កាលពីរាត្រីយប់ថ្ងៃអាទិត្យ ទី១៤ ខែសីហា ឆ្នាំ២០២២នេះ នាពេលកន្លងទៅនេះ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី០៤ បានឈានចូលមកដល់វគ្គ
រាជធានីភ្នំពេញ ៖ កាលពីរាត្រីយប់ថ្ងៃអាទិត្យ ទី១៤ ខែសីហា ឆ្នាំ២០២២នេះ នាពេលកន្លងទៅនេះ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី០៤ បានឈានចូលមកដល់វគ្គ Live Show សប្ដាហ៍ទី០៥ហើយ ក្រោយពីមានការប្រកួតប្រជែងយ៉ាងស្វិតស្វាញនៅបេក្ខជនចំនួន៦រូប ទទួលបានការគាំទ្រយ៉ាងខ្លាំងក្លាពីសំណាក់ប្រិយមិត្តអ្នកគាំទ្រ ។
ដោយនៅក្នុងសប្ដាហ៍ទី០៥នេះដែរ មានបេក្ខជនប្រកួតប្រជែងទាំងអស់ចំនួន០៩រូប ហើយនៅរាត្រីនោះ បេក្ខជន០៣រូបដែលទទួលបានការបោះឆ្នោតគាំទ្រតិចជាងគេនឹងត្រូវធ្លាក់ចេញពីកម្មវិធី ។ ក្នុងចំណោមបេក្ខជន៣នាក់ ដែលត្រូវខ្ទាតចេញពីកម្មវិធីនោះក៏មានបេក្ខជនជើងខ្លាំង ផាន់ គីមសុងផងដែរ ដោយរាត្រីនោះ គាត់បានចាកចេញពីកម្មវិធី ហើយមិនអាចបន្តទៅមុខបានទៀតទេ ព្រោះទទួលបានសម្លេងបោះឆ្នោតតិចជាងគេ។ ចំណែកឯលោកគ្រូពេទ្យ ស៊ឹម ចន្ទពន្លឺ នៅតែអាចបន្តដំណើរទៅមុខបាន ព្រោះគាត់ទទួលបានសម្លេងបោះឆ្នោតគាំទ្រច្រើនពីទស្សនិកជន។
ក្នុងនោះ ក្រោយឃើញបេក្ខជនជើងខ្លាំង០៣រូប ខ្ទាតចេញពីកម្មវិធី តែសម្រាប់លោកគ្រូពេទ្យ បែរជាជាប់ មានអីស្រាប់តែតារាកំពូលទើស លោក ម៉ៃ សុគន្ធ ក៏ចេញមុខមកដាក់ប៉ុន្មានម៉ាត់ថា «សូមបងប្អូនបោះឆ្នោត មេត្តាបោះឆ្នោតមើលលើសមត្ថភាព សំលេង កុំបោះទៅលើរូបសម្រស់ណា ហេតុអីគ្រូពេទ្យត្រូវបានជាប់ទៅវគ្គបន្តទាំងដែលការច្រៀងអន់ខ្លាំងជាងបេក្ខជន៣នាក់ដែលបានចាកចេញ? សំរាប់ខ្ញុំគ្រូពេទ្យវគ្គនេះច្រៀងបទបែបមនោសញ្ចេតនា របៀបខ្មែរ គឺ Zero ៖ ១- ច្រៀងមិនច្បាស់អក្ខរាវិរុទ្ធ( ច្រៀងសូរ ហ្សូវ បែបអ្នកជិតខាង) ២- ច្រៀងមិនស្មើគ្រាប់តុងភ្លេង ៣- ច្រៀងភ្លាត់ៗ ៤- ច្រៀងគ្មានមនោសញ្ចេតនា ៥- ច្រៀង ដោយគ្មានទំនុកចិត្ត ភ្លេងទៅដោយភ្លេង ច្រៀងទៅដោយច្រៀង មិនចូលគ្នា ៦- គ្មានអឺន គ្មានថ្នម ដល់ពេលថ្នម ថ្នមពេក ឡើង ភ្លាវតុង ៧- ដង្ហើមខ្លីច្រៀងអោយតែបានៗ សូមបងប្អូនមេត្តា បោះឆ្នោត រកអ្នកមានសំលេងពីរោះប្លែកមានតែមួយ មកកាន់ពានណា ព្រោះជាពានលំដាប់ ពិភពលោក កុំអោយខ្មាស់ប្រទេសជិតខាងយើង»។
ក្រោយពេលបានឃើញដូច្នេះហើយ ក៏មានអ្នកចូលទៅខមិនថា «មិនមែនប្រឡងសំលេងទេ គឺប្រឡងរូបសម្រស់បង» «និយាយត្រូវណាស់បង គាំទ្រពេញមួយទំហឹងម៉ង អ្នកដែលច្រៀងមានទឹកដម និងមានមនោសញ្ចេតនាទៅជាធ្លាក់ ឯអ្នកច្រៀងគ្មានទឹកដមអីបន្តិចសោះទៅជាជាប់វិញ បើម្នាក់ស្រីនោះវិញចប់ម៉ង ច្រៀងៗចង់ផុតៗខ្យល់ ចេះអោយជាប់ទៀត អត់យល់ បើពេទ្យអីគេថា សង្ហារគ្រប់គ្នា ហើយចេកចេក នឹងច្រៀងរកកន្លែងពីរោះគ្មានឃើញទេ ស្ដាយបេក្ខជនទាំង៣នាក់យប់មិញខ្លាំងណាស់ មិនគួរណាអោយគាត់ធ្លាក់សោះ សេដម៉ង!» «អ្នកសម្លេងពីរោះតែសម្រស់មិនសូវស្អាតធ្លាក់ អ្នកសម្លេងមិនពីរោះតែបានសម្រស់ស្អាតជាប់ទៅវិញសុំអត់យល់» «អ្នកច្រៀងពីរោះធ្លាក់អស់ហើយ សោកស្ដាយណាស់ តែគាត់ច្រៀងមិនកើតជាប់រហូត» «កម្មវិធីប្រឡងរូបសម្រស់ អាណិតគ្នាដែលច្រៀងពីរោះណាស់»។
ហើយក៏មានអ្នកខ្លះទៀតចូលទៅបញ្ចេញមតិថា «សម្រាប់ខ្ញុំគិតថា គាត់ច្រៀងពីរោះ តើអ្នកមានអីមកវាស់ថាគាត់ច្រៀងអន់កុំ bully គាត់អី គាត់មិនបានធ្វើអ្នកទាំងអស់គ្នា គួរតែសរសើរគាត់ទៅ ដែលគាត់ប្រឹងប្រែងច្រៀងល្អបានប៉ុណ្ណេះក្នុងសប្តាហ៍នេះ មិចចូលចិត្តនិយាយតែរឿងសម្រស់ តាមពិតគាត់ក៏មានចំណុចល្អដែលតើ ការច្រៀងរបស់គាត់ក្នុងសប្តាហ៍នេះ គឺល្អគួរអោយតម្លៃ កុំវា.យតម្លៃគាត់តាមតែអារម្មណ៍ស្អប់ ភាពមិនចូលចិត្តរបស់អ្នកទាំងអស់គ្នា» «យើងស្ដាប់មិនពីរោះ តែគេស្ដាប់ពីរោះ មនុស្សវាមិនដូចគ្នាទេ មិចក៏រិះគន់ជាន់ពន្លិចគេចឹង បើឈប់បានឈប់ទៅ» ៕
ចែករំលែកព័តមាននេះ