ស្ត្រីម្នាក់យំសោកស្ដាយកូនប្រុសយ៉ាងខ្លាំង
ខេត្តឧត្តរមានជ័យ ៖ ស្ត្រីម្នាក់បានស្រែកទ្រហោយំយ៉ាងខ្លាំងបន្ទាប់ពីកូនប្រុសរបស់ខ្លួនបានជិះម៉ូតូជ្រុលចង្កូតធ្លាក់ផ្លូវទៅបុកនឹងថ្មភ្នំបោកក្បាលស្លា.ប់យ៉ាងអាណោចអាធ័ម …
ខេត្តឧត្តរមានជ័យ ៖ ស្ត្រីម្នាក់បានស្រែកទ្រហោយំយ៉ាងខ្លាំងបន្ទាប់ពីកូនប្រុសរបស់ខ្លួនបានជិះម៉ូតូជ្រុលចង្កូតធ្លាក់ផ្លូវទៅបុកនឹងថ្មភ្នំបោកក្បាលស្លាប់យ៉ាងអាណោចអាធ័ម ។ ហេតុការណ៍នេះកើតឡើងកាលពីវេលាម៉ោង៣រសៀល ថ្ងៃទី១៧ ខែមករា ឆ្នាំ២០១៧ នៅតាមបណ្តោយផ្លូវជាតិលេខ៦៨B ស្ថិតនៅក្នុងភូមិរួតចំប៉ី សង្កាត់អូរស្មាច់ ក្រុងសំរោង ខេត្តឧត្តរមានជ័យ ។
សាក្សីនៅកន្លែងកើតហេតុបានឱ្យដឹងថា មុនពេលកើតហេតុគេបានឃើញជនរងគ្រោះឈ្មោះ ឌឿន ឆៃយ៉ា ភេទប្រុស អាយុ១៩ឆ្នាំ រស់នៅភូមិ-សង្កាត់កើតហេតុ ជិះម៉ូតូម៉ាកវ៉េវទាំងស្រវឹងក្នុងល្បឿនលឿន ហើយរេចង្កូតពេញផ្លូវជាតិ ខណៈដល់ចំណុចកើតហេតុស្រាប់តែធ្លាក់ពីផ្លូវទៅខាងឆ្វេងដៃ បុកនឹងថ្មភ្នំបោកក្បាលស្លាប់ភ្លាមៗមួយរំពេច ។
នគរបាលប៉ុស្តិ៍សង្កាត់អូរស្មាច់បានឱ្យដឹងថា បន្ទាប់ពីទទួលព័ត៌មានរាយការណ៍មកថា មានករណីគ្រោះថ្នាក់ចរាចរណ៍ សមត្ថកិច្ចជំនាញបានចុះទៅដល់កន្លែងកើតហេតុឃើញជនរងគ្រោះដេកដួលស្លាប់នៅនឹងកន្លែងដោយសារបើកបរមានជាតិស្រវឹងជោកជាំ ហើយបានធ្លាក់ពីលើផ្លូវទៅបុកនឹងថ្មស្លាប់ ។
សមត្តកិច្ចបានបញ្ចាក់ថា ក្រោយពីពិនិត្យសពរួចរាល់ សពត្រូវបានប្រគល់ទៅឱ្យក្រុមគ្រួសាយកទៅធ្វើបុណ្យទៅតាមប្រពៃណី ៕
ចែករំលែកព័តមាននេះ