រាជធានីភ្នំពេញ ៖ បើទោះបីជាតារាចម្រៀង អ្នកនាង សួស លីនដា ហាក់មិនសូវបង្ហាញវត្តមានច្រើននៅក្នុងសង្គមសិល្បៈចម្រៀង ក្តី តែតារាសំឡេងល្អរូបនេះ នៅតែបន្តការទាក់ទាញច្រើនចំពោះបងប្អូនរស់នៅក្រៅប្រទេសទៅវិញ ព្រោះតែពេញចិត្តសមត្ថភាពទេពកោសល្យរបស់ណាង ។ យ៉ាងណាមិញ អ្នកនាងត្រៀមចាកចេញទៅប្រទេសបារាំងសាជាថ្មី ជាសញ្ញាបញ្ជាក់ថា នេះជាភាពជោគជ័យថ្មីបន្តទៀត ។
ក្នុងពិធីមង្គលការតារាចម្រៀងវ័យក្មេង អ្នកនាងសួស កែវកន្និថា តារាចម្រៀងជើងចាស់អ្នកនាងសួស លីនដា ជារៀមច្បងក្នុងគ្រួសារ ដែលគេស្គាល់ថា ជាតារាចម្រៀងក្រៅស្រុកយូរឆ្នាំមកហើយ បានអះអាងថា អ្នកនាងនឹងចេញសម្ដែងនៅក្នុងប្រទេសបារាំងទៀតហើយ នៅថ្ងៃទី០២ កុម្ភៈ ២០១៧ ខាងមុខនេះ គឺប៉ុន្មានថ្ងៃក្រោយមង្គលការរបស់ប្អូនស្រីអ្នកនាងត្រូវបញ្ចប់។
អ្នកនាងបញ្ជាក់ថា មិនចេញទៅយូរដូចមុននោះទេ ដោយសារតែអ្នកនាងក៏ត្រូវប្រញាប់ត្រលប់មកវិញ ដើម្បីមើលខុសត្រូវភោជ នីយដ្ឋាន ដែលអ្នកនាងបោះទុនធ្វើជាថៅកែនោះដែរ ។
អ្នកនាងសួស លីនដា បានថ្លែងបញ្ជាក់ថា បើទោះជាទីផ្សារចេញច្រៀងក្រៅស្រុក សឹងនឹងក្លាយជាអាជីពធំមួយ សម្រាប់អាជីពចម្រៀងរបស់អ្នកនាង ក៏ប្រជាប្រិយភាពក្នុងស្រុក ហាក់មិនសូវមានមហាជនច្រើនណាស់ណានោះទេបានស្គាល់អ្នកនាង។
ចែករំលែកព័តមាននេះ