ខេត្តកំពង់ស្ពឺ ៖ សេចក្តីរាយការណ៍ពីប្រជាពលរដ្ឋដែលរកស៊ីដឹកផលអនុផលព្រៃឈើ បានប្រាប់ឱ្យដឹងថា ជារៀងរាល់យប់ ពួកគាត់តែងតែត្រូវបានមនុស្សមួយក្រុមស្ទាក់ឃាត់គោយន្ត និងរថយន្តកាក់យកលុយមិនតិចនោះទេ បើមិនឱ្យគេឃាត់ ហើយយកទៅប្រគល់ឱ្យសមត្ថកិច្ច ។
ខេត្តកំពង់ស្ពឺ ៖ សេចក្តីរាយការណ៍ពីប្រជាពលរដ្ឋដែលរកស៊ីដឹកផលអនុផលព្រៃឈើ បានប្រាប់ឱ្យដឹងថា ជារៀងរាល់យប់ ពួកគាត់តែងតែត្រូវបានមនុស្សមួយក្រុមស្ទាក់ឃាត់គោយន្ត និងរថយន្តកាក់យកលុយមិនតិចនោះទេ បើមិនឱ្យគេឃាត់ ហើយយកទៅប្រគល់ឱ្យសមត្ថកិច្ច ។
អ្នកស្រុកចោទថា ក្រុមអ្នកកាសែតទូរទស្សន៍មិនសូវល្បីទាំងនោះ ជិះរថយន្តឡិចស៊ីស៣០០ពណ៌ខ្មៅ ដែលមានឈ្នោះម៉ាញ់ ដារ៉េត ជាអ្នកដឹកនាំ ។
ជាក់ស្តែង កាលពីវេលាទៀបភ្លឺថ្ងៃទី១៧ មករា ស្ថិតនៅចំណុចទំនប់ឡាង ក្នុងឃុំរុងរឿងស្រុកថ្ពង ខេត្តកំពង់ស្ពឺ ក្រុមអ្នកកាសែតនិងទូរទស្សន៍ទាំងនោះ បានបើករថយន្តប្រដេញគោយន្ត និងរថយន្តកូរ៉េមួយគ្រឿង ដែលដឹកគ្រឿងសិប្បកម្មគ្រែ និងតុ ស្ទាក់ឃាត់ហើយទារលុយយ៉ាងច្រើន ជាថ្នូរនឹងការមិនថតផ្សាយ ឬហៅសមត្ថកិច្ចមកចាប់ ។
ប្រភពបន្តថា ក្រុមនោះបានទារលុយពីម្ចាស់គោយន្ត និងរថយន្តដឹកគ្រឿងសិប្បកម្មក្នុងមួយគ្រឿង៨០ម៉ឺនរៀល ។ បើមិនបានទេ គេនឹងថតផ្សាយលើកញ្ចក់ទូរទស្សន៍ និងកាសែត ឬក៏ហៅសមត្ថកិច្ចមកចាប់ ។
ដោយមិនមានប្រាក់ច្រើនដល់ម្លឹង បានសុំអង្វរកុំឱ្យអស់លោកកាសែត និងទូរទស្សន៍ យកលុយច្រើនដល់ម្លឹងពេក ពេលនិយាយអង្វរយូរៗទៅ គេព្រមចុះមកត្រឹម៥០ម៉ឺនរៀល បើមិនមានលុយបង់ឱ្យក្រុមគេទេ មិនបាច់និយាយគ្មាឡើយ ។ ដោយមិនចង់មានរឿងវែងឆ្ងាយណាមួយខ្លាចអស់លោកកាសែត និងទូរទស្សន៍ ហៅសមត្ថកិច្ចមកចាប់ខាតរថយន្ត និងគោយន្តមិនអាចរកស៊ីបាន ក៏ទ្រាំបង់លុយទាំងបង្ខំចិត្ត ទៅឱ្យអស់លោកទាំងនោះតែម្តង ។
អ្នកកាសែតដែលគេមិនស្គាល់នេះ កោតមិនខ្លាចសមត្ថកិច្ចវ៉ៃខ្នោះទេហ៎? សម្តេចតេជោប្រកាសហើយ ឱ្យវ៉ៃខ្នោះភ្លាម អ្នកកាសែតណា ដែលដាក់កុងត្រូលយកលុយតាមផ្លូវ ។
ចែករំលែកព័តមាននេះ