ប្រកាសសាលក្រមសំណុំរឿងថៅកែម៉ាស្សាកោសជប់ស្រីមុំ៧២ នៅថ្ងៃទី២៤ មករា
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៧ មករា ២០១៧នេះ បានលើកយកសំណុំរឿង(សញ្ចារកម្ម) ដែលមានជនជាប់ចោទពីរនាក់មីង
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៧ មករា ២០១៧នេះ បានលើកយកសំណុំរឿង(សញ្ចារកម្ម) ដែលមានជនជាប់ចោទពីរនាក់មីង
រាជធានីភ្នំពេញ ៖ សាលាដំបូងរាជធានីភ្នំពេញ កាលពីរសៀលថ្ងៃទី១៧ មករា ២០១៧នេះ បានលើកយកសំណុំរឿង(សញ្ចារកម្ម) ដែលមានជនជាប់ចោទពីរនាក់មីង និងក្មួយ ដើម្បីផ្តន្ទាទោសតាមច្បាប់កំណត់។ ជនជាប់ចោទម្នាក់ឈ្មោះ ងន់ សុខណា ហៅមុំ ភេទស្រី អាយុ៣២ឆ្នាំ ជាថៅកែម៉ាស្សា និងកោសជប់ យីហោ ស្រីមុំ៧២ មានអាស័យដ្ឋាននៅផ្លូវជាតិលេខ៥ សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ និងម្នាក់ឈ្មោះ ធៀប ដារ៉ា ភេទប្រុស អាយុ២០ឆ្នាំ ត្រូវជាក្មួយស្រីមុំ។
សវនាការមានលោកស្រី ថ្លាង ផាណែត ជាចៅក្រមជំនុំជម្រះ និងលោក ហ៊ឹង ប៊ុនថន ព្រះរាជអាជ្ញារង និងជាតំណាងអយ្យការ នៃសាលាដំបូងរាជធានីភ្នំពេញ ដែលសវនាការនោះបានធ្វើឡើងជាសាធារណៈ ពោលគឺចំពោះមុខជនជាប់ចោទ និង មេធាវីការពារក្តី។ សវនាការបានសាកសួរដេញដោលលើជនជាប់ចោទទាំងពីរនាក់មីង និងក្មួយ ព្រមទាំងសាក្សី ដែលបានដឹង និងនៅក្នុងដែនសមត្ថកិច្ចចុះបង្ក្រាប។ សំណុំ រឿងនេះត្រូវបានតំណាងអយ្យការ ចោទប្រកាន់ពីបទ(សញ្ចារកម្ម) ប្រព្រឹត្តកាលពីអំឡុងឆ្នាំ២០១៦ នៅខណ្ឌឬស្សីកែវរាជធានីភ្នំពេញ ដែលបទចោទនេះ(សញ្ចារកម្ម) យោងតាមមាត្រា២៨៤ នៃក្រមព្រហ្មទណ្ឌ តម្រូវឲ្យផ្តន្ទាទោសលើជនជាប់ដាក់ពន្ធនាគារកំណត់២ឆ្នាំទៅ៥ឆ្នាំ និងពិន័យជាប្រាក់៤លានទៅ១០លានរៀល។
គួរបញ្ជាក់ថា កាលពីថ្ងៃទី២ កញ្ញា ២០១៦ សមត្ថកិច្ចនគរបាលការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ បានចុះបង្ក្រាប ទីតាំងម៉ាស្សា និងកោសជប់ ក្រោមរូបភាពបម្រើផ្លូវភេទ យីហោស្រីមុំ៧២ ស្ថិតនៅតាមបណ្តោយផ្លូវជាតិលេខ៥ សង្កាត់ទួលសង្កែ ខណ្ឌឬស្សីកែវ ។ ពេលសមត្ថកិច្ចបង្ក្រាប បានឃាត់ខ្លួនស្ត្រីឈ្មោះ ងន់ សុខណា ហៅមុំ និងឈ្មោះ ធៀប ដារ៉ា ពីរនាក់មីង និងក្មួយ ព្រមទាំងរំដោះនារីម៉ាស្សា កោសជប់ ចំនួន១០នាក់ ។
ក្នុងនោះសមត្ថកិច្ចបានដកហូតវត្ថុតាងមាន ស្រោមអនាម័យមួយចំនួន ដែលខ្លះបានប្រើប្រាស់ និងខ្លះនៅក្នុងប្រអប់ រួចសមត្ថកិច្ចបានកសាងសំណុំរឿងមីង និងក្មួយ ចោទពីបទ(សញ្ជារកម្ម) និងសមគំនិតក្នុងអំពើសញ្ចារកម្ម បញ្ជូនទៅសាលាដំបូងរាជធានីភ្នំពេញ តាមនីតិវិធី ហើយក៏មានការឃុំខ្លួនចាប់ពីពេលនោះមក ។ ក្រោយចប់សវនាការលោកស្រីចៅក្រមជំនុំជម្រះ បានលើកពេលប្រកាសសាលក្រមផ្តន្ទទោស លើជនជាប់ចោទមីង និងក្មួយទៅថ្ងៃទី២៤ មករា ខាងមុខនេះ៕
ចែករំលែកព័តមាននេះ