រាជធានីភ្នំពេញ ៖ យោងប្រភពពីក្រុមអាជីវករនៅក្នុងផ្សារច្បារអំពៅ បានឱ្យកោះសន្តិភាពដឹងថា សព្វថ្ងៃពួកគាត់កំពុងតែកើតទុក្ខមិនសុខចិត្ត និងមិនពេញចិត្តជាខ្លាំង ចំពោះទង្វើរបស់លោកប្រធានផ្សារច្បារអំពៅ ដែលសព្វថ្ងៃលោកប្រធានរូបនោះ កំពុងតែយកផ្សារធ្វើអាជីវកម្ម ដើម្បីប្រយោជន៍ផ្ទាល់ខ្លួន ។
រាជធានីភ្នំពេញ ៖ យោងប្រភពពីក្រុមអាជីវករនៅក្នុងផ្សារច្បារអំពៅ បានឱ្យកោះសន្តិភាពដឹងថា សព្វថ្ងៃពួកគាត់កំពុងតែកើតទុក្ខមិនសុខចិត្ត និងមិនពេញចិត្តជាខ្លាំង ចំពោះទង្វើរបស់លោកប្រធានផ្សារច្បារអំពៅ ដែលសព្វថ្ងៃលោកប្រធានរូបនោះ កំពុងតែយកផ្សារធ្វើអាជីវកម្ម ដើម្បីប្រយោជន៍ផ្ទាល់ខ្លួន ។
ប្រភពពីក្រុមអាជីវករបានធ្វើការចោទប្រកាន់ទៅលើលោកប្រធានផ្សារខាងលើនោះ ដោយកោះសន្តិភាពសុំយកមកបង្ហាញនូវខ្លឹមសារទាំងស្រុងថា ៖ «យើងខ្ញុំអាជីវករផ្សារច្បារអំពៅ មានអារម្មណ៍មិនពេញចិត្តមិនសុខចិត្ត ចំពោះទង្វើប្រធានផ្សារច្បារអំពៅម្នាក់នេះ ដែលសព្វថ្ងៃកំពុងយកផ្សារធ្វើជារបស់ខ្លួនហើយ សូមថ្នាក់លើមេត្តាជ្រាបថា នៅក្នុងផ្សារច្បារអំពៅទាំងមូលនេះ ។
១-រាល់អាជីវករផ្ទេរឈ្មោះតូបកាលពីមុនយកតម្លៃតែ១២០ដុលារតែប៉ុណ្ណោះ សម្រាប់អ្នកមានឯកសារគ្រប់គ្រាន់ ហើយតែពេលនេះឡើងដល់២០០ដុល្លារ ហើយនៅយកលុយថ្លៃទឹកតែថែមពីលើ និងលុយផ្សេងៗទៀតសរុប៣០០ទៅ៣៥០ដុល្លារ ។
២-សម្រាប់អ្នកបាត់ឯកសារ គឺយកសេវាចាប់ពី៥០០ដុល្លារឡើងទៅ ហើយលុយថ្លៃទឹកតែផ្សេងៗទៀតប្រហែលជា៦០០ដុល្លារដែលតូបលក់បាន៣ ទៅ៤ពាន់ដុល្លាតែប៉ុណ្ណោះ ។
៣-រាល់ស្នើសុំជូសជុលតូបតម្លៃ១០០ដុល្លារ ហើយនៅយកសេវាផ្សេងៗទៀត ។
៤-ក្មេងហិតកាវចូលពេញផ្សារចូលឆក់លួយអីវ៉ាន់ គ្មានសន្តិសុខឬប៉ូលីសមកសោះទៅប្តឹង ឬតេប្រាប់ប្រហែលជា១ម៉ោងទើបមកដល់ ។
៥-លោកប្រធានផ្សាររូបនេះ មិនដែលមកធ្វើការឡើយ ហើយរាល់មានបញ្ហា យើងខ្ញុំតេប្តឹង គឺលោកប្រធានផ្សាររូបនេះនិយាយថា គេឈប់ខ្វល់ ហើយការងារផ្សារ គឺគេប្រគល់អោយរដ្ឋបាលអ្នកធ្វើ (ពូបង្កើតរបស់ប្រធានផ្សារដែលអាជីវករស្ទើពេញផ្សារមិនពេញចិត្ត) ។
៦-គ្មានសន្តិសុខគ្រប់គ្រាន់ ដែលពីមុនមានសន្តិសុខច្រើនតែពេលនេះមានតែអ្នកយកលុយ
៧-រាល់ផ្លូវមុខតូបខូច ប្រសិនបើយើងខ្ញុំធ្វើតែបន្តិច គឺគេនាំកំលាំងសន្តិសុខមិនដឹងមកពីណាទេ មកដល់គំរាមចាប់យើងខ្ញុំ ហើយពិន័យគំរាមទារលុយពី៥០ ទៅ១០០ដុល្លារ ហើយយើងខ្ញុំឃើញផ្លូវខូចរាយការណ៍ ទៅខាងលោកប្រធានផ្សារតែគេមិនដែលខ្វល់ឡើយ។
៨-កន្លៃងលក់ដូរដុះដូចផ្សិតនៅខាងក្រៅជុំវិញផ្សារ ហើយយើងខ្ញុំដែលជាអ្នកលក់នៅក្នុងផ្សារមានតូបច្បាស់លាស់ បង់លុយជូនរដ្ឋរាល់ឆ្នាំ បែរជាមិនគិតគូររៀបចំសណ្តាប់ធ្នាប់អោយមានច្រកចូលផ្សារសោះតើអោយយើងខ្ញុំលក់យ៉ាងម៉េចទៅ ។
៩-ប្រសិនបើយើងខ្ញុំ ដូរជញ្ជាំងតែបន្តិចវិញ នាំកំលាំងមកចាប់ធ្វើដូចជាយើងខ្ញុំនឹងធ្វើខុសច្បាប់ខ្លាំងណាស់ចឹង ។
១០-រាល់លុយថ្លៃយាមមិនទាន់ដល់ខែផង យកគ្មានប្រណីឡើយហើយយើងខ្ញុំឱ្យយឺតតែប៉ុន្មានថ្ងៃសោះ គំរាមយើងខ្ញុំថា បើបាត់អីវ៉ាន់មិនទទូលខុសត្រូវឡើយ។
១១-អាជីវករក្នុងផ្សារទាំងមូលប្រហែល៨០% មិនដែលស្គាល់មុខប្រធានផ្សារឡើយ ។
១២-រាល់ថ្ងៃលឺថា អនុប្រធាននិងបុគ្គលិកមួយចំនួន ត្រូវប្រធានផ្សាររូបនេះ ដកសិទ្ធិ នឹងការងារទាំងអស់» ។
ទោះបីជាយ៉ាងណា ពាក់ព័ន្ធទៅនឹងការចោទប្រកាន់ខាងលើនេះ កោះសន្តិភាពបានទំនាក់ទំនងសុំការបំភ្លឺពីលោកប្រធានផ្សារច្បារអំពៅរូបនោះរួចហើយ ដោយគាត់បានច្រានចោលរាល់ការចោទប្រកាន់ទាំងអស់នោះថា «មិនមែនជាពិតនោះទេ» ៕
ចែករំលែកព័តមាននេះ