កម្ពុជា-ថៃឯកភាពគ្នាបើកច្រកទ្វារព្រំដែនអូរនាង
- បន្ទាយមានជ័យ
ខេត្តបន្ទាយមានជ័យ ៖ អាជ្ញាធរខេត្តជាប់ព្រំដែនកម្ពុជា-ថៃ បានឯកភាពគ្នាបើកច្រកទ្វារព្រំដែន
ខេត្តបន្ទាយមានជ័យ ៖ អាជ្ញាធរខេត្តជាប់ព្រំដែនកម្ពុជា-ថៃ បានឯកភាពគ្នាបើកច្រកទ្វារព្រំដែន
ខេត្តបន្ទាយមានជ័យ ៖ អាជ្ញាធរខេត្តជាប់ព្រំដែនកម្ពុជា-ថៃ បានឯកភាពគ្នាបើកច្រកទ្វារព្រំដែនអូរនាង ឈមភាគីថៃច្រកទ្វារព្រំដែនប៉ារ៉ៃ និងច្រកទ្វារព្រំដែនបង្គោលសីមាលេខ៤៣ ឈមភាគីថៃច្រកទ្វារព្រំដែនណងម៉ាក់ម៉ូន ដែលយោងតាមកំណត់ហេតុនៃកិច្ចប្រជុំថ្នាក់ខេត្តជាប់ព្រំដែនកម្ពុជាខេត្តបន្ទាយមានជ័យនិងថៃ ខេត្តស្រះកែវ ដែលត្រូវបានធ្វើឡើងនៅរសៀលថ្ងៃទី១៥ ខែសីហា ឆ្នាំ២០២២នៅសាលប្រជុំសាលាខេត្តបន្ទាយមានជ័យ។
កិច្ចប្រជុំខេត្តជាប់ព្រំដែនកម្ពុជា-ថៃ ភាគីកម្ពុជាមានឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងអភិបាលរងខេត្តមន្ត្រីរាជការកងកម្លាំងប្រដាប់អាវុធទាំងបីស្ថាប័ន និងភាគីថៃមានឯកឧត្តម បរិនញ៉ា ពោធីសាធ អភិបាលខេត្តស្រះកែវ និងមន្ត្រីរាជការកងកម្លាំងប្រដាប់អាវុធបានចូលរួម។
លទ្ធផលនៃកិច្ចប្រជុំរយៈពេលកន្លះថ្ងៃ រួមមាន ១-ភាគីទាំងពីរបានឯកភាពគ្នាកំណត់យកច្រកទ្វារព្រំដែនអន្តរជាតិប៉ោយប៉ែតឈមខ្លងឡឹក ជាច្រកសម្រាប់ប្រគល់និងទទួលពលករកម្ពុជាដែលត្រឡប់ពីប្រទេសថៃចូលមកកម្ពុជាវិញ និងត្រូវបិតទីតាំងប្រគល់និងទទួលច្រករបៀងអូរបីជាន់ត្រូវអនុវត្តន៍ចាប់ពីថ្ងៃទី០១ ខែកញ្ញា ឆ្នាំ២០២២តទៅ ២-ភាគីទាំងពីរឯកភាពអនុញ្ញាតអោយរថយន្តនិងយានយន្តគ្រប់ប្រភេទចេញ.ចូលនៃប្រទេសទាំងពីរដែលមានឯកសារគ្រប់គ្រាន់អាចធ្វើដំណើរចេញ-ចូលតាមច្រកទ្វារព្រំដែននៃខេត្តទាំងពីរក្រោមលក្ខខណ្ឌដូចគ្នា និងការប្រើប្រាស់ប័ណ្ណព្រំដែន(Border Pass)អនុវត្តចាប់ពីថ្ងៃទី០១ ខែកញ្ញា ឆ្នាំ២០២២តទៅ។
៣-ភាគីទាំងពីរឯកភាពបើកដំណើរការច្រកទ្វារព្រំដែនអន្តរជាតិស្ទឹងបទកក្រុងប៉ោយប៉ែតឈមច្រកណងអៀនស្រុកអារ័ញ្ញ ដើម្បីផ្តលផលប្រយោជន៍ពាណិជ្ជកម្មឆ្លងដែននិងកាត់បន្ថយការកកស្ទះនៅច្រកទ្វារអន្តរជាតិប៉ោយប៉ែត-ខ្លងឡឹក ប្រទេសថៃ ។ ៤-ភាគីទាំងពីរឯកភាពគាំទ្រការបើកច្រកទ្វារព្រំដែនអូរនាងក្រុងប៉ោយប៉ែតខេត្តបន្ទាយមានជ័យដែលឈមច្រកទ្វារព្រំដែនប៉ារ៉ៃស្រុកអារ័ញ្ញប្រាថេតខេត្តស្រះកែវ ។ ៥-ភាគីទាំងពីរបានឯកភាពគាំទ្រដំណើរការបើកច្រកទ្វារព្រំដែនបង្គោលសីមាលេខ៤៣ឃុំអូរបីជាន់ស្រុកអូរជ្រៅឈមភាគីថៃច្រកទ្វារព្រំដែនណងម៉ាក់ម៉ូនឃុំណងម៉ាក់ម៉ូន ស្រុកគោកធ្យូងខេត្តស្រះកែវ ដើម្បីអោយអង្គភាពពាក់ព័ន្ធចុះពិនិត្យសិក្សារួមគ្នាលើទីតាំងភូមិសាស្គ្រផ្ទាល់ដើម្បីពន្លឿនដំណើរការសាងសង់ហេដ្ឋារចនាសម្ព័ន្ធអោយបានឆាប់។
ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានបញ្ជាក់ថា កំណត់ហេតុកិច្ចប្រជុំថ្នាក់ខេត្តជាប់ព្រំដែនរវាងខេត្តបន្ទាយមានជ័យកម្ពុជា និងខេត្តស្រះកែវប្រទេសថៃដែលត្រូវបានប្រជុំពិភាក្សាគ្នាលទ្ធផលកំណត់ហេតុត្រូវបានដាក់សំណើរទៅរាជរដ្ឋាភិបាលកម្ពុជាទទួលលទ្ធផលនិងសម្រេចយ៉ាងណានោះជម្រាបជូនពេលក្រោយ ៕
ចែករំលែកព័តមាននេះ