេលនេះចំនួន២០០.០០០ដុល្លារ និងជាភាគីចំណាយតាមផ្លូវច្បាប់ ពាក់ព័ន្ធពីរឿងក្តីទាំងអស់ដែលនៅសល់ ។
ចំណែកនាង Heard ប្រកាសថា នឹងបែងចែកប្រាក់បញ្ចប់រឿងក្តីចំនួន៧លានដុល្លារចេញជា២ផ្នែក គឺបរិច្ចាគផ្នែកសប្បុរសធម៌ ដល់សហគមន៍ពលរដ្ឋឯករាជ្យអាមេរិក និងមន្ទីរពេទ្យកុមារឡូសអេនចឺឡេស ៕
ចែករំលែកព័តមាននេះ