អ្នកណាមិនស្គាល់នៅកំពូលតារាសម្ដែងស្រីមានរូបសម្រស់ស្រស់ស្អាតអំណោយផលពីធម្មជាតិ និងកំពុងតែមានភាពល្បីល្បាញ មានឈ្មោះបោះសំឡេងយ៉ាងខ្លាំងមិនដែលថមថយ នោះគឺតារាស្រីកញ្ញា Bella Ranee ឃើញថា
ថៃ ៖ អ្នកណាមិនស្គាល់នៅកំពូលតារាសម្ដែងស្រីមានរូបសម្រស់ស្រស់ស្អាតអំណោយផលពីធម្មជាតិ និងកំពុងតែមានភាពល្បីល្បាញ មានឈ្មោះបោះសំឡេងយ៉ាងខ្លាំងមិនដែលថមថយ នោះគឺតារាស្រីកញ្ញា Bella Ranee ឃើញថា ពីមួយថ្ងៃទៅមួយថ្ងៃ តារាស្រីរូបនេះ កាន់តែលេចធ្លោះខ្លាំងឡើងៗ នៃសន្ទុះការគាំទ្រខ្លាំងក្លានៅក្នុងខ្សែរភាពយន្តជាច្រើនដែលនាងបានសម្ដែងជាបន្តបន្ទាប់នៅក្នុងប៉ុស្តិ៍លេខ៣ របស់ថៃ និងកំពុងក្លាយជាតួឯកស្រីតំណាងឲ្យម៉ាកយីហោល្បីៗជាច្រើន ក្នុងឆ្នាំ២០២២នេះ រហូតត្រូវមហាជនឲ្យឈ្មោះថា ជា Queen នៃពាណិជ្ជកម្ម ហើយទាំងនេះ បើរួមបញ្ចូលគ្នារវាងការផ្សាយពាណិជ្ជកម្មពីមុន និងថ្មីនៅដើមឆ្នាំ២០២២នេះរហូតមកដល់ឥឡូវតារាស្រី Bella ក៏ធ្លាប់បានបង្ហើបផងដែរថា នាងជាតារាម៉ូដែលសម្រាប់ផលិតផល 20+ ផងដែរ ។
ជាក់ស្ដែង អ្វីដែលធ្វើអោយអ្នកគាំទ្រជាច្រើននាក់មានការភ្ញាក់ផ្អើលមិនស្ទើរទៅវិញនោះ នៅពេលដែលហ្វេនៗរបស់តារាសម្ដែងស្រីល្បីឈ្មោះកញ្ញា Bella Ranee រូបនេះ បានប្រទះឃើញនូវវីដេអូឃ្លីបខ្លីរបស់នាង បានបង្ហោះនៅបណ្ដាញសង្គម IG នៅក្នុងថ្ងៃទិវាម្ដាយជាទីស្រលាញ់របស់ខ្លួន ដើម្បីចែករំលែកទិដ្ឋភាពក្នុងថ្ងៃបុណ្យម្ដាយជាមួយនឹងក្រុមគ្រួសារយ៉ាងគួរឱ្យស្រឡាញ់ មើលទៅរីករាយមានក្ដីសុខខ្លាំងណាស់ ។
ក្នុងនោះផងដែរ លោកស្រី Pranee ដែលត្រូវជាម្ដាយរបស់តារាស្រី Bella ជាមួយសមាជិកគ្រួសារ ដែលជាធម្មតាប្រមូលផ្តុំនៅថ្ងៃបុណ្យម្ដាយជារៀងរាល់ឆ្នាំ ឆ្នាំនេះមានពេលវេលាកក់ក្ដៅគួរឱ្យស្រលាញ់ដែលអ្នកគាំទ្រឃើញហើយសប្បាយចិត្តរំភើបជំនួសគ្រប់ៗគ្នា ។
ហើយអ្វីដែលពិសេសជាងនេះទៅទៀតនោះ ក្រោយពី Bella រៀបចំកាដូជូនអ្នកម្តាយហើយ មិនទុកចាំយូរ ស្រាប់តែម្ដាយរបស់ Bella គឺលោកស្រី Pranee លេងមួយក្បាច់ ធ្វើអោយនាងគាំងនិយាយលែងចេញតែម្តង ដោយលោកស្រីបានទិញកាដូដ៏ភ្ញាក់ផ្អើលមកវិញ ដែលវាជាកាបូបម៉ាក Chanel ដែលកូនស្រីរបស់គាត់ចង់បាន បន្ទាប់ពីបានឃើញបែបនេះហើយ ដល់ថ្នាក់ធ្វើឱ្យតួឯកស្រីប្រចាំប្រទេសថៃរូបនេះ ធ្វើអ្វីមិនចេញក៏ទឹកភ្នែករលីងរលោងស្រែកហោរតែម្ដង។
យ៉ាងណាមិញ នៅក្នុងឃ្លីបវីដេអូនោះដែរ ម្ដាយរបស់តារាស្រី Bella គាត់បានឱ្យប្រអប់កាដូមួយដែលមានរុំដោយក្រណាត់ធ្វើឱ្យ Bella ជាកូនស្រីញញឹមញញែមបិទមាត់មិនជិត ហើយក៏បានធ្វើមុខដូចមានអារម្មណ៍ថា ឆ្ងល់ផងដែរ ។ ភ្លាមៗនោះ មុននឹងបើកប្រអប់មើល តារាស្រីគ្រាប់ពេជ្ររបស់ប៉ុស្តិ៍លេខ៣ ថៃរូបនេះ បាននិយាយទាំងរំភើបបែបនេះថា «ទើបតែបានកាដូទិវាម្ដាយទេ ខ្ញុំស្ទើរតែមិនមែនជាកូនទៀតទេ តែខ្ញុំជាម្ដាយវិញ» ។
បន្ទាប់ពីបានឃើញនៅទិដ្ឋភាពដ៏មានសុភមង្គលនេះភ្លាម ទប់អារម្មណ៍លែងជាប់ ក៏បានធ្វើឱ្យអ្នកគាំទ្រជាច្រើននៅក្នុងបណ្តាញសង្គមហ្វេសប៊ុក និងក្នុង IG របស់តារាស្រីរូបនេះ បានចូលរួមសម្ដែងក្តីរីករាយជំនួសនាង ព្រោះថា នាងទទួលបានភាពកក់ក្តៅ និងថ្នាក់ថ្នមពីក្រុមគ្រួសារយ៉ាងពេញទំហឹងដូចកូនង៉ែតអញ្ជឹង ។
ដោយពួកគេបាននាំគ្នាចូលទៅខមិនថា «គួរឱ្យស្រលាញ់ម្ល៉េះទេអាយដល មើលទៅមានភាពកក់ក្តៅខ្លាំងណាស់» «ម៉ាក់គួរឱ្យស្រឡាញ់អញ្ជឹងបានជាអាយដលគួរអោយស្រលាញ់ណាស់» «មើលឃ្លីបនេះ ហេតុអ្វីបេះដូងខ្ញុំលោ.តញាប់ម្ល៉េះ? ម៉ាក់ដែលគួរឱ្យស្រឡាញ់បំផុត ច្រណែនចែ Bella ដល់ហើយ» «គ្មានអ្នកណាស្រលាញ់យើងដូចប៉ាម៉ាក់យើងទេ គ្រាន់តែឃើញក៏មានក្ដីសុខដែរ» «គ្រួសារ Bella គួរឲ្យស្រលាញ់ណាស់» និងនៅមានពាក្យជាច្រើនទៀត ។
គួរបញ្ជាក់ផងដែរថា កំពូលតារាសម្ដែងស្រីឆ្នើម Bella Ranee គឺជាតារាសម្ដែងមួយរូបដែលមានទាំងសមត្ថភាព ទេពកោសល្យ នៅក្នុងការសម្ដែង ហើយថ្មីៗនេះ នាងក៏កំពុងតែថតរឿងភាគថ្មីដែលមានចំណងជើងថា «Love Destiny 2 ឬ បុព្វេសន្និវាស វគ្គ២» ជាមួយតួឯកប្រុសឆ្នើមដ៏ល្បីល្បាញ មានរូបរាងស្រស់សង្ហារ និងជាដៃគូរដ៏សាកសមបំផុតនោះ គឺលោក Pope Thanawat ដោយនៅក្នុងនោះ Bella នាងក៏បានបង្ហើបថា រឿង «បុព្វេសន្និវាស វគ្គ២» នឹងចាក់បញ្ចាំងឆាប់ៗខាងមុខនេះហើយ ៕
ចែករំលែកព័តមាននេះ