ហុងកុងទោះបីជាមានខ្សែភាពយន្តដ៏លេចធ្លោក្នុងរយៈពេលជាច្រើនឆ្នាំកន្លងមកក៏ដោយ ប៉ុន្តែគ្មានខ្សែភាពយន្តលេចធ្លោណាមួយចូលរួមដណ្តើមពានរង្វាន់ភាពយន្តឆ្នើមប្រចាំឆ្នាំ២០១៧ក្នុងការប្រកាសឈ្មោះចូលជុំចុងក្រោយនៃ «ពានរង្វាន់ភាពយន្តអាស៊ី» ទេ ។
ភាពយន្តចំនួន៥រឿងដែលមានឱកាសប្រជែងយកពានរង្វាន់ភាពយន្តឆ្នើមប្រចាំឆ្នាំ រួមមានរឿង «The Wailing» ជាភាពយន្តបង្ហាញភាពតក់ស្លុតរបស់កូរ៉េខាងត្បូង, រឿង «The Age of Shadows » ជាភាពយន្តតំណាងចូលដណ្តើមពានរង្វាន់អូស្ការរបស់កូរ៉េ និងរឿង «Harmonium» របស់ជប៉ុនដែលបានទទួលពានរង្វាន់នៅទីក្រុងកានរួចមកហើយ ។
ក្រៅពីនេះនៅមានភាពយន្តកំប្លែងពីតៃវ៉ាន់គឺរឿង «Godspeed » និងរឿង «I Am Not Madame Bovary» ផងដែរ ។
ក្នុងឆ្នាំ២០១៧នេះ ពានរង្វាន់ភាពយន្តអាស៊ី រៀបចំឡើងនៅហុងកុង ប៉ុន្តែបែរជាគ្មានភាពយន្តរបស់ម្ចាស់ផ្ទះចូលរួមដណ្តើមពានរង្វាន់ឆ្នើមទេ ខណៈពេល២ឆ្នាំមុនរឿង «The Grand master » របស់ហុងកុងទទួលពានរង្វាន់ភាពយន្តឆ្នើម ៕
ចែករំលែកព័តមាននេះ