រដ្ឋាភិបាលអូស្ត្រាលី ម៉ាឡេស៊ី និងចិន ប្រកាសនាថ្ងៃទី១៧ មករា ថា ការតាមរុករកក្នុងសមុទ្រនាភាគខាងត្បូងមហាសមុទ្រឥណ្ឌានូវយន្តហោះបាត់ដាននៃក្រុមហ៊ុនអាកាសចរណ៍ម៉ាឡេស៊ី MALAYSIA AIRLINES
រដ្ឋាភិបាលអូស្ត្រាលី ម៉ាឡេស៊ី និងចិន ប្រកាសនាថ្ងៃទី១៧ មករា ថា ការតាមរុករកក្នុងសមុទ្រនាភាគខាងត្បូងមហាសមុទ្រឥណ្ឌានូវយន្តហោះបាត់ដាននៃក្រុមហ៊ុនអាកាសចរណ៍ម៉ាឡេស៊ី MALAYSIA AIRLINES ជើងហោះហើរ MH 370 ដែលបាត់យ៉ាងអាថ៌កំបាំងជិត៣ឆ្នាំមកហើយត្រូវបានផ្អាក ។
យន្តហោះប៊ូអីុង៧៧៧នេះ បានបាត់ដានកាលពីថ្ងៃទី៨ មីនា ឆ្នាំ២០១៤ ជាមួយមនុស្សជិះក្នុងនោះ២៣៩នាក់ ក្រោយការហោះចេញបន្តិចពីទីក្រុងកូឡាឡាំពួរទៅកាន់ក្រុងប៉េកាំង ។ យន្តហោះនេះពុំអាចរកឃើញក្នុងតំបន់រុករកទំហំ១២០.០០០គីឡូម៉ែត្រក្រឡា ។ ក្នុងសេចក្តីប្រកាសមួយរដ្ឋាភិបាលអូស្ត្រាលី ម៉ាឡេស៊ី និងចិន និយាយថា ការរុករកយន្តហោះ MH370 ក្នុងសមុទ្រត្រូវផ្អាក ។
សេចក្តីប្រកាសរៀបរាប់ថា ទោះជាមានការខិតខំប្រឹងប្រែងនានាជាមួយជំនួយនៃឧបករណ៍ និងបច្ចេកវិទ្យាទំនើប ព្រមទាំងមានការចូលរួមរបស់បណ្តាអ្នកវិជ្ជាជីវៈមានសមត្ថភាពខ្ពស់ ក៏ការរុករកពុំអាចរកឃើញយន្តហោះនេះឡើយ។ ការបាត់យន្តហោះនេះជាអាថ៌កំបាំងធំបំផុតមួយនៃប្រវត្តិសាស្ត្រអាកាសចរណ៍ស៊ីវិល ។
ចាប់តាំងពីយន្តហោះនេះបាត់មក គេរកឃើញតែបំណែកចំនួន២០ក្នុងមហាសមុទ្រឥណ្ឌា ក្នុងដែនទឹកអាហ្វ្រិកខាងលិច ៕
ចែករំលែកព័តមាននេះ