រាជធានីភ្នំពេញ ៖ លោកឆែ វីរៈ ចៅក្រមសាលាដំបូរាជធានីភ្នំពេញ កាលពីល្ងាចថ្ងៃទី១៦ មករា បានប្រកាសសាលក្រមសម្រេចផ្ដន្ទាទោសយុវជន២នាក់ ដាក់ពន្ធនាគារក្នុងម្នាក់ៗ៣០ឆ្នាំ ក្រោមការចោទប្រកាន់ពីបទជួញដូរគ្រឿងញៀ.ន ។
រាជធានីភ្នំពេញ ៖ លោកឆែ វីរៈ ចៅក្រមសាលាដំបូរាជធានីភ្នំពេញ កាលពីល្ងាចថ្ងៃទី១៦ មករា បានប្រកាសសាលក្រមសម្រេចផ្ដន្ទាទោសយុវជន២នាក់ ដាក់ពន្ធនាគារក្នុងម្នាក់ៗ៣០ឆ្នាំ ក្រោមការចោទប្រកាន់ពីបទជួញដូរគ្រឿងញៀន ។
ជនជាប់ចោទទាំង២នាក់ ម្នាក់ឈ្មោះឡោ សុធារិទ្ធ ភេទប្រុស អាយុ២៣ឆ្នាំ និងម្នាក់ទៀតឈ្មោះគឹម ស៊ុនហៃ ភេទប្រុស អាយុ២៣ឆ្នាំ ត្រូវបានតុលាការបើកផ្លូវប្ដឹងឧទ្ធរណ៍តាមកំណត់ច្បាប់ តែមិនពិន័យជាប្រាក់ទេ ក្នុងសំណុំរឿងនេះ ។
គួររំលឹកថា កម្លាំងនគរបាលការិយាល័យប្រឆាំងបទល្មើសគ្រឿងញៀនរាជធានីភ្នំពេញ សហការជាមួយនគរបាលខណ្ឌចំការមនបានចុះបង្ក្រាបយុវជនមួយក្រុមមានប្រុស-ស្រីចំនួន១៣នាក់ ដែលពពាក់ពពួនគ្នាប្រើប្រាស់ និង ចែកចាយគ្រឿងញៀន កាលពីវេលាម៉ោង០៨យប់ថ្ងៃទី២២ កក្កដា ២០១៦ ស្ថិតនៅកន្លែងទីតាំងហ្គេមមួយកន្លែង ផ្ទះលេខ77B តាមបណ្តោយផ្លូវលេខ២០៥ សង្កាត់ទួលស្វាយព្រៃទី២ ខណ្ឌចំការមន ។
សមត្ថកិច្ចបានឆែកឆេររកឃើញគ្រឿងញៀនចំនួន២កញ្ចប់ធំ នៅនឹងខ្លួនយុវជន២នាក់ ក្នុងចំណោមយុវជនប្រុស-ស្រីទាំង១៣នាក់នោះ មានឈ្មោះឡោ សុធារិទ្ធ ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅសង្កាត់ទឹកល្អក់ទី១ ខណ្ឌទួលគោក ជាមុខសញ្ញាចែកចាយយ៉ាងសកម្មនៅភូមិសាស្ត្រខាងលើនេះ និងដកហូតបានលុយដុល្លារ និងលុយខ្មែរមួយចំនួនធំពីក្រុមយុវជននោះផងដែរ ។
ជនជាប់ចោទម្នាក់ទៀតឈ្មោះ គឹម ស៊ុនហៃ អាយុ២៣ឆ្នាំ ជាដៃគូឡោ សុធារិទ្ធ ។ ក្រោយឃាត់ខ្លួនមនុស្សចំនួន១៣ នាក់ ក្នុងនោះមានស្រី៥នាក់ ដែលពាក់ព័ន្ធនឹងករណីជួញដូរ និងសេពគ្រឿងញៀននោះមក មានយុវជន១១នាក់ ត្រូវបញ្ជូនទៅមណ្ឌលបន្សាបគ្រឿងញៀន លើកលែងតែឈ្មោះឡោ សុធារិទ្ធ និងឈ្មោះគឹម ស៊ុនហៃ ជាអ្នកលក់គ្រឿងញៀនក្នុងលក្ខណមិនរាងចាលត្រូវចោទ ប្រកាន់ឃុំខ្លួន និងបញ្ជូនមកកាត់ទោសនាពេលនេះ ។
ចែករំលែកព័តមាននេះ