ក្រោយចម្លើយសារភាព បន្តទៅចាប់ខ្លួនបានម្នាក់ទៀត
ខេត្តបាត់ដំបង ៖ បន្ទាប់ពីចម្លើយសារភាពរបស់ជនសង្ស័យម្នាក់ដែលសមត្ថកិច្ចចាប់ខ្លួនបានកាលពីវេលាម៉ោង៦ល្ងាច ថ្ងៃទី១៦ ខែមករា ឆ្នាំ២០១៧ នៅភូមិអូរតាគាំ២ …
ខេត្តបាត់ដំបង ៖ បន្ទាប់ពីចម្លើយសារភាពរបស់ជនសង្ស័យម្នាក់ដែលសមត្ថកិច្ចចាប់ខ្លួនបានកាលពីវេលាម៉ោង៦ល្ងាច ថ្ងៃទី១៦ ខែមករា ឆ្នាំ២០១៧ នៅភូមិអូរតាគាំ២ …
ខេត្តបាត់ដំបង ៖ បន្ទាប់ពីចម្លើយសារភាពរបស់ជនសង្ស័យម្នាក់ដែលសមត្ថកិច្ចចាប់ខ្លួនបានកាលពីវេលាម៉ោង៦ល្ងាច ថ្ងៃទី១៦ ខែមករា ឆ្នាំ២០១៧ នៅភូមិអូរតាគាំ២ សង្កាត់ទូលតាឯក ក្រុងបាត់ដំបង កម្លាំងអាវុធហត្ថក្រុងបាត់ដំបងបានឈានទៅចាប់ឃាត់ខ្លួនជនសង្ស័យម្នាក់ទៀត ។
ប្រភពពីអាវុធហត្ថក្រុងបាត់ដំបងបានឲ្យដឹងថា ជនសង្ស័យដែលត្រូវឃាត់ខ្លួន ១-ឈ្មោះ ពឿន លីហៀង អាយុ២៣ឆ្នាំ នៅភូមិគោកពន្លៃ សង្កាត់អូរម៉ាល់ ក្រុងបាត់ដំបង និង ២-ឈ្មោះ ជួប សំណាង អាយុ២៧ឆ្នាំ នៅភូមិអណ្ដូងចេញ សង្កាត់អូរចា ក្រុងបាត់ដំបង ។
ប្រភពដដែលបានឲ្យដឹងទៀតថា ដំបូងសមត្ថកិច្ចឃាត់ឈ្មោះ ពឿន លីហៀង ដកហូតថ្នាំញៀន ម៉ាទឹកកក ២កញ្ចប់ និងម៉ូតូម៉ាកវីវ៉ា សេ១២៥ មួយគ្រឿង ពាក់ស្លាកលេខ បាត់ដំបង 1D-6304 លុះ១ម៉ោងក្រោយ ទើបឈានដល់ការឃាត់ខ្លួនឈ្មោះ ជួប សំណាង ដែលជាអ្នកលក់ថ្នាំ ដកហូតថ្នាំញៀនម៉ាកទឹកកក១កញ្ចប់ទៀត និងម៉ូតូ២គ្រឿង ។
បើតាមចម្លើយជនសង្ស័យឈ្មោះ ពឿន លីហៀង បានសារភាពថា ខ្លួនពិតជាបានប្រព្រឹត្តបទល្មើសគ្រឿងញៀន ហើយថ្នាំញៀនដែលសមត្ថកិច្ចដកហូតនោះពិតជារបស់ខ្លួនមែន ។ ជននេះបានសារភាពទៀតថា ថ្នាំញៀននេះ គឺខ្លួនបានទិញពីឈ្មោះ ជួប សំណាង លុះចេញមកតាមផ្លូវក៏ត្រូវសមត្ថកិច្ចស្ទាក់ចាប់តែម្ដង ។
មន្ត្រីកងរាជអាវុធហត្ថបានបញ្ជាក់ដែរថា ជាមួយនឹងការឃាត់ខ្លួនជនសង្ស័យទាំង២នាក់ខាងលើនេះ មន្ត្រីជំនាញបានដកហូតថ្នាំញៀនម៉ាទឹកកក៣កញ្ចប់ ម៉ូតូ៣គ្រឿង និងវត្ថុតាងពាក់ព័ន្ធមួយចំនួនទៀត ។ ជនសង្ស័យត្រូវបានកសាងសំណុំរឿងបញ្ជូនទៅកាន់តុលាការហើយ ៕
ចែករំលែកព័តមាននេះ